#مسلسل_ليبي_واقعي_الحلقة3 #والاخيرة
#حفل_زفاف
ابو هديل : هالكلام معاش في منه فايدة
واندق الباب وفتح ابو هديل لقاه ولد خالة هديل اللي خطبها
عصام عرفه وناض .
خش خطيب هديل : السلام عليكم
عصام : هديل خطيبتى واطلع من اهنى ماعندك شي
ابو هديل : عيب ياعصام شن الي تقول فيه
خطيب هديل صلاح : احترم نفسك وانت من تكون اصلا
عصام : معاش تحمل وناض شده من رقبته وقريب اضاربو
وحزهم ابو هديل وطلع عصام م الحوش .. ورفعه للسيارة
ابو هديل : البنت هدا قرارها خلاص روح لحوشكم وعيش حياتك
ولع السيارة عصام ومشي يجرى يجرى كانت حاااالته بالويل ..
،،،،،،،،،،،،،،،،
وعند هديل ..
سمعت هديل كل الحوار اللي صار بين خطيبها وعصام طارتلها من عصام .. مدايراته هوا اللي موافق انه يرد مرت خوه وفي نفس الوقت يبي هديل يعنى حب امتلاك ..
والمسكين عصام مغلوب على امره
،،،،،،،،،،،،،،،،،،
في حوش ابو عصام
ام عصام والبنات مدايرين غداهم محاشي عصبان و كوسا محشية و ومعاهم سلطات وحطو غدي ابو عصام ..
وحطو غداهم
ام عصام : سلمى بالله بري نادي مريم والصغار خلى يتغدو معانا
سلمى : شهد بري لي مريم انتى والله رجلى توجع فيا
شهد : عاد لازم تجي في راسي في الاخير 😒
وناضت من عالسفرة ومشت لمرت خوها
..
وهيا طالعه من الباب جت سيارة خوها عصام يجرى كان في باله يمشي يتعارك مع بوه عشان كان السبب في انفصاله عن هديل ..
..
لكن سرعته ماخلاتاش يشوف قداامه وخبط اخته شهد في رجلها ..
..
اانصدم ونزل يشوف فيها والبنت غايبة عن الوعي من قوة الخبطة وسمعو اهله وطلعو يجرو .. سعفها بسرعه قصوى
وقعدت شهد يومين في المستشفى لقو عندها كسر في رجلها جبسوها ..
وقعدت تحت المراقبه لين استاقضت وقاللهم الدكتور ان حالتها مستقرة .
،،،،،،،،،،،،،،،
عند حوش هديل
هنادي : سمعتى بي شهد اخت عصام
هديل : خيرها
هنادي : رجلها مكسووورة وتوا في المشفى
وقطعت عليهم ام هديل خشت عليهم
ام هديل : خيرها شهد
هنادي : محصلة ضربة سيارة وتوا في المشفى
هديل : من خبرك انتى
هنادي : اختها سلمى توا خبرتنى عالفيس
ام هديل : لا حول ولا قوة الا بالله وين لقتها السيارة
هنادي : سلمى قاتلى عصام كان يجرى خبطها بالغلط
هديل : عصام ؟؟؟؟
ام هديل : حتى هوا مسكين تملحت حياته بالله فتح عيونه لقى روحه بين مرا وصغار ربي يكون ف عونه
هنادي : لازم نمشولها للمستشفى امى البنت صاحبتى وكل البنات مشولها
ام هديل : وانتى مروحه من العيادة اخطمى عليها انتى وهديل
طبعا هنادي تشتغل ممرضه في عيادة
هديل : لالا انى مش ماشية
،،،،،،،،،،،،،،،،،،،،،،،،
أنت تقرأ
حفل زفاف
Kurzgeschichtenرۆآيَــةّ حٍــفَلُ ڒٍفَـآف👰👱💍💄 َ تٌتٌگۆنْ منْ ثْلُآثْ حٍـلُقَآتٌ 💐 تٌتٌحٍـدِثْ عنْ آلُۆآقَع آلُلُيَبْيَ 🍃 آرجۗـوۣ آنۣۗ تۣۗــنۣۗآلَ آعۣۗجـآبۗـــكۣۗمۣۗہ 😽✌ منقووووووولة __
