من صباح يوم الجمعه انا صحيت ومتشوق وخائف تقول اول مره اتقدم المهم جهزت نفسي كويس ونروق وادخل وما قدرت اكل وانا عسجد خائفين وكل بعد شويه نتصل علي بعض وكمان متوكل جاني هو وناس البيت عشان يتقدموا لي عزه يعني البنتين سوا لمن جاٱ العشاء صلينا وطلعنا مشينا ناس عسجد في البدايه ما قدرت انزل، لكن نزلت ولاقينا ناس متوكل عند الباب متفقين خشينا وسلمنا علي بعض وانا متوكل متوترين ما قدرنا وقفنا بره جنب العربيه ومعانا محمد انتظرنا لمن ملاذ جات نادتنا مشينا، بدا ابوها يتكلم معانا ويسال قال لي ليه عسجد وضحت ليه، الموضوع وسال محمد واتعرف علي اهلينا ما رد علينا قال برد علينا لمن يفكر ويجمع اعمام حتي يرد مشينا علي كده واي زول رجع بيتو وصلتهم ومشينا انا ومتوكل اتلاقينا قعدنا سهرنا كدا ورجعنا البيت لقيت ابوي مستنيي وحكينا حكي كتير وبقي يوصي فيني كويس مشينا نومنا ورجعت للبرنامج اليومي مرت اسبوعين ومافي رد وعسجد اضرب ليها هي وعزه ما بردو انا خوفت وكلمت متوكل قلنا احتمال ما وافق او نسي الموضوع مستنين من الشغل جاني متوكل في المكتب قال لي حقو نقنع منهم ابوها ما رد علينا المهم مشينا اتغدينا ونحن بنتغدا ابوي اتصل علي قال لي تعال ومعاك متوكل انا خفت، قلت احتمال في، حاجه مشينا سريع سريع ما، تمينا الغداء اول ما خشينا، نلقي، ليك، امي وابوي وملاذ، واخو متوكل واموهو وابوه بشربوا الشاي ويضحكوا جينا سالنهم قالوا لينا ابشروا مبروك الاب وافق يا زول انا قربت ادوب احساس صعب ياخ ا نا ومتوكل صعدنا شربنا مويه وقعدنا انا مشيت علي الغرفه واتصلت علي عسجد ردت علي قلت ليها ما بتردي مالك انتي عارفه،انا فقدت الامل قالت لي انا ليك وبس ما تخاف بس،حبينا،نخوفكم شويه وكدا،اكون،اخت حقي ضحكته وقفلت الخط بعد يومين مشينا،ليهم انا وابوي عشان نتفق علي كل حاجه وقعدنا واتفقنا علي،كل شي ابوي بدا يعزم ناسوا وانا كمام وملاذ وامي وكلهم بدينا نجهز وانا بشتغل وبجي اجهز معاهم مرت تلات شهور انا بتكلم مع عسجد بس في الاسبوع مره وبقيت اشتاق ليها بس هي ما فاضيه لي عشان بتجهز المهم كل ما امشي ليهم البيت ما بخلوني اشوفها ولا اتكلم معها في التلفون مرت الشهور التلاته دي وجهزنا كل شي وعملت حنيتي البيضه فاضل اسبوع للعريس وانا اخت اجازه من،الشغل وعزمتهم وكانت شي حلو بدت امي تخت لي الحنه لمن جات الحنه الكبيره اتفقنا انا
يتبع....
