#الشبكة_العنكبوتية #البارت #السابع 7
فتح احمد الباب وبسرعه لزم زياد وبدا يضربه علئ وجهه وخشمه
طبت الشرطه ولزمت زياد واخذو بتهمه التهديد والاعتداء
حضني احمد كلي اشش لتخافين خلصنا منه
حضنته حيل واني ابجي وهم يسكتني ....
رجعنا للبيت كل شي تمام واطمنت حسيت هسه اني صرت حرة
وحبي ل احمد كبر بكلبي .. وكف وياي وكفة ماتنسي
طبيت سبحت وطلعت اجاني اتصال من احمد
جاوبت كلت هلا كلي وهلوات شلونج يعمري
كتله تمام اكيد كال مرتاحه ... كلشش مرتاحه
احمد : تعرفين شكد خفت عليج اليوم مع اني جنت واكف برا
زهراء : اعرف... واني جنت خايفه اكثر منك
احمد : ههههههه ام حلك يلا نامي ارتاحي
زهراء : اوكي تصبح على خير
احمد : وانتي بخير كليبي
زهراء ... خليت راسي ع المخدة واذكر كلام احمد لحد منمت
فزيت من نومتي علئ صوت ابويه واخواني
غلط وامي جوة سادة باب غرفتي وقافلته
كتلها شكو يمه .. وهيه اتصيح ولكم خل نفتهم السالفه منها
وابويه يصيح ولج والله اكتلج فوكاها افتحي احسن
اني اكلها يمه فدوة كولي شكو .. كلتلي شكو موو الله يريحني منج
ولج مصايبج هاي ... ابويه كال بسيطه متفتحين الباب يعني وراح
كالت ولج هذا داز صورج علئ حساب اخوج بلفيس
وكاتب كلام كله طيحان حظ وغلط وابوج حلف ينهيج نهي
اني ضليت ارجف واصرخ وابجي .. يمه شسوي هسه
كليلي ... شكلج ولج الله يعيني علئ مصايبج وبلاويج
كله مني الغلط جبتلج موبايل ولابتوب
بس مادري بيج تسوين هلسوالف ..الله ياخذج ويخلصني منج
دزيت رساله الاحمد حجيتله كل شي ... ضليت انتضر منه رد ماكو
نص ساعه ورد كلي شنو هلحجي صدك تحجين لو تشاقين
كتبتله احمد الحكلي محبوسه بلغرفه من صبح الهسه
كال ثواني واكون عندج ...
احمد : كعدت ولكيت رساله من زهراء احس كلبي وكف حسيت اكو شي
فتحت الرساله انصدمت من الي بيها .. رحت بساع البيتهم فتحلي ابوها الباب
كتله مرحبا عمي .. هو اتغير لون وجهه وكلي هلا تفضل طب
كعدنا نحجي كلعادة ... كتله عمي وين عمتي وزهراء
سكت ... كتله خير عمي مو علئ بعضك
كلي احمد شحجيلك شكلك ... كتله خير قلقتني احجيلي
كلي. اوعدني يااحمد ميطلع هلحجي ... كال ماشي اوعدك
حجالي السالفة ... كلي شوف حتئ لو تريد تفسخ الخطوبه هسه اني حاضر
كتله عمي شسالفه .. اني مجاي العب اني احبها لزهراء ومتهمني هلشغلات
وهاي السوالف كلها. ادري بيها زهراء مغلطت ويه هلشخص وانما سوة هلشي لان اني شمرته بلسجن
كال احمد تدري ومكتلي ؟؟؟ ... اي عمي ادري ... وراضي
لك انت شلون تستر عليها هاي بنتي واذا غلطت لازم اربيها
احمد: ارجوك عمي انسئ هلسوالف واني حاضر شتريد
كلي احمد بعد اسبوعين العرس خوش ... الي تريدة يصير
زهراء : اسمع صوت احمد اجه وبعدها هدوء مااعرف الي جاي يحجو ضل بالي
وامي ضلت وياي بلغرفه خايفه عليه
واني ابجي واكول يارب افرجها عليه
والله غلطه ومتتكرر ... شجاني وصدكت بذاك الساقط ودمرت نفسي
فجأة صوت الباب اندك احس كلبي طفر من مكانه من الخوف
....يتبع
باجر انزل البارت الاخير شتتوقعون شيصير 😰😰
أنت تقرأ
الشبكة العنكبوتية
Fiksi Umumقصة فتاة تسقط ضحية لاحد الشباب المخادعين في عالم الانترنت الخيالي مما يأثر على واقعها .. تابعو القصة لمعرفة التفاصيل
