#مسلسل_ليبي_واقعي_الحلقة2
#حفل_زفاف
ابو عصام : انتى شن فهمك بكلام الكبار ؟؟
لازم يرد صغار خوه للحوش
شهد : تمتمت لسلمى بالشوى : شكله بوك مسكر راسه
سلمى : اسسس تعالى نمشو من اهنى
وخشو لدارهم ولحقتهم امهم
سلمى : امي راهو مايجيش كلام بوى احنى عاطيين كلمة ف هديل
ام عصام : هادو العادات في البلاد لازم يردها خوه ولا تبو صغار خوووهم يربيهم الغريب
شهد : ياناااري في هديل شن حيكون موقفها لما تسمع
طبعا الكلام هدا كله بعد مرور 4 اشهر من وفاة المرحوم
،،،،،،،،،،،،،،،،،،،،،،،،،،،،،،،
عند هديل ..
هديل واختها هنادي
هديل في يدها جهازها وتحاول ترن علا عصام وهوا مايردش
هديل : اووف وينه عصام اليوم ماكلمنيش بكل
هنادي وهيا تلعب عالاب توب : وسعى بالك اكيد عندهم ناس تعزى ولا مش فاضى
هديل: ياربي ان شاء الله يكون بخير قلبي مشغووول
هنادى : شويا واكيد توا يرن عليك ..
وقطعت عليهم ام هديل .. خشت عليهم ،،
ام هديل : شنى هدولة كيف حال عصام واهله اليوم
هديل : من بدرى نحاول عليه ماكلمنيش اليوم ماما شكله مشغول
ام هديل : خلاص معاش ترنى عالراجل اكيد عندهم ضيوف يعزو
هديل بصوت حزين : باااهي
ام هديل : هي تعالو بنياتى لوطا هدرزو علا جارتنا تسأل عليكم
هديل وهنادي : باه اهو جايين
،،،،،،،،،،،،،،،،،،،،،،،،،،،
عند عصام ..
راقد علا سريره في داره ومتغشش لين خلاص
دقت عليه امه الباب ،،
عصام : نعم
ام عصام فتحت الباب وخشت ..
ام عصام : علاش مضلم الدنيا وقاعد بروحك فهالضلام وليدي
عصام : مش تبو تضلمولى حياتى اهو انى بديت فاها من توا
ام عصام : علاش مكبر الموضوع عصام والله مافيها حاجة لانك اول واحد ولانك اخر واحد يرد مرت خوووه
عصام : قصدك انتى مع بوي في العوج هدا
ام عصام : هادى عاداتنا ياوليدى بنحافضو علا صغار خوك وامهم
عصام : وانى ؟ وهديل ؟
ام عصام : هديل بعد مدة تزوجها في حوشك موضوع عااادى جدا
عصام : والله مجتمع متخلف وانى اللي بندفع التمن
ام عصام : صلي ع النبي عصام انى واثقه ان هديل حتوافق
عصام : هديل بتوافق ؟؟؟ تبصرة انتى والله لمانطيح من عينها ومعاد ترضى تاخدنى
ام عصام : خلاص عاد بوك مش راضى عليك لين ترد مرت اوخيك والصغار
عصام : هيا كلمة مانيش واخدها وخله عمره مايرضا
وناض طلع من الحوش وسكر الباب بالقووووووة
،،،،،،،،،،،،،،،،،،،،
أنت تقرأ
حفل زفاف
Cerita Pendekرۆآيَــةّ حٍــفَلُ ڒٍفَـآف👰👱💍💄 َ تٌتٌگۆنْ منْ ثْلُآثْ حٍـلُقَآتٌ 💐 تٌتٌحٍـدِثْ عنْ آلُۆآقَع آلُلُيَبْيَ 🍃 آرجۗـوۣ آنۣۗ تۣۗــنۣۗآلَ آعۣۗجـآبۗـــكۣۗمۣۗہ 😽✌ منقووووووولة __
