ما عارف حصل لي شنو بس من ما شوفت عسجد انا قلبي بضرب سريع المهم وصلنا ونزلنا المطعم كنا قاعدين طلبنا وجبت الطلبات وقعدنا نتونس المهم عزه جاها تلفون من صحبتها وانت قاعد قالت لي في موضوع ضروري لازم امشي وبقت تعتزر قلت ليها ما مشكله بدت تقول لي عسجد حوقف ليك أمجاد بس انا قلت ليها بوصلها وفعلا قالت لي متأكد قلت ليها اكيد وعزه قامت مشت بسرعه ما فهمت حصل شنو قلت لي عسجد خلينا نقعد حبه ونتكلم اساسا الوقت بدري بعد تفكير حتي وافقت وانا قاعد مع عسجد حسيت بي احساس مختلف فجاه كدا بقيت اعاين ليها وبس واتمل في الجمال الرباني وعسجد من النوع البخجل في كل حاجه قعدنا نتكلم ونحن مارقين مسكت يدي عشان أوصله حسيت انو قلبي عايز يطلع من مكانوا وما عايز افيك يديها نهائي بس ركبنا ومشينا ونحن في الطريق قالت لي صوتك ما غريب علي بكون سمعتوا قبل كدا قلت ليها يكون ما حبيت احكي ليها الموقف واحرجه وغيرت الموضوع قمت قلت ليها نكته وهي ضحكت وانا خلاص حاسي نفسي عايز يطير عليها ضحكه يا ساتر تكسرك وصلتها البيت ونزلتها ودخلت البيت انا راجع علي العربيه عزه جايه خاشه علي البوابه قلت ليها خير مالك قالت مافي حاجه وكانت مخلوعه ووجها ما يتفسر قلت ليها يا تحكي لي يا انا ما حنتكلم معاك قالت لي خلاص مشينا ركبنا العربيه وبدت تحكي لي الموضوع طلع في وولد بضايق فيها وانا ما عارفه من غير ما أحس زعلت وقلت ليها اديني رقمو سريع وزهجتا فيها ونزلتها من العربيه وبس أعلي سرعه مشيت اتصلت عليه قلت ليه انت وين قال لي لو راجل تعال المهم مشيت وجيتوا ما اتفهمت معاه طوالي نزلت من العربيه وبي كل زعل وغضب ضربتو وبدينا نضرب بعض لمن جوا حجزونا قلت ليه لو انت راجل تعال اتكلم مع خطيبتي دي المهم الموضوع تم وانا بالجد زعلت من عزه أنها ما كلمتني اول ما وصلت البيت ملاذ قالت لي مالك منفوخ كدا ما اشتغلت بيها مشيت علي الغرفه غيرت ملابسي ونمت عزه اتصلت علي كتيرررر لمن زهجت ردت عليها قالت لي الو قلت ليها يا سجم ما تتكلمي معاي بدت تعتزر مني بس انا زعلت وقفلت التلفون طوالي حجزت التذاكر لي انا وملاذ وعمو صالح ماخد اجازه المهم أمي سألتني مالك جيتو بدري غيرت الموضوع وبدينا نتونس غيرت شريحتيي لي داته نيت بس مافي اتصالات ولمن ترسل عزه ما برد المهم بقينا كدا زي شهر فاضل شهر والسنه تبدا بقيت أجهز في نفسي والمشروع التخرج ودا كلوا
يتبع....
