ام سامر ::-كومي وياي يعقدلج لشيخ
رحيق
وين اكووم لج يمه اني مغصوبه شكله منيلكلي موافقه اكله لا ما موافقه عندي حبيب ومنطوني اله اهلي وجبروني
💔تمنيتك نصيبي لو بس يوم💔
كمت وي امي وكفت بلباب مال لمطبخ لي ع لستقبال وكفت وبقه شيخ يسئل ويسلم اخر شي كلي كولي
💔نعم وانته موكلي💔
رحيق ::-نعم وانته موكلي
رحيق
علت صوت الهلاهل وتصفيك وطشو جكليت ع راسي ورجعوني لصاله
💔كمل دينه بيج 💔 واني ناقص دين💔
خطبوني .................غصب
خطبوني غصب ولغيرك انزفيت
وحفرو كبري لمن عقدوا القرأن
جبروني وصرخت احضرني يل العباس
انة وحيدة وعكلهم ترست الديوان
طش مستقبلي من طشو الجكليت
وركبة ونص كعد كل جرح نايم جان💔
رحيق
الكاتبه ويبقى الامل طفوف حميد
بقو يفترون ع راسي ويصفكون واني بعالم ثاني صرت اذكر احلامي اشلون جنت اتخيل نفسي اكعد ع كرسي واتصور عمار محسيت ع دمعتي من نزلت ع خدي راستن جلنار اخذتلي صوره انتبهت اله من اخذتلي صوره اشترلي ع خدي لمست خدي لكيت دمعه مسحته ونزلت راسي اشويه وكالو راح يدخل لعريس دخل علي واني نقبض صدري وختنكت اجه كعد يمي ماكدرت ارفع راسي حته اشوفه كلوله لبسه جايبيلي حلقه وكلاده بس وامي طلعت ذهبي كله وبقه هو يلبس بيه واني ساكته وكله تاشرلي ابتسمي ابتسمت هم خذتلي اختي صوره كملت لحفله وكله طشت ركضت لغرفتي ابجي من لقهر نمت وهم شفت عمار بلحلم يكولي بعدني احبج ليش هيج رحيق ما انتظرتي بقيت منعزله اكثر من قبل تقريبا اسبوع واتصلو ع امي كلوله نريده بسرعه جاينه رمضان امي هم مكالت شي بقت تحضر لعرسي واجيب وتحط واني جني ماشوفه مغلسه وحته ما اكعد وياهم مر عيد ميلادي ولا ذكرته لحد مدخلن اخواتي جلنار وجمانه وبيدهن لكيكه شبكتهن وكمت ابجي ويسكت بيه ويكوللي انسي اشبيج هل عايش وي مرته وحبج اله غلط اجه اسبوع العرس وجان بشعبان مناسبه مواليد الائماء عليهم سلام اخذتني جيهان
و حنته ناجر بدله اجرت بدله كلوشه لونه بوردي باهت كلش جان حلو لونه وحجزتلي هد صالون وبدله لعرس هم رجعنه اخذتني لحفافه ونيشان تكفلته امي وجلنار
وجوانه هنا اختفت تمنيته تحظر عرسي هيه اختي فقده صدك بس ما ابدينه شي مسافره ودطلب اقامه ب المانيه صارت يوم لحنه وهم كله اجت بس منسه ما اجت ولا اتصلت عرفت كطعت علاقته بيه رحت لصالون لبست لبدله ومكياج يخبل لان خليته ع راحته مانقشه ولا كتله خفيف او اوفر تركتته طلعت شكل ثاني كله بقت تصلي ع محمد حنو ايدي واني كلبي طك كمت ابجي وكله دكول يا خطيه تبجي لان راح تزوج وتطلع عن اهله وهيه صغيره اشلون وبعد اخواته مامزوجات بس لصدمني كله تسوالف بموضوع خطوبتي من عمار وكله دكول يااا شوف عرست قبل اخواته لان خطبه عمار هاي راد يطلك مرته علموده هاي لحبه اكيد هم تحبه مشوفينه مافرحانه لان تحب عمار نصدمت لشلون عرفو ناس كملت الحنه واني ع عصابي راستن صعدت وبابا صاحلي هو وعمامي واني ماصدكت كمت ابجي وشفت سامر ولا عبرته ولا عتبرته موجوده اصلا بعدين اجه عليه وهمس با اذاني
الكاتبه ويبقى الامل طفوف حميد
سامر ::-لان اعرف مصلحتج وصدكين علي خوش ولد احسن من عمار لمزوج ومروه لماتنحمل
سكتت
ونزلت دمعتي مسحته وحطيت راسي ع صدره وبجيت وهو يسكت بيه واني ابجي ورمن عيوني من لبجي محسيت ع نفس اله وامي تكعدني اروح صالون ثاريني نايمه واني حاضنه سامر اوووف يا اخوي تبقى الامان وسند النه تبقى راحتنه لو جنت الاذيه بذاته
هنيال الاخت لعده اخوان
تعيش مدلله وما يوم تنهنان
كعدت غسلت وبدلت ونزلت لكيت عماتي وخالاتي كلهن موجودات ساعه ب10 ونص اصبح سلمت وتريكت ورحت لصالون نفس لعاده مكيجت وبدلت واني لا مشاعر ولا شعور اشلون لميته كلتلي ام صالون كومي اوكفي شوفي نفسج بلمرايه باوعت النفسي واني ب لبدله الابيض لتمنيته لعمار نزلت دموعي واختنكت وبقيت اشهك بلبجي وام صالون تحجي لان خرب لمكياج كوه سكتتني جيهان وغسلت ورجعت ام صالون تمكيجني اجه حيدر اخذنه لبيتنه دخلت لكيته لملاه تقره كعدت وكله اصفك اجتني جلنار كلتلي
جلنار ::-رحوقه حبيبتي هاي منسه ع الخط اتصلت
الكاتبه ويبقى الامل طفوف حميد
❤❤❤❤❤❤❤❤❤❤❤❤❤❤❤
حبايبي مجاي اكدر اكتب والله مافارغه
يلا توقعاتكم لحياه رحيق لجديد
واتصل منسه لرحيق بيوم زفته
احبكم
الكاتبه ويبقى الامل طفوف حميد
❤❤❤❤❤❤❤❤❤❤❤❤❤❤❤
أنت تقرأ
اكول انساك واحن اكثر
ChickLit♯ أول مشـاويـر العمـر جانـت عيـونـك كل ما اكول انساك احنلك اكثر واكثر قصه حقيقيه بقلمي لكاتبه ويبقى الامل {طفوف حميد }
