المهم مشيت علي كده البيت ومنتظر الصباح متين يجي مشيت شغلي عادي وداومته وخليت اعصابي في الحديد مشيت البيت غيرت وما طلعت من البيت قلعد مع ملاذ ونحضر في التلفاز بعد المغرب بعد ما صليت متوكل اتصل علي وقال لي اسمع عسجد عرسها اتلغي انا ياداب حسيت بي الفرح طوالي اتصلت علي عزه قلت ليها اول مره تعملي حاجه صاح غي حياتك قالت لي انت واحد حقير لكن ما اشتغلت بيها مشيت انصلت هلي عسجد لقيتها مبسوطه وقالت لي ما يكون انت السبب قلت ليها اكيد وقعدنا نتكلم قفلت منها وانا عسجد شويه شويه بنتكلم مع بعض لكن ما كل يوم المهم بدارم في الشغل والحركات دي مرت زي 5شهور وبقوني نائب الرئيس في الشركه يا زول انا انبسطت واخسرا حبه حبه بقيت احقق حلمي مشيت، علي عسجد جري واتصلت عليها ورتني قالت لس نستاهل عزمتها علي عشاء وهي اتصرفت مع امها وطلعت معها صحبتها هيام دي اقرب صحبه ليها وعرفاني مستنيها شويه كدا من البيت جات هي وهيام يا زول انا ما قدرت اشيل عيني منها مشاء كانت مزه مزه والفستان بالجد بليق، بيها خي وبس وبقبت اعاين واعاين فجاه قالت لي ما تعاين لي كده قلت ليها عرفتي كيف قالت انا صاح ما بشوف لكن بحس وبالمناسبه قلت ليها امممممم الليله طالع حلو وتبسمت نزلت صحبتها البيت ومشينا نحن نزلنا اتغشينت وضحكنا وكلوا في السليم كان يوم حلو شديد رجعتها البيت وهي نازله قلن ليها ما نسيتي حاجه قالت لي مع سلامه قلت ليها همممممم حاجه تانيه قالت لي قرب عايزه تبوسني من خدي طوالي اديتها وجهي جات........ المهم خجلت وخدودا وردو اووووووف لمن تخجل بتخليني في عالم تاني وصلتها الباب ومشيت البيت نمت بي عمق وانا بفكر فيها تاني يوم بعد ما جيت من الشغل قاعد مع ملاذ قالت لي وين يا ولد ما شوفت ليك بنت تانيه ولا شنو عاينت ليها كداااااا قلت ليها ناوي قريب مشيت عشان اغير ملابسي اطلع اشوف الشباب فكرت في كلام ملاذ انا ما دام انا وملاذ برانا ما اتقدم لي عيجد وظروفي بقت تمام والحمد الله مشيت لي الشباب لفيتم كلهم قعدنا وانتهينا ماشين ناديت محمد ومتوكل قلت ليهم عايز اتكلم معاكم ركبنا، العربيه وودعنا باقي الشباب اول ما ركبنا طوالي حكيت ليهم، قصتي انا وعسجد من البدايه لي النهايه وهايز لي خطه عشان اتقدم لي عسجد متوكل اتخلع قال انت جادي قلت، ليهو ايوا عسجد، تستاهل محمد قال اي لكن هي ما كفيفه حتعيش معاها كيف قلت ليه دي حياتي كلها قال لي خير نحن حنفذ البتقولوا متوكل قال لي طيب ما زعلان مني عشان عزه قلت، ليه مادام بتحبها، ما مشكله قال لي انا كمان عايز اخطي عزه من ابوها انبسطت ليه متوكل برضو شغال لكن في شركه عمو استشاري مالي ومحمد مهندي برمجيات في وحده من الشركات المهم وريتهم يعملوا شنو اول ما زجعت من البيت لقيت ملاذ نامت قلت اوريها الصباح غطيتها ومشيت غرفتي ماسك التلفون قلت انصل علي عزه ننهي الخلاف البناتنا دا وافهمه الحاصل، اتصلت عليها، وطوالي ردت علي قعدنا نتكلم ونعتزر من بعض بس قلت ليها انا ما بحب غير عسجد اتفهمي
يتبع......
