حبيبتي -اسيرة داعش

بارت 10

مر علينه 4 ايام انتهينه من الجوع والعطش نص الي جانو ويانه اتوفو صح اتعذبو ابسبب العطش والجوع بس همين هنيالهم ارتاحو او بقينه احنه نجهل مصيرينه
فتحو الباب ابكل قسوه اولاعبالك احنه بشر مثلهم اذكر انطونه كل واحد استكان مي او ثلث كرصت خبز من بعد 3 ايام من العطش والجوع جان الي ايوزع المي والخبز يشتم ويسب بينه جانو منتضرينه نموت او ياريتنه متنه اوخلصنه منهم بس الله مجان رايد ينهي معاناتنه او حياتنه اخذونه الغير مكان الي هوه مدرسه او بدو يفصلون النساء وحد والرجال وحد ماعدهم رحمه والي يعصيهم رئسن يكتلوه ابرمشه عين لحضات متنوصف من شده المهة او اجانه الدور او اخذونه من بابه او احنه نتوسل بيهم اونبجي بس همه لاگلب ايحن اولاعين ترمش ماعدهم ذره رحمه هنا كلت لو بابه قابل اب مصطفى مجان مرينه ابكل هاذه مقبل ينطني للمشتريني اورايدني ب الحلال هسه انجبر يتركني ب النار او للحرام اخذونه او ماعرف وين ودو بابه مرت شهور او احنه نشتغل خدم عدهم انضف وصخهم او قذارتهم نغسل المكان الي يقتلون بيهة النساء والاطفال والرجال والشباب مواقف شاب الراس البشاعتهة بعد كم شهر عرفنه بابه بعد عدل او موجود ابنفس المكان ويانه حاولنه نشوفه او ب الفعل التقينه بيه بعد مرور شهور كال عرفت طريقه نهرب بيهة او اكو ناس هنا انطيهم فلوس او يهربونه حيل فرحنه ابهل خبر او صار عدنه امل نرجع الحياتنه او نعيش بعيد عن هاذ المكان  مر شهر او بابه او اهلي يلتقون بس محد ايكلي جنت اعرف ب الصدف لو اشوفهم صدفه معقوله بابه ميريد ايشوفني معقوله حاسس ب الذنب لئن ماقبل اب مصطفى  ياتره مصطفى هس عرف بلي صار ويانه بعدهة يذكرني لو نساني اوضليت افكر لحد ما خدرت منل التعب اونمت جنه انام سوه اني اومامه اوخواتي بس هاي صارلهم كم يوم ميتقربآ عليه اوكل مااسئلهم يتعاركن وياي او ميكللي السبب يوم من الايام اجتني مره كلتلي امشي نضفي الحمامات اكو وحده كافره انتحرت ضليت اعاين عليه اواحجي ابكلبي والله محد كافر غيركم ياقتله ضربتني حيل 😢 اومشيت وياهة طبعن لبسونه الخمار الي هوه البوشيه او العبايه او جفوف منطلع ابدونهن ماجنت اعرف الجمال راح يتحول عليه نقمه مو نعمه اوماجنت اعرف بابه بايعني للشخص الي راح ايهربهم او ماجنت اعرف راح يرحون ويتركوني هنا ليش اشسويتلهم فوك ماهوه هدم حياتي اول شي هس ايضحي بيهة ويبيعني الهذول الانذال لو كايلي جان اني الي بنفسي اضحي او اخليهم يخلصون من هل عذاب بس ليش غدروني اوهمه اهلي ليش اوليش اوماعرفت الجواب الاي سوال اوهيج مرت الايام او عرفت اهلي انهزمو اوطلعو من اسوار داعش راحو ايكملون حياتهم  اوخلوني ابهل ضلم والعذاب ليش ياربي ليش😭
بس همين الدواعش عارفين ابهاذ الشخص الي باعني بابه عليه انو خاينهم ومهرب اهلي او بعد هوايه اشخاص فلازمينه او قاتيلنه الله يلعنه ويلعنهم اجمعين الحمدالله خلصت منه😞😢😢

يتبع......