يسعد مسائكم 🌹
الكاتبة دينا
لينا لينا
هااا حبيبي ركوني
لينا ابوي يصيحلج
نعم بابا رايدني
اي باباتي اريدج تعالي اكعدي شوفي بابا لينا هذا زواج مولعبة وخصوصا الي راح تزوجينة ابن عمج بابا لاتتكبرين ولاتنغرين بالمظاهر اكو ناس ملاكية اللكمة بس عايشين احلى حياة وسعادتهم متنوصف واكو ناس عايشين بقصور ويدورون السعادة ادوارة ولوبيدهم يشتروها يابابا الحياة موكلشي بيت وسيارة وشهادة وفخفخة لا خلي عينج بعين الله واتوكلي على ربج واقتدي بسيدتنا فاطمة الزهراء عليها السلام والإمام علي زين بابا ومااريد منج بيوم توكفين وتعايرين عمج او ابنة لأن اقل من عدنة والله
بابا كلشي يصير بمرور الوقت.....
ان شاء لله بابا وترى أني لواريد هاي الشغلات مجان قبلت باابن عمي يخطبني بس اني ممحتاجة لافلوس ولاشي بس اهم شي شخص يحترمني ولايأذيني .....
الله كريم بابا
مرخصتك بابا
مرخوصة
وفات اسبوع واجى خالي ابو ولاء هو وزوجتة علمود نروح نتسوك لأن مبقى شي للعرس اقل الشهر طبعا" احنة علاقتنة بخالي قوية كلش
ولج لوين راح الوقت
يلا يلا خلصت شكد تلحين يالله
ورحنة اتسوكنة ورجعت ميتة من التعب وفرت السوك.....
وطبعا من رجعت أكيد تعرفون اغراض عروسة عبالك مزار😧 كلساع وحدة جاية اشوف وتنتقد 😒
وخلال الاسبوع ابن عمي لا اتصل ولا شفتة اصلا ابد ابد ....
مرحبااا صار دوري احجيلكم عني واعرفكم بنفسي أني مصطفى عمري 19 سنة اصير ابن عم لينا وخطيبها مثل مكالتلكم لينا اني كسولي😁 راسب بالثالث متوسط مواصفاتي عندي كفشة😎 طويل طولي 180 وزني 60 مواصفاتي عادية اجلح املح😂😂😂😂 اذا قارنوني بالينا لا اطلع أني صفر 😆
أني عايش بين ام وأبو من الصبح لليل مناكر ليكول ديج ودجاجة مايعدي يوم اذا مو أمي وابوي يتعاركون وصوتنة يطلع بسبب فارق العمر بين ابوي وامي تقريبا 20 سنة أمي عمرها 36 وابوي عمره 56 سنة هسة اكولكم ليش أمي اتزوجت ابوي لأن جدي ابو ابوي جان غني وعندة امالك وجدي ابو أمي معدهم فقرة على كد حالي فاابوي شاف أمي وانعجب بيها وقرر يخطبها ولأن ابوي
عنده فلوس ابو أمي ..باع بنتة الهم علمود الفلوس وزوجت أمي وابوي ولا يوم تصافوا امي تحجي شرق وابوي يحجي غرب أمي مو ..مرة نادرة وحوك ملمت شي النة أني متعلق باامي ومقتدي بيها معلية باابوي الي تكولة أمي انفذة ..الها مااعرف سوالف بنات مابنات ولا اعرف.. سوالف شباب هاي الأيام يعني بنت عمي مااعرف اتصل بيها واعرف اخبارها لا
صح زواجنة جان صلح بس اني إميل الها رغم ماالتقينا بس مرتين والثالثة بالخطوبة هي تبين ومثل ميوصلني عنها شخصية قوية.. بينما أني شخصيتي ضعيفة هي نبهة وفطنة بكلشي أني عكسها كلش كلش صح إميل الها ...وهي حلوة وبيها مواصفات كل شاب يريدها بس اني احس مااناسبها
(اني مجاي اجمل لينا ولاجاي انتقد مصطفى بس هاي القصة حقيقية ومن أرض الواقع وهذا كلام الطرفين وهو البطل جاي يحجي بلسان حاله موبلسان الكاتبة اني اعرف هس يكولون شدعوة هالمدح للينا... نرجع نكمل ) طبعا الشي الخلاني بعيد عنها هو ضعف شخصيتي ومامعترف بيها لأن هي انسانة طالعة ومتطلعة بالعالم الخارجي مومثلي من البيت للمