#مسلسل_ليبي_واقعي_الحلقة_1
#حفل_زفاف
عصام شاب ليبي زى اي شاب عنده كبيده 😍 ومتفقين ع الزواج ..
،،
خطب البنت اللي اختارها واسمها هديل بنوته نعومه وطيوبه ..
وغير يستنا في الضروف تتسهل كيف بيكمل حوشه جنب العيله ويشطب فيه ..
،،
وهديل فرحااانه وتشري في جهازها .. واهلها يجهزو لفرحها علا عصام
عالهاتف
هديل : ووووووه رجليا تعرف خديت حاااجات اطلع طوول 😍😍
عصام : ماتكتريش هلبا هدووول ان شاء الله وين نجيبك ناخدلك كل شي
هديل : لااااااا اللي تعجبنى بناخدها من توا
عصام : ههههه انتم البنات اعطيكم سوق بس
هديل : ماهو قداش بنعرسو مرة لازم ناخد كل شي خاطرى فيه
عصام : وانى نوعدك بندير جهدى عشان ماينقصك شي عندى
هديل ربي مايحرمنى منك 😍
،،
هكى كانت علاقة هديل وعصام كلها ود ومحبة وتفاهم ...
،،
وحصل شي ماكانش بالحسبان توفا خوه بحااادث سيارة وخلا وراه مرا و3 صغار ..
..
تمو ايام العزى وخدت مرت خوه صغارها ورفعوها اهلها ..
لكن اهل عصام كأي عائله ليبية مايرضوش ان احفادهم يتربو عن الغريب وخصوصا ان أمهم صغيرة وممكن تتزوج بعد وفاة راجلها..
في جمعة من جمعات العايلة العشية الاب جمع العيلة .. عصام وخواته الاتنين سلمى و شهد
ابو عصام : عندى قرار ولازم يتنفد بدون اعتراض
سلمى : شن هوا يا بوى
ابو عصام : مرت خوكم وصغارها لازم ترجع للحوش معانا
سلمى : كيف وهيا اهلها رفعوها وخوى الله يرحمه .
ابو عصام : نردوها لعصام
ويحط عصام تلفونه من يده انصدم بى كلام بوه
سلمى وشهد شهقو : بس عصام خاطب يا بوى كيف ؟؟؟؟...،
ابو عصام : وكان خاطب يرد مرت خوه وبعدها يتزوج اللي يبيها
عصام : والله ماهي صايرة كلام مايخشش الدماغ .. وناض متكنطى سيبهم وطلع ..
ابو عصام : شوفي ولدك بيعصانى
ام عصام : وسع بالك .. تو يفهم بروحه ان هدا اللي لازم يصير
،،
سلمى ناضت وقفت : حرام عليكم هكى بتضلموه كيف بتغصبوه علا مرا وصغار وبعدين خاطب شن بيكون موقف نسابته
،،
ابو عصام : انتى شن فهمك بكلام الكبار ؟؟
انى كلمتى وقلتها والله لا ولدى ولا نعرفه لين يرد صغار خوه للحوش
شهد :
ام عصام :
يتبع ...
احداث ليبية مشووووووووووقه تستحق المتابعه ترقبو
أنت تقرأ
حفل زفاف
Short Storyرۆآيَــةّ حٍــفَلُ ڒٍفَـآف👰👱💍💄 َ تٌتٌگۆنْ منْ ثْلُآثْ حٍـلُقَآتٌ 💐 تٌتٌحٍـدِثْ عنْ آلُۆآقَع آلُلُيَبْيَ 🍃 آرجۗـوۣ آنۣۗ تۣۗــنۣۗآلَ آعۣۗجـآبۗـــكۣۗمۣۗہ 😽✌ منقووووووولة __
