احببته فقتلني

وصل  كلا من ابو صالح وعمر منزل ابوصالح وحلما دخلا المنزل نادى ابو صالح 

على ام صالح وقال :ام صالح ام صالح وينح تعاي عدنه ضيوف 

واكمل موجها كلامه لعمر  اتفضل ابني اتفضل حياك الله اتفضل

جلس كل من عمر وابو صلح في غرفه الضيوف وبعدها بقليل 

جاءت ام صالح ودخلت عليهم    نظرت الى الجالس برفقه زوجها 

وقالت :عمر هذا انت ابني  يووو يابو صالح فكرت انه جانا صدك ضيف 

ماكتلي انه عمر 

ابو صالح :هااا يعني عمر مو ضيف 

ام صالح :اي ضيف هذا عمر من اهل البيت 

عمر :اشكرج خاله هذا من طيب اصلج 

ابو صالح :ام صالح سونه استكانين جاي 

وروحي صيحي حنان كليله رجلج اجه ويريد 

يشوفج 

ابتسمت ام صالح وقالت :انشاء الله هسه اروح اصيحه 

واسويلكم احلى جاي 

خرجت ام صالح من غرفه الضيوف وتوجهت نحو غرفه 

حنان وطرقت الباب دخلت ام صالح على حنان وجدتها تجلس

وتقرا القرأن  رفعت حنان راسها نحو ام صالح وقالت 

هلا خاله اتفضلي  ليش واكفه 

ام صالح :لا خاله اني جيت حتى اصيحيج ابو صالح كاعد بغرفه الضيوف 

ويريدج ضروري 

نظرت حنان بستغراب الى ام صالح وقالت :عمي بوصالح ايريدني 

ليش صاير شي 

ضحك ام صالح وقالت :كومي روحي لعمج وانت اتعرفين 

وتركتها وخرجت 

اما حنان غادرت الغرفه وهي مازلت ترتدي سدال الصلاة 

طرقت باب غرفه الضيوف بعد ان وصلت اليها وسمعت 

صوت ابو صالح يقول لهل :اتفضل 

دخلت حنان الى الغرفه  والقت السلام لكنها فاجئت 

عندما سمعت صوت عمر فارفعت راسها بسرعه نحوه 

وجدتوه اصبح نحيفا جدا  وقد نمت لحيته ونظره الحزن 

التي تكسو وجه 

تحدث ابو صالح :اتفضلي بنتي كعدي ليش واكفه 

تقدمت حنان وجلست بعيده عن عمر اي ماقبيله 

ثم اكمل ابو صالح :اسمعي بنتي اني وعدتج اجيبلج رجلج 

لعندج وهاي اني وفيت بوعدي وهسه راح اتركم تحجون براحتكم