لاتتركني وترحل
الكاتبه:tabarak hasan )تبارك حسن(
ج٧٦
سرى:يستاهل الصار بيهن
مينا:راحو
نورس:ايي
مينا:نزلت جوه كعدت يمهم
رباب:هسه ارتاحيت
مينا:واني هم يستاهلن
ايمن:مادام خلصت الشغله نرجع باجر
مينا:ايي ياريت
ليان:لا عفيه ابقي بعد وكت
نورس:خلي نطلع باجر وعكبه نرجع لئن كلشي ماشفنه
سرى:ايي احسن حته نطلع شويه نفه ع نفسنه
رباب:ايي ابقو ماكو روحه بعد وكت
امين:اوك خلي نبقه بعد يوم
سيف:تفاجئت بلي صار ماجنت متوقع الي صار من بره نرجس ورقيه فارت روحي كوه متحمل وماانفجرت يمهم رجعنه للبيت واخذت طريق اتحلف بيهه رجعنه ودخلت رقيه ونرجس يتراكضن ومحمود راح البيته كتله حسابي وياك بعدين رحت كبل للغرفه مال رقيه ساداتهه عليهه كمت اركع بلباب محد تفتحه كسرت الباب ودخلت وكعتلهن دفر وضرب بلصونده زوركت جسمهن كلت حركت الاسنه بيهن يتعايطن جوه ايدي جريت نرجس الكاتبة تبارك حسن وهيه صيح شمرتهه ع ابويهه كتله هاي بتك ماشرف بعد اخذهه واليوم اجيب سيد واطلكهه وصار مصايح ويا وصعدت اللغرفه جريت نرجس واخذتهه الغرفه هدى ققلت عليهه الباب وصيحت بلبيت اليفتحلهه الباب مايلوم اله نفسه خالي حيايه اني بيتي شنو ذنبهه الابنيه هيج سون بيهه شنو هاذه الحقد العامي عيونجن وارجع واكول الي يفتحلهه الباب والينطيهه سم يتعاقب وعفتهم وطلعت يم ابويه رحت احاجي
سيف:ها بويه شراح نسوي
ابو سيف:والله بويه هاي اختك فشلتني وكسرت وجهي كدام الناس
اركان:هسه اكيد يفصخون الخطوبه السونه ويا بتهم موهين
علي:بويه ذوله ناس طيبين ناخذ مشيه وروح ونعتذر منهم
ابو سيف:تريد طلعنه بوجهه الامكسور كدام الناس والله بتنه ضاحكه ع الولد وخالته هيج يسوي
سيف:لابويه نجيب ولد عمي اخوان نرجس وابوهه واخوان محمود وابو واحنه وروح نطلب سماح منهم لئن الاسونه موشويه
ابوسيف:خوش بويه الاعصر نجمعهم وروح كوم اركان دز ع عمامك ولدهم خلي نحاجيهم
سيف:راح اركان وبره ساعه الكل اجتمع وكعدنه حجينه وافهمناهم ع صار كلهه مارضت ع عملت رقيه ونرجس واتفقو العصر روحلهم ابويه دك ع ابو مينا وحاجا كله هلا بيكم وصدك للعصر اخذنه الزلم ورحنه ضيفونه الكاتبة تبارك حسن ماقبلنه نشرب اله يصير صلح واحنه اهل وحليناهه بيناتنه وشربنه جايهم وطلعو الزلم بقه ابويه واني وعلي واركان اخذو عمامي ولدهم وراحو
مينا:مره ساعات من روحتهم دكو ع ابويه كلوله العصر خطار عدكم للعصر وسمعنه دكت باب عرفت الهم صعدت لفوك اركض والبنات اجني برايه عدنه غرفه طل ع شارع كلشي ينشاف منهه وكفت اباوع والبنات صطرن يمي ابويه وامين طلعو فتحو الباب ودخلو الزلم لمحت سيف لبس دشداشه وعكال وجماغ طالع كلش حلوه كامت واحده تندس بل ثانيه
لاتتركني وترحل
الكاتبه:tabarak hasan )تبارك حسن(
ج٧٧
ليان:شوفي سيف شلون طالع يخبل
