صغيرة قلبت كياني

البارت ٥

السلام عليكم
---------------
صغيرة قلبت كياني
---------------------
الام : غير وليدي واعرفة
اسيل: ابنج اسفه خاله
الام : لا بنيتي عادي بس صدكي عمر رايدج وشاريج
اسيل : ان شاء الله خاله ودنكت راسي (بكلبي اكول والله اشبع كتل ادري بي جبير واكيد ميفتهمني)
كعدو وقدمتلهم العصير ورحت داطب للمطبخ صاحتني امه وكعدتني يمها وضلت تصلي ع النبي وكالت
ام عمر: الحمد لله الله وفقنه وراح نجمع راسهم بلحلال
ام اسيل: ان شاء الله
ام عمر : ان شاء الله باجر نجيب الزلم ونقرة الفاتحه
ام اسيل : اي شكو بيها الي تريدو
ام عمر :تسلمين
اسيل هنه يحجن واني كلبي مقبوض تالي ترخصن وطلعن ودعتني سارة وطلعو واني كمت ابجي امي كالت
امي : كافي اسو تبجين وتمردين كلبي بعدين عمامج قررو وانتهى الموضوع وكلها تكول خوش ولد واني متاكده لو ابوج الله يرحمه موجود هم جان وافق
اسيل : لا لو بابا موجود جان مشمروني هيج شمرة
امي : لا اسو لتحجين هيج على عمامج بعدين همه يعرفون مصلحتج اكثر منج ودكلج الولد موثوق واخو صديقتج ونعرف اهله بعد شتريدين
اسيل شفت امي مو مال اناقشها اسيل : ماشي ماما اروح انام
رحت نمت الضهر كعدت العصر كعدتني سارة وكالت يله كومي كعدت
اسيل:  سارة شتسوين هنا
سارة :كومي نروح للسوك باجر يقرون الفاتحه وعمر كال من هسه ابدو جهزو لان منلحك للخميس
اسيل: ليش شكو الخميس
سارة : متدرين راح نعقدلكم الخميس
اسيل : ليش بهل سرعه
سارة: يا سرعه لو بيدي ازوجكم هسه وبعد ساعه اخذج لبيتنه
اسيل : صل على محمد يا هسه كومي كومي
سارة :هسه نروح نشتريلج الوازم 
اسيل : اوف يله كومي
رحنه وتسوكنه اني وسارة ورهف واخته الجبيرة شغلات بسيطه علمود باجر رجعنه بلسته ونص ميته تعب هلكد مفرني البنات تعشينه وهنه راحن لبيتهم
نمت
نروح ل عمر
فرحان كلش لان باجر قرايه فاتحتنه مكدرت انام الا ساعه بل٥ الصبح كعدتني سارة بل٨ كعدت سبحت ونزلت كالت امي راحت لبيت عمي علمود تحاجي نسوان عمي كعدت تريكت وحجيت ويا سارة كالت تعبانه وزعلانه احسها مجبورة وخايفه منك كلتلها عوفيها نتزوج واثبتلها العكس كالت ان شاء الله واني كلبي يوجعني هيج خليتهم يجبروها بس شسوي ماكدر بدونها المهم طلعت ع عمامي وسوالف وتحضريات للعصر رحنه لبيت جدها  قرينه الفاتحه ويا عمامها وولد عمامها وعمامي وهلاهل نسوان
نروح ل اسيل كامن يهلهن النسوان عرفت انقرت  فاتحتنه ودموعي تنزل لا اراديآ واني لحد الان مشفت شكله ولا عرفت منين هو عرفني
خلصت الحفله راحو ورحت نمت كعدت ثاني يوم اجتي امه وامي ومرت عمه واخته الجبيرة رحنه تسوكنه ملابس للحفله ليوم الخميس مال عقدنة ورجعنه جانت الثلاثاء نمت وكعدت الاربعاء نضفت وكملت وحضرنه البنات البيت وسوالف لما خلص اليوم ونمنه صار الخميس بدلت بدلة قصيرةهذا شكلها وكعدت حطو فوك راسي عبايه صلاة بيضه لان شيخ راح يجي

وفعلا اجه الشيخ وهو يحجي وعمر يردد ورا وسالني كتله قبلت ودموعي بدت تنزل طلع الشيخ ورا ماعقدلنه وبدت الهلاهل والهوسات عمر رفع العبايه من فوك راسي وشاف عيوني مورمات ولزم حنجي ورفع راسي واني غمضت عيني كال افتحي عيونج وفتحتهن😮