طيب علشان نجيب من الأاااخر
نحن كشعب سوداني على الدوام شعب منفسن وتفكيرو سطحي ،وبنستخسر طعم الفرحهه على نفسنا حتى في القصص والتفاهات دي،،،م عارفهه بس كإنسانهه ناضجهه وعارفهه الصح من الغلط م اظن قصهه تأثر عليييك وحتى لو أثرت عليك حيكون تأثيرها لحظي وبعدها حترجعي لواقعك ،،ولو جينا نتكلم ونحكي عن الواقع واااو م هو نحن كلنا بنشكي من الواقع وبنخش السوشيال ميديا ليييه؟؟؟علشان نهرب من الواقع دة وبنكون في حاله سكون لحظي بعيدين كل البعد عن المأاااسي البنعيشها،
#واقع_معاش
انا في #ادرينالين م كنت بكتب عن ادم السوداني ،او الرجل الشرقي المعقد،او غيرو انا كنت بتكلم عن باسل #كراااجل ،ودي المواصفات المفروض تكون في الراجل بغض النظر عن شكلو والحجات الثانويهه دي،،وسبحان الله نحن بننصدم في التصرفات الصح البتطلع من الراجل حتى في القصص ودة ان دل بدل على انو في نقص في بيوتنا من ناحيهه اباهتنا او ازواجنا ،،،يعني شي طبيعي انو الراجل يدلع زوجتو ،وشي طبيعي انو يكون حنين عليها ويعطف عليها،وشي طبيعي انو يظهر ليها حبو،دي حجات طبيعيه ي جماعهه،بس في مجتمعنا بتتسمى تخلف وهبل ومرتو ماسكاه والكلام دة،ياخي متين حنفهم انو الراجل م معناه يأكل ويشرب ويوفر ليك كل احتياجاتك ابدا،ياخي حتى العلاقهه الزوجيهه بينكم لو م فيها حب م حيكون ليها طعم ولا حتكون في نكهه في بيتكم حتكوني عبارة عن مرة عايشه بين اربعهه حيطان وبس بتاكل وبتشرب وبتعمل حجات على اساس انها واجبات مفروضهه عليها وخلاص💔وبعدين معظم الناس المتزوجين ديل عايشين بمبدأ انهم اتزوجو واتفرض عليهم الزواج دة برضاهم او لا المهم اتزوجو،وبعد م اتزوجو جابو اولاد وفي مرحلهه في النص اللي هي هل الزواج دة حيستمر وحيكملو ؟ولا حيتطلقو ؟ياها الاستشارات ماليه القروبات وكلها عبارة عن مشاكل زوجيهه مع انها سخيفهه وممكن تتحل بالتفاهم وبراحه بس ابدا م بحصل كدة وفي ناس عايشين حياتهم كلها ضرب واساءة وعذاب عارفين ليه؟علشان ادم العندنا متملك جدا،مدينو حق الڤيتو في اي تصرف بتصرفو تجاهك وانتي مفروض عليك تسكتي علشان لو م سكتي حتطلقي ولو اتطلقتي حيكون عندك عيال ومجبورة تعيشي في الجحيم علشانهم،ي جماعهه اذا جينا نتكلم عن الرجولهه حتى الرسول صلى الله عليه وسلم كان بيظهر كل جوانب الرقهه والحنان والتودد والمحبهه للسيدة عائشهه،يعني دي صفات الرسول م جايه من فراغ،وانتي كإمرأة من حقكك تشوفي الحب والعطف من راجلك دي م حجات عيب او غلط، ❤صراحهه الغلط هو الجفاف العاطفي الجوانا المخلينا نبكي حتى ولو شفنا مشهد رومانسي في حين انو نحن بنكون عارفين انو تمثيل
وبالنسبه لشخصيه شهد ي جماعهه دي اكترر واقع معاش في البلد دي في بنات كتيرة بعيشو نفس المعاناة دي ،وبلقو العذاب والوجع من اقرب الناس ليهم ،ويمكن اككتر،،،مجتمعنا شبه ظالم ،المرة المتزوجهه ومطلقهه او ارملهه م بتلقى قبول كبير في انها تتزوج وتاخد فرصه تانيه ولو اتزوجت أهل راجلها غالبا م بكونو متقبلنها ،دة غير قصه انها مولودة بالحرام وم شابه ذالك،انا بس حبيت اوصل فكرة انو الراجل الناضج الفاهم م بتهمو تفاصيل زي دي ،اضافهه لي انو كإنسانه عاشت مأساة ومعاناة زي معاناة شهد بتستحق السعادة الهو مقدمها ليها دي بجد وعلى قول حبوبه المطرة لما تصب،م بتدي بيوت الطين خبر نفس الشي الحصل مع شهد باسل فجأة دخل حياتها وغيرها 360درجه دة الحصل❤
برجع وبقول انا شخصيا بقعد وبرهق ذهني وعيوني واصابعي لمدة كم ساعهه م علشان شي محدد لا عايزة شهرة ولا في بالي فكرة انو في يوم مثلا اكون كاتبه بحق وحقيقه واكتب روايه بحق وحقيقه والكلام دة لأنو شخصيا شايفه لا انا عندي مؤهلات للحاجه دي ولا ياني الزوله التفكيرة عميق للدرجه دي انا بس اقصى طموحاتي انو عايزة الناس تعاين لي بكرة وتتفائل بي قصه انو بكرة ممكن نعيش واقع أجمل لأنو في ناس بجد بتعاني في حياتها ومحتاجهه حتى ولو لسطر مليان سعادة يخليها تبتسم ولو لثانيهه واحدة دي اقصى طموحاتي بجد❤
شكرا من القلب للقلب❤ #ادرينالين 38 حأوقف كتابه فيها م حركات مني او دراما رخيصهه بس جات كدة ولو جينا نتكلم عن الجانب المتعب والمرهق انا #حأتكلم عن نفسي وبس❤
#مليحيظهه
في بنات كتار ماشاءالله عليهم مبدعين في مجال الكتابه والتأليف فياريت انتقادكم لكتابتهم يكون بناء علشان انتي بتفتحي تلفونك في زمن محدد وبتلقي القصه في وشكك بس م بتتخيلي حجم الارهاق الذهني والوقت البياخدوهو من زمنهم علشان يكتبو ليكم التفاصيل دي ،عايزة توصلي ليها معلومهه قوليها بطريقهه هي ممكن تتقبلها علشان نفسنتكك الفيكك ممكن حالتها هي تكون اصعب منك،،وم ممكن تسمعي ليك زولة كلام فارغ علشان قصه هايفهه،خلي انتقادك يكون في تفاصيل القصه في حد زاتها م في شخصيتها❤
#ومعليش_على_المعطهه.😊❤
