لاتتركني وترحل
الكاتبه:tabarak hasan
ج السابع
سيف:ردت اكوم جرت قميصي حجت بصوت ناصي تستحي تبقه وحدهه كتلهه ابدل واجي كلتلي اخذ راحتك صعدت اخذت دوش وغير ملابسي ونزلت اباوع محد موجود بس امي سئلتني مين هاي الابنيه وشنو قصتهه سولفتلهه انقهرت عليهه كلتلي لوتقبل جان جبتهه يمي كتلهه متعوف اختهه وصديقتهه لئن متعلقه بيهه وعفتهه وصعدت الغرفه هدى فتحت الباب شفت مينا واكفه ع مرايه وشعرهه مغطي جسمهه كله كلش طويل الحد ركبتهه ضليت صافن معقوله اكو هيج جمال هيه خجلت وخدودهه صارن حمر خجلهه زادهه جمال
حسيتهه ستحت مني كتلهه هدى هنا كالت لانزلت سديت الباب ونزلت ضليت افكر بيهه وطاير عقلي مراحت من بالي ابد اخذت جهازي وضليت اكلب بي طبعن اني عندي معجبات هواي من خلال صوري الي انشرهن بس مااحجي وياهن واني اكلب بلجهاز نزلت مينا لابسه دشداشه حلوه عليهه بارزه انوثتهه وكامشه حجابهه بأديهه لئن هيه مومحجبه واني بين فتره وفتره اباوعلهه اشوفه تبتسملي تصرفاتهه عفويه ع طبيعتهه للعصر اجوي اخواني وفاتو رحبو بيهم اباوعلهه نست تخلي شال ع راسهه باوعتلهه وخزرتهه هيه فتهمت جرته وخلت ع راسهه اني سلمت ع ابويه وسئلوني عليهه وجاوبتهم هيه اجتي سوت مثل مااحنه سوينه هم باست ادين ابويه وسلمت ع اخواني من بعيد وترخصت وصعدت من صعدت ضلو يسئلون بيه كلشي سولفتلهم وضليت كاعد يمهم وترخصت صعدت الغرفتي شفت مينا بغرفتي تشتم بجماغي تعجبت كلت اكيد عدهه شي ومخاليه اتجاهي كتلهه محتاجه شي هيه صفنت وبعدين جاوبتني من رادت تطلع كتلهه اخذي ذكره اخذته وطلعت غيرت ملابسي ونزلت شغلت السياره وطلعت افتر اغير جو ورحت الجماعتي لليل صارت ساعه سبعا ونص اجتني رساله من هدى قريتهه طلعت دازتهه مينا ضحكت اويلي عليج خطفتي كلبي رديت عليهه وبره شويه رجعت للبيت وضليت مكابلهه وكاعد وبعدين اتصلت ع اختهه وردت طلعت تحجي وياهه اني لحكتهه اريد اعرف شنو تحجي سمعتهه شلون سولف عليه يعني طلعت تحبني وتعرفني من زمان اخخ يكلبي لعد ليش محجت اوف باع اني تريد بنيه تجي تعترف شبيك تخبلت ماعرف ليش بوقتهه كلش فرحت تمنيتهه تحجي الي حجته وتباوع بعيوني اوووف ياجزر المالدليف يوم واحد واخذتيلي كلبي اذا بقيتي يومين شلون ضل تفكيري ياخذني ويجيبني الحدما اجتي وضاهر عرفت اني سمعت خبرتني باجر راح ترجع انعصر كلبي اتمنيتهه تبقه اكثر ضجت وخبرت اهلي وصعدت اني هم صعدت ارتاح وضل تفكير ياخذني الهه حدما نمت كعدت الصبح ع صوت امي كلتلي اكعد ودي الابنيه كمت من فراشي اخذت دوش سريع وغيرت ملابسي ونزلت اتريكت وياهه وجهزت السياره وهيه طلعت
