لاتتركني وترحل
الكاتبه*tabarak hasan
ج ٤٦
اركان:شبيج منيا شصارلج
مينا:اركان الحكلي بطني موتتن بعدني ممكمله حجايتي وركض اتقيئ
اركان:روحي جيبولهه شي ثخين تلبسه
ليان:ركضت جبت قمصلتهه وشال ثخين لبستهه وكوه تمشي
مينا:كوه امشي من الام بطني نزلت الدرج وراح اركان قرب سياره اباوع رقيه ونرجس يضحكن عفتهه وطلعت ركبت اليوره ونمت ع كشن اركان يسوق وامه لكدام كاعده سمعته يكول
اركان:راح ادك ع سيف
مينا:لا عوفه لتكله خاف يصير بي شي
ام سيف:ايي يمه عوف الولد من يجي انكله
مينا:شمر الجهاز اني انتهيت حدما وصلنه للمستشفى اجه اركان يريد ينزلني مااكدر اكوم ضليت اصيح بطني وابجي شالني وكام يركض بيه اخذني لطوارئ نيموني ع سديه وفحوصات طلعت عندي تسمم غذائي سوالي غسل معده انتهيت ضليت بايته بلمستشفى ومتت من الوجع باتو يمي وليل كله متلوعين بيه حدما طر الفجر علينه اني نمت من تعب كعدت عيوني مرمه
ام سيف:ها بنيتي شلون صرتي
مينا:زينه
اركان:راح الوجع
مينا:ايي راح
ام سيف:الحمدالله ع سلامتج
مينا:الله يسلمج
اركان:عندج العافيه
مينا:الله يعافيك
اركان:يله ارتاحي شويه حته نطلع
مينا:ماشي
اركان:البارحه سيف:يدك ع جهازج ماكو وخابرني
مينا:بس لاكلتله
اركان:لامحجيت شي بس كال ضل بالي يمهه مترد كتله يمكن نايمه كال خاف صاير شي كتله لاكلشي ماكو من ترجعين للبيت خابري وطمني
مينا:ان شاء الله استراحيت شويه وكمت طلعنه ركبني بسياره وصلنه للبيت اتلكني البنات ضلن يبوسن بيه وحاوطني وصعدني للغرفه تمددت ارتاح ونمت
سيف:استمريت بشغلي بلموصل تفكيك متفجرات شغلتي صعبه بس يستاهل الوطن انضحي لجله بالي ضال يم مينا كلبي حسني بيهه شي دكيت ع جهازهه مترد حاولت مره مرتين ماكو ضل بالي يمهه دكيت ع اركان صوت هوسه يما كتله انته وين كال يمي اصدقائي انته بلبيت ايي مينا وين ادك عليهه ماكو يمكن نايمه صاير شي لاماكو شي خوش يله اروح ارتاح الله وياك سديته ضليت كاعد يم جماعتي الوضع هنا ابد ميطمن نص المناطق محتليهه رحت اتمددت شويه حته ارتاح جسمي مكسر وتعبان
مينا:شبعت نوم وكعدت دنيا ضهر كمت من فراشي لكيت البنات ماكو نزلت لكيت بس حوراء كعدت يمهه كتلهه لعد وينهن شو ماكو
حوراء:طلعن ويا اركان للحديقه وعمتي نايمه وعلي طلع ونرجس راحت الاهلهه ورقيه بغرفتهه
مينا:ها خوش طلعين يمهم
لاتتركني وترحل
الكاتبه*tabarak hasan
ج٤٧
حوراء:خلي احط ع راسي شي واجيج
مينا:ماشي راحت ورجعت وشالت بتهه وطلعنه للحديقه لكينه اركان شايل سلاح ويراوي للبنات اني كعدت اباوع عليهم بردت ردت افوت اركان صاح اذا صاعده صيحيلي وياج رقيه خلي تجي يمنه كتله ماشي صعدت اصيح رقيه سمعتهه تحجي بجهاز
رقيه:لج انتي وكعتيني بورطه خاف يعرفون احنه سوينه بمينا هيج والله روح برجليه وسيف يموتنه اذا دره شنو معليج انتي موقترحتي نذبلهه بل شوربه وشفتي صار بعينج لوميته خطيتهه بركبتنه
مينا:اني من اول بدايه من حجت طلعت جهاز وسجلتهه لئن جان حسهه عالي دفعت الباب وجريتهه من شعرهه وهيه صيح كمت اضرب بيهه تمالخنه اني وياهه ع صوت الاصياح اجوي اهلهه يفككون بيه
ام سيف:شكو صاير ليش هاذه العرك
رقيه:ماادري اشو هم البيت بيتي وكاعده بلغرفه دفرت الباب وجرتني من شعري
مينا:احجي شمسويه بيه انتي وبت عمج كبت صياحهه اجتي تريد تضربني كمت دفعتهه امهه كامت صيح احجن شكو كتلهه خاله بتج خاله بأكلي ماعرف شنو ومسممتني
رقيه:جذابه تبتلي عليه
ام سيف:شنو تبتلين ع بتي فوك ماكعده بيتنه
مينا:نهدن عليه اجتي ام سيف رادت تضربني سمعت واحد صيح درت وجهي شفته سيف ركضت عليه وحضنته وكمت ابجي
سيف:شكو صاير ليش صياحجن واصل لشارع
رقيه:هايه الماعرف مين جايبهه تتبله عليه
