اكول انساك واحن اكثر

صدك مخطوبه يفلانه💔

الكاتبه ويبقى الامل  طفوف حميد
بقت تحجي براسي جيهان  وكلتلي كون صدك متحبينه لعمار وماعندج شي وياها  سمعني جوابج

رحيق ::- ماعرف خلي افكر

جيهان ::-  اي حبيبتي فكري وشوفي مو شرط توافقين ع اخو زوجت خالو

رحيق طلعت مني جيهان وبعد اسبوع اجوي اهل مرت خالو شافوني وكلتلهم ماما جواب يمه ويم اخوه وابوه

طلعو وبليل صاحلي بابا 

ابو سامر ::- رحيق

رحيق ::-هاا بابا

ابو سامر  ::- بنتي شرايج با اخو خالتج صارله فتره من خطبج ما سمعتينه رايج وجوابج شنو اي لا  شوفي بنتي هذا شي راجعلج موافقه لا محد يجبرج بس فكري زين وترى كولشي بلقسمه ونصيب  يا ابنتي لا اني ولا انتي نكدر نغير لنصيب ولقسمه ربك يقسمه النه  

رحيق::-

ابو سامر ::-يا رحوقه يا بابا جماعه يردون جواب واني وسامر وافقنه واتصلو عليه وكتلهم بقت يم بنتي اسمع جوابه يلا

رحيق 

بابا يسوالف واني منزله راسي حسيت ع دموعي  مسحتهن  وكتله  جوابي

        💔مارايدته بس القسمه لعبه دور 💔
         💔ما ارتاحله مو هو الباي 💔

رحيق ::-بكيفك يابه

ابو سامر ::-شنو بكيفي يابه موافقه لو لا معليك بيه وب سامر

رحيق ::-اي

ابو سامر ::-الف مبروك بنتي حبيبتي

رحيق ::-

بقيت ساكت اتصل بيهم بابا وكلهم موافقين   خليت وكمت ماتحملت صعدت لغرفتي وبقيت ابجي   

  عمار وينك تعال ليش عفتني ادري اهلي ما انطوني حاوله مره ثالثه واذا حاوله مرتين حاول لو الف مره ولا تعوفني اني طفلته اني بنتك مو اني تكولي مرتي مو انته  الجنت بانيه احلامي وياك وينك لعد تعوفني عمار  محتاجتك  ولك عمار اذا سمعت جوابي شنو ردت فعلك  شنو  راح تحجي عليه راح دكول بنتي لربيته ع ايدي عافتني والله ما اعفتك مجبوره برضاتي اي اني لمجبوره برضاتي  وافقت بس والله مجبوره شنو يصير لو مامزوج مروه ليش لكلب مايعرف يختار ليش اختارك وانته عندك حياه خاصه بيك مزوج وعايش حياتك ليش رحت بذاك اليوم للعرس وشفتك ليش وليش واخ او تردلي يا محبوبي  
الكاتبه ويبقى الامل طفوف حميد
نمت واني ابجي محسيت ع نفسي   شفت عمار اشلون يدلعني ويحبني  فزيت من حلمي اوووف يا عمار  راح تبقه حلم  ماكدرت احققه حالك من حال دراستي لنسلبت مني 

نزلت  ساعه ب6 اصبح كله نايمه  رجعت لغرفتي ضجت كلش رحت ع غرفه جمانه وجلنار لكيتهن نايمات اوووف راح اشتاقلهن معقوله اطلع قبلهن واني اصغرهن  جمانه  ما اعرف شنو مصيره وجلنار  حددو زواجهم  رجعت لغرفتي ورجعت لذكرياتي وي عمار   من يخابرني ومن يكولي حبيبتي جان يكولي انته تفاحتي  واني اكوله لفاكهه لمحرمه وصدك نحرمنه من بعض   بقت ابجي بهدو لحد ما اغفيت كعدت ع صوت جلنار

