الشبكة العنكبوتية

البارت 2

#الشبكة_العنكبوتية #البارت #الثاني 2

زهراء كالت يمكن مو الكل يخونون

هاي نور رح تنخطب من النت
وهذا حبيبها يموت عليها وكبال الكل بلكروب يكلها احبج
يعني شلون يضحك عليها

معقوله زياد يحبني من صدك ؟؟؟

نشرت زهراء منشور الساعه 2 بليل وعلق عليها زياد بس
جاوبته وضل يرد وهيه ترد
المهم دخل خاص كلها ممكن احجي وياج شويه

مجاوبته كلها اوكي اسفة لدخولي الخاص
فد شويه كلتله تفضل ؟
كلها ليش متجاوبيني .. كلتله مااحجي ويه شباب
كلها سارة اني هم بعمري ممحاجي بنيه بهلطريقه ومصارحها

والدليل علئ كلامي انو اني دزيتلج نور تحاجيج  

كلتله تفضل شنو عندك كلها اني احبج والله
كلتله شلون حبيتني بدون متشوفني
كلها حب اعمئ واني مااهتم بلشكل .. كلتله كل شي متعرف عني لا عمري لا اسمي لا منين

كلها والله حبيتج مو بيدي .. كلتله زياد اني اول مرة احجي ويه شاب ورح اعتبرك صديق ومااوعدك بشي
كلها ماشي المهم اني احبج وبس مااريد شي منج
ضلت ايام علئ هلحاله يحجون بس بليل مجرد اصدقاء

لحد ماقنعها بحبه وحبته وكل يوم يحاجيها وابد مطلب منها يسمع صوتها او يشوفها مجرد رسائل

وكلتله انو اسمها مو سارة اسمها زهراء وعمرها 15 سنه
وهو كلها زياد وعمرة 25 سنه

جان يكلها لتطلعين بدون اذني ولتاكلين هيجي ولتلبسين هيجي
ويخاف ويغار عليها لحد ماغرقت بحبه

.. زهراء..
ويوم من الايام اجت وحدة كلتلي ترا زياد يحب بنيه بلكروب
كتلها مستحيل لان هو يحبني كلتلي والله اني اتاكدت واجيت احذرج منه ترا جذاب كتلها منو البنيه كالت اسمها الاء
رحت سالت زياد وبدا يحلف انو ابد ممحاجيها خاص او كايل الها كلمه حب
انا رحت سالت البنيه والبنيه ضلت اتكول الله يوفقكم ويسعدكم اني ماعندي شي ويا كتلها بسترج احلفيلي ؟،
كالت وستري ماعندي شي ويا

رحت اعتذرت من زياد لاني ضلمته قبل اعتذاري وكلي اكو ناس ترا تريد تخرب كتله ميهموني اضل احبك ...

ضلو علئ هلحاله  سنه بعد هلسنه صار يطلب صورتها ويلح عليها ويزعل
لحد مدزتله لانها جانت حيل تحبه وتخاف تخسرة
وتخابرة
المهم صار كلما يريد منها شي ومتنطي يكلها متثقين بيه ومتحبيني ع شنو ضال وياج

زهراء ... جان يوعدني اي صورة ادزها اله يمسحها
اخويه تزوج .. واخو مرت اخويه جان معجب بيه
واني مااكدر اباوعله او ابادله الاعجاب لان عندي زياد احبه

المهم ورا فترة انقطع  عني زياد وضليت ادكله وادزله رسايل
ميجاوب خفت حيل يكون صاير بي شي

بقيت ادزله واتوسله يجاوب بحيث عيوني وكعت من البجي
ضليت لااكل ولاانام واهلي عبالهم مريضه ميدرون البيه

ضليت اكول شنو السبب ميجاوب

دكيتله بليل طلع مشغول ... !!! اتعجبت
رجعت دكيت مغلق ؟؟ ... شنو هلشغله وبديت ادز رسايل
جاوبني فدوة والله رح اموت بدونك بس طمني عليك

وبدون فايدة .. وضليت علئ هلحاله 5 اشهر
بهاي ال 5 اشهر ضليت اتذكرة واشتاقله بس ماادزله شي وكسرت سيم كارت

وراها رجعت اجرب ادخل بحساب الفيس مالته
دخلت وشفت كلامه مال حب وغزل ويه بنات ويه الاء هم

وضليت ابجي واكول ليش هيجي حلف جذب والبنيه حلفت بسترها ؟؟؟

حسيت نفسي غبيه لان صدكته بس مكدرت انسا او اكرهه

مرت 7 شهور وهو ماكو واني اتعودت علئ فراكه

....يتبع