صغيرة قلبت كياني

البارت ٩

السلام عليكم
---------------
صغيرة قلبت كياني
---------------------
فتحت العلاكه 😶 صخام شكد ستحيت جايبين ملابس مال نوم  رجعتهن للعلاكه وضميتهن
صارت دنيه اليل تعشينه وطبعا من طلعت من الغرفه عيني مرفعتها ميته خجل ورا عملتهم المهم تعللنا بره واكلنا مثلجات  وعصاير واخذنه حلويات وصعدنه ننام بلعشرة طبيت للفراش بلعشرة ونص وطبعآ كالعادة خيالات وتفكير دك الموبايل خليته صامت جتني رساله من عمر فتحي الخط دحااجيج مجاوبته
عمر دز رساله ثانيه ادري بيج كاعده لتغلسين
مجاوبته دز رساله ثالثه ادري بيج مستحيه صوجي نطيتج ياهن جان لازم اضمهن ورا العرس انطيهن الج هم مجاوبته دز رساله الخ تجاوبين لو اجي ادك الباب عليكم مجاوبت جان اسمع دكت باب جتني رساله تجاوبين لو تفتحين الباب جاوبته ها شتريد جاوبني برساله عرفتج كاعده ليش متجاوبين
جاوبته نعسانه وتعبانه كال ماشي تصبحين على خير مجاوبته رجع دز رسالة تصبحين على خير مجاوبته دز مرة الخ اكوم ادك الباب جاوبته وانته بخير دز رساله عفيه ونمت كعدت ثاني يوم تجهزنه دنطلع عمتي كالت
ام عمر : روحو وحدكم تريكو احنه نروح نتريك وحد
اسيل :اني اجي وياكم
ام عمر خزرتني:  لا تروحين ويا رجلج
اسيل :ماشي
طلعنه كعدنه لما جابو الريوك كال
عمر : ليش مجاوبتي البارحه
اسيل : مو كتلك جنت نعسانه
عمر : من احاجيج باوعي بوجهي
اسيل رفعت راسي: ماشي
عمر :عفيه اخر مرة  تعانديني ترة اعصابي تفول  بسرعه
اسيل خفت منه اول مر اشوفه عصبي:ماشي فتهمت
تريكنه واكو ميز بي شباب ثنين بس يباوعون ضوجوني درت وجهي وكعدت اتريك عمر حس عليهم جان يكوم محسيت عليه لا وه يضربهم وهمه يتعاركون ويا والناس تفازع بيهم بس الصراحه عمر مقصر بيهم هو اضخم منهم لزمهم مثل الفار بيد الذيب كفخ وبوكسات ورمهم واني جنت خايفه بلبداية لان همه ثنين بس شفته لزمهم كفخ منين ميندارون تجيهم كفخه بكوة فكوهم من جوة ايده اجه جر ايدي وطلعنه باوعت وجهة مضروب حلكه وطالع دم كتله
اسيل بخوف : طالع دم
عمر : عوفي
اسيل : شلون نعوفه خاف يلتهب
عمر عصر ايدي وصيح من بين سنونه كتلج عوفي
اسيل وكفت الدمعه بطارف عيني بس قررت اعانده مو من هسه اخلي يبين اله كل كلامه مسموع
اسيل: ما اعوفه امشي نداوي
عمر : معليج بيه
اسيل: عليه ونص خوما تضل تنزف
عمر : طبني مرض شعليج بيه
اسيل : شنو شعليج بيه غير مرتك
عمر بداخلي شكد فرحت وهدأت اعصابي من كالت مرتك كلتلها :اوك امشي للفندق
اسيل مشينه طبينه وكفت ب استقبال الفندق كتله اسيل:تعال اعالجك هنا
عمر : وين هنا
اسيل : هنا بل استقبال
عمر : كدام الناس
اسيل: اي احسن منطب جوا واحد يشوفنه ويطلعنه سالفه
عمر : بس
اسيل قاطعته : ادري مرتك بس بعدنه معاقدين محكمه
عمر :تمام
كعدت دداوي وجني امي وعمتي وحمواتي سارة ومروة شافنه كاعدين جتي امه
ام عمر :خير يمه شبيك
عمر: مبيه يوم لتخافين
ام عمر : شنو مبيه شوف الدم شلون  ويكلي ماكو شي
عمر : مبيه شي نلطخت بلعامود
سارة  : ليش وين جان دماغك ودعمت العامود
عمر : تريدين اكوم اكسر راسج واشوفج وين جان دماغي
مروة : كافي سرو انلصمي
خلصنه وطلعنه دنرجع للبيت رجعت اني وامي وسارة وعمر بسيارة عمر ومروةاجه رجلها  وطلعو يرجعون للبيت
عمر : تجون نروح للزوراء
سارة : اي عفيه
ام عمر : اي يوم اطلعو تونسو
صدك طلعنه للزوراء وطبعآ كالعادة عمتي جرت امي وسارة والكل وياها وخلتنه وحدنه نفتر وطبعآ عمر مخبل صعدني بديلاب الهوا الكلش عالي واني ما اتحمل العلو بس ستحيت اكله اخاف كلت هسه يكول صعطوطه صعدنه واني ميته خوف هههههه افتر ديلاب الهوا بعلو تقريبا ١٢ متر وتخربطت محسيت الا عمر يصيح فوك راسي ويغسل وجهي صحيت الحمد لله جنه نازلين بس شنو عمر صاير اصفر كركم
اني فتحت عينه كام يبوس براسي ليش تخبرطتي وماليش وضل يسأل كتله عندي خوف من المرتفعات كال ليش ماكلتي كتله خفت تكول صغيرة هو باس راسي وكال اصلا ادري بيج صغيرة وحبيتج وانتي صغيرة كومني ورحنه تغدينه ويا الاهل ورجعنه رتاحينه ثاني يوم اجتي عمتي كعدت وسوالف ومادري شنو كالت عمر يريد العرس بعد ١٢ يوم امي كالتلها منلحك كالت لا نلحك ماكو شي قنعت امي طلعو واني طبيت خابرت على عمر
اسيل : السلام عليكم
عمر: وعليكم السلام
اسيل :صدك الي تكوله عمتي تريد العرس بعد ١٢ يوم
عمر : اي ليش
اسيل:  مو عبالك مستعجلين
عمر: لابلعكس تاخرنه صار شهر خاطبين على شنو دنطول بلسالفه
اسيل :بس مالحك اكمل
عمر : ليش شعندج نقص
اسيل : بعد غرفة النوم والبدله والصالون والقاعه
عمر :حليت كل هل مشاكل هل سبوع نفضهن
باجر نطلع نشوف الغرف واليوم العصر اجيج نطلع نتفق ويا ابو الجدران الثانويه نختار الون الي تريدي وعكبه نطلع نختار القاعه الي تريديها وتبقالج ١٠ ايام سوي بيهن الي تريدي واختار البدله التعجبج والصالون الي تريدي
اسيل : اها تمام
عمر :اوك يله اسو اروح انام وارتاح والعصر اريدج بل٤ جاهزة نطلع نشوف الاغلفه مال جدران
اسيل: تمام باي
نمت وكعدت بل٣ ونص تحضرت وانتضرت عمر اجه اخذني وطلعنه تعودت على عمر بس بعدني اخاف منه خصوصا بعد اليوم الي شفته تعارك ويا الولد بلمطعم وعصبيته ضلينه نحجي على العرس لحد ماوصلنه لمكان كلش حلو وجبير كال انزلي كتله هذا محل ابو الاغلفه مال جدران ؟
ضحك هههه لا هذا بيتنه