ي جماعهه والله القصهه م كانت بسبب كومنت او انتقاد ابدا والله،وبعدين انا م قاعدة افتح الكومنتات علشان اشوف التعاليق خالص وحتى لو في انتقاد دة من حقكك ،،،القصه كلها كانت مع واحدة في المسنجر مع اني م من النوع المابيفتح المسنجر بالذات في الفترة البكون بكتب فيها بس امس فتحتو بالصدفه ،وكانت في واحدة مرسلهه لي في المسنجر م كانت بت صغيرة في العمر ، وم حأقدر احكي ليكم الحاصل شنوو بالظبط لانو الموضوع كبير والقصه طويلهه بس حابه اقول لبنات الخالهه الراسلتني في الأن بوكس لو ظهر ليكم البوست دة انتو حتفهمو انا قاصدة شنوو الله يخليكم تخلوها تفكك البلوك هي في مقام امي م عايزة اغلط فيها ولا حتى عايزة اسمعها فارغه ابدا دي م اخلاقياقي والله بس عايزة افهم منها الحاصل او حتى تعتبرني بتها وتفضفض لي وانا غااضهه نظر عن كلامها الكتبتو حأعتبر نفسي كأني م شوفتو ❤❤ولو رفضت قولو ليها شهد قالت ليكك ي خالتي كلامكك على عينها وراسها يعلم الله هي م زعلت من كلامكك على قدر م زعلت على عدم فهمها بالشي الانتي كتبتيه وكمان عايزة تطمن عليك،انشاءالله بس تكوني بخير وربنا يديكك الصحهه والعافيهه و طولهه العمر وتفرحي ببناتكك زي م انتي عايزة م زي القصص الخياليهه البتتكتب على السوشيال ميديا دي لأنو في الأول وفي الأخر دي كلها عبارة عن فراغ ومسكان زمن بس م اككتر ❤وانا بقدر م جاتني لحظهه انفعلتهه وزعلتهه فيها بس بعد م قعدتهه مع نفسي عرفته انو انتي في الأول وفي الأخر أم وخايفهه على بناتها، بس برررجع وبقول ليكك القصص دي تأثيرها بكون لحظي في الوقت الهم بقرو فيهو وبس يعني حدهم اخر كلمهه قروها من القصهه وخلاص ،وبعدين القصص دي افضل من اشياء كتيييرة بلجأؤ ليها المراهقين علشان يملو بيها فراغهم بالعكس يااخي انتي بس حاولي تصاحبي بناتك واتقربي منهم وحتلقيهم تلقائيا هم الحيحكو ليك الحاصل معاهم❤❤وي بخت اللي عندهم ام بتخاف عليهم زيكك كدة ❤
#كبشرو_ليها_ي_بناتها وخلو بالكم منها امكم دي بالرغم من انها م ردمتني بس دفنتني عدييل بس حبيتها حب لأنو ردة فعلها كانت نتيجهه لأنها أم❤👆
معليش ياااخ عارفاكم كرهتوني وسبيتو لأم الخلفوني بس الموضوع امس وترني وفقدني اعصابي بجد،واذا انتو كنتو في مكاني كنتو عملتو كدة💔 واذا زعلتو لاني وقفتهه الحلقات انا كمان زعلتهه لانو انا كاتبه كم و30حلقهه وبعد الارهاق دة كلو جيت وقفتها كانت صعبهه علي اككتر 💔بس انفعال الأم دي واسلوبها وتررني لدرجه دانو خلاني اراجع القصه من اولها لاخرها علشان اعرف فيها شنو صراحه شككتني في نفسي ومع اني لسسه م فهمتهه الحاصل شنوو بس إذا ربنا بجبر بخاااطر الناس فمييين انا علشان اكسرها؟على العموم انا اسفهه للناس الزعلت انا م مفتريه ولا بحب اطنش زول واعمل نفسي اخر حبه والكلام دة بس انا بجد امس بالذات م كنت في حاله بتسمح لي اعلق لي زول او اتجاوب مع زول وكلنا بتمر علينا الحالات دي من الزعل، انتو تعبتو من المتابعهه وانا كمان تعبتهه من الكتااااابهه ،يلا نكمل كلها كم حلقهه وتنتهي ومعليش لي حرقهه الأعصاب بجد م كانت دراما رخيصهه ابدا❤
كنا واقفين وين؟؟ ارح نكمل😊