جلنار ::-رحوقه

رحيق ::-شكو

جلنار ::-ماما دكول خلي تكعد تحظر نفسه تتغده وتسبح وتبدل

رحيق ::-شكو المن

جلنار ::-للخطابه  راح يجي علي يشوفج

رحيق ::-شنووووو

جلنار ::-   اي ترى جمعه الحفله مالتج  يعقدلكم سيد  عاد لعرس يمته مادري

رحيق  ::-اليوم شنو

جلنار ::- احد

رحيق ::-جلنار ما اريد ازوج 

رحيق

شبكت جلنار وبقيت ابجي وهيه  لوحيده الي جان تعرف بعلاقتي بعمار من لبدايه    مرت الايام بسرعه احسه تركض رحنه اني وامي وجيهان ناجر بدله لخطوبه   ما اعجبني شي لان مال واهس  كالولي لو 3 بدلات لو بدله وحده  ميصير عدد زوجي اله فردي فختاريت فستان  ابيض  ما ردت بدله كتلهم ع للحنه وهم ما اريد هوسه ولويه اريد نزاكه فستان واحد بس ومكياج خفيف  وتسريحه بسيطه كتلهم كله لباقي ع الحنه والعرس  اقتنعت امي وجيهان  اشتري ما اجرت ورجعنه للبيت وكالت امي الخميس تجيج جيهان  تاخذج تحفين    واني راح اعزم   شفته كعدت تعزم بعماتي ونسوان عمي وبناتهم لمزوجات وبعده ع جوارين  والقرايب  واتصلت ع خوالي ونسوانهم وخالاتي وكلله عزمتهم مرت خالي لان عرس اخوه  وطبعا لحد هاي لحظه كلشي ما  اعرف عنه   شفت امي رجعت تتصل ع خالته  اوووف يمه تتصلين ع خالاتج خالتج ام عمار هم تتصلين عليه لو لا جنت كاعده  واصنت  اتصلت ع  ام عمار وسمعته كلتله

ام سامر ::-اشلونج خاله      اشلون صحتج          الحمد الله زينين        نسئل عليكم   اي خاله صح لسمعتو  رحيق جمعه خطبته واتصلت اعزمكم حته لو ماصرت لقسمه نبقه اهله انتي خالتي مثل امي  وابو عمار اخو ابو سامر  

رحيق
استمع الامي  وعرفت عنار عرف بيه مخطوبه  كطعته امي وكالت

ام سامر ::-شوفي يمه همزين ما انطيناج لعمار رجع مرته يمه لضره مره لو جانت جره وهاي سالفه نسوان مالت مره ماتاكل مره لا يمه تاكل عمار رجال مزوج حته لو ماعنده جهال منه هاي بت عمه قبل لا تصير زوجته ومستحيل يعوفه ويسكر بيه وهيه زوجته ومرت صارله سكد وياها مو اكثر من 5 سنوات  يا يمه اني ردت مصلحتج من رفضته بيت خالتي واعرفهم 

رحيق

مارديت ع امي خليت وصعدت بقيت ابجي  اسويت اني اشلون اقبل  ازوج واحد ثاني غير عمار لجان يوعدني  اكون زوجته وهو زوجي لمثالي واني ام جهاله واني حبيبته معقوله اصير لواحد ثاني وليش يكسر بيه  ويرجع مروه  اول ما اسمع بيه خاطبه اووف عمار 

     💔العين المن تون  معناها حنت 😔
              💔خلوها تشبع بجي

  
❤❤❤❤❤❤❤❤❤❤❤❤❤❤❤

يلا يلا

تفاعلكم
وتوقعاتكم

رحيق تم خطبته لو تلغيه

وعمار  شنو دوره بلقصه ويبقه مختفي لو
راح يدافع عن  حبه 

احبكم

❤❤❤❤❤❤❤❤❤❤❤❤❤❤❤