مينا:جذابه ونبي سممت اكلي سيف رادت تموتني هيه وبت عمك
سيف:ضلن صافن عليه وراح للستقبال كال تعالن برايه مينا ورقيه بس
مينا:رحنه برى كعد ع قنفه واحنه كباله صيح ماريد بشر يطب طلع جهازه ودك ع ابن عمه كله جيب اختك وتعال
سيف:رقية شنو هاي سالفه الكالتهه مينا صدك لو جذب
رقية:جذابه تبتلي عليه معقوله اني اسوي هيج
مينا:فوك سويتن وتكولن جذابه والله انتي جذابه ياطايحه الحظ كمت نمت عليهه واملخ بشعرهه سيف جرني وضل يصيح علينه
هدى:شنو اليثبت يجذابه عندج اثبات
مينا:ايي عندي خلي تجي بت عمي واني اطلع الاثبات
سيف:والله اذا طلعت وحده منجن جذابه عقابهه عندي وماارحمجن
مينا:بره شويه اجتي بت عمه طلع اخوهه وكعدت بصف رقيه
نرجس:شكو شنو سالفه ليش دزيتو عليه
مينا:هسه تعرفين شكو طلعت جهازي وخليت سماعات بأذن سيف كتله اسمع
سيف:انطتني الجهاز وسمعت كل حجيهه كتلهه مينا طلعي
مينا:عفته وطلعت كتله بعد مالي مكان بهاذه البيت
فتحت الباب وطلعت تلكتني امهه ضلت دعي عليه
ام سيف:الله لاينطيج الصحه خربتي بيتنه من اول مااجيتي حيه
مينا:عفتهه مارديت عليهه مره جبيره صحت ع بنات اجني برايه كتلهن جمعن غراضجن بسرعه جرينه جنطنه وجمعت ملابس وبقيه ونزلت البنات اسمعهن يصايحن ويكسرون بلباب قافله سيف طلعنه وسدينه الباب برانه اخذت تكسي وبعدت عن البيت
سرى:وين روح هسه
ليان:جانت تانيتي سيف
مينا:بس سكتن فتحت جهازي ودكيت ع رباب جنت دائمن اتواصل وياهه وتعرف كلشي عني وعن اخباري دكيت ردت
رباب:هلا بنيتي شلونج
مينا:موزينه
رباب:ليش شبيج خيرج
مينا:اشوفج واكلج شبيه
رباب:تعاي الهاذه المكان_____
مينا:ماشي سديته منهه وكلت لسايق وديني الهاذه المكان الطريق كله سيف يدك وماارد عليه تعبوني هواي خليت جهاز صافت حدما وصلنه دخلت للمطعم لكيتهه موجوده سلمنه عليهه وكعدنه
رباب:احجي بنيتي ضل بالي يمج
مينا:اني مسولفتلج ع رقيه وبنت عمهه سون بيه
رباب:وهواي كتلج تعاي عيشي يمي بس انتي مسمعين الكلمه
مينا:ايي غير علمود سيف
رباب:وسوه بيج سيف
مينا:موضوعي مويمه عوفيهه ذيج الشغله
ليان وسرى:شنيه شغله
مينا:بعدين سكتن ... ايي ذاك اليوم من تخربطت وطلع تسمم اثاري عمله رقيه وبنت عمهه رادن يموتني
رباب:عمت عينهه وصلن لهل مواصيل والله بعد مااعوفج وياهه اني اتبناج ماعندي بنات ولا ولد اخليجن بعيوني بس قبل
مينا:ايي هاهيه اريد اعيش يمج اريد ارتاح
رباب:يله كومن اخذجن للبيت
مينا:كمنه وياهه صعدنه بسيارتهه من ذن المنفوخات والعاليه صعدت لكدام والبنات ليوره مسافه الطريق وصلنه البيتهه بمنطقه راقيه نزلنه البيت جبير تقريبا ٤٠٠ متر وبناء راقي نفتحت الباب ودخلت السياره للكراج عدهم سيارتين وحديقه كلش جبيره وبيهه مرجوحه ونوبه دخلين للبيت جوه ومطبخ معزول جبير وصاله خاله بيهه قنفاات ومرتبه وع صفحه درش وتنزل ثريه من طابق الثاني حلو بيتهه
رباب:اخذن راحجن ومنا وجاي البيت بيجن وانتن بناتي
مينا:متقصرين خاله
ليان وسرى:شكرا خاله
رباب:لامال خاله ماريد اعتبرني امجن
مينا ليان سرى:ماشي
رباب:رحن الغرفه ضيوف علما ارتب غرفجن
مينا:صاحت وحده تشتغل بلبيت وصعدتنه الغرفه خلينه جنطنه وتمددنه بيهه جربايه تكفي ٣نفرات وسدت الباب وراحت
ليان:تدرين هسه ارتاحيت من اول اريد اجي لهنا
سرى:يعني راح الدنيا تفتح النه بيبانهه
مينا:ان شاء الله اهم شي نخلص من رقيه وخباثتهه
ليان:وسيف شلون
مينا:من ارتاح احجي ويا وافهمه مرت الساعات وصار الليل ودك جهاز باوعت سيف رديت عليه
سيف:انتي وين رحتي تصرفين بكيفج وطلعين
مينا:سيف تعبت تحملت هواي حجي ومغثه
سيف:ربيتهه الج وزوركت جسمهن واشوف منو يفك حلكه
مينا:يستاهلن كرهني حياتي
سيف:انتي وين خلي اجي اخذج