نورس:شكله ولبسه حلو هيبه
مينا:عفتهن وطلعت الغرفتي عزلتهه ورتبتهه مهوسهه امين طلعت وسديتهه نزلت كعدت ع درج امي تباوعلي
رباب:مينا صعدي ارتاحي موزين عليج
مينا:مابيه شي مرتاحه
رباب:تعاي اكلي غده ماتغديتي
مينا:ماريد مااشتهي عافتني وراحت دكت باب الاستقبال وانطتهم الجاي اسمع حجيهم صوتهم عالي وسيف شلون يحجي وتراضو بيناتهم وصوتهم نصه لشويه وابويه صاحني كلي تعاي بويه ابو سيف يريد يحجي وياج كتله هسه عدلت نفسي ودخلت سلمت وكعدت يم ابويه
ابو سيف:عمي شاهد الله هاذه كله الصار مالي علم بي وانتي حاسبج وحده من بناتي واعزج والي صار اني ماراضي عليه
مينا:عمو ادري بيك والله واني هم احبك وحاسبتك اب الي ومافديوم سمعتني حجايه غثتني واني مسامحتكم كلكم بس سيف مستحيل يجي يوم واسامحه
سيف:اني من كلي محمود انعمه عليه ماشفت طريقي ماصيطرت ع اعصابي
مينا:مالي حجايه بعد وياك وعمي اني مسامحتك ومسامحه رقيه بعدهه طايشه ومتعرف تصرف
ابو سيف:بارك الله بيج بنيتي اني اترخص
مينا:مرخوص عمي الله وياك كمت بست راسه وكتله عمي ابريني ذمه اني عكبه مسافره وبعد ماارجع
ابو سيف:مبريه عمي ربي يحفظج
مينا:سيف ضل يباوعلي طالعه كباله كلش قزمه ولابسه جلوب برجلي طلع ابو سيف وابويه برى خلاهم يطلعون جر ايدي وكمشه نزيت منه باسه وكال سامحيني اني احبج جريت ايدي منه وطلع كلش اختنكت صعدت الغرفتي الكاتبة تبارك حسن سديته وكمت ابجي مااكدر اسامحه ضربه الي ماناسيته مااكدر اشيله من بالي كمت من فراشي طلعت ملابسي بدلت ونزلت رحت الاامي كتلهه اريد مفتاح سياره انطتنيا
رباب:وين رايحه
مينا:افتر شويه
رباب:لتتئخرين
مينا:اوك
سرى:اجي وياج
مينا:لا اريد ابقه وحدي فتحت الباب وشغلت السياره وطلعت وسدته برايه سرى اريد اغير جو طالعه روحي مااعرف وين اروح ضليت افتر بسياره وكفتني صيطره
شرطي:مستمسكات سياره
مينا:هسه ادورهه ضل واكف وان ادور عليههن ماكو جنسيتي ماشايلتهه الكاتبة تبارك حسن رخصه قياده ماكو
شرطي:شنو سالفه وين ضامتهن
مينا:مجاي الكاهن
شرطي:صفطي ع صفحه
مينا:صفطت ضليت ادور يربي وكتهه
شرطي:هيه هاي سيارتمن
مينا:امي
شرطي:لعد المستمسكات وين
مينا:ماعرف وين راحن طلعت مستعجله
شرطي:امشي وياي للمركز
مينا:اخذوني وحجزو السياره شلون بلوه وكعت ع راسي طلعت جهازي وخابرت ع امي
رباب:وين تأخرتي
مينا:ماما لحكيلي اخذوني للمركز والمستمسكات ماكو وجنسيتي بلبيت
رباب:عزه بعزايه ولج وين صاير مكانهه
مينا:سئلت الشرطه وكتلهه
رباب:هسه جايتج
مينا:رحت وياهم ذبوني بلتوقيف شنو سالفه يمعودين هسه اهلي يجون وضليت اصيح طلعوني محد يهتم
رباب:من كلتلي ركضت الاابوهه كتله ضل يصيح اخذت المستمسكات وجنسيتهه لئن جنت مطلعتهن اخليهن بلجنطه اخاف عليهن شغلنه الاسياره وطلعنه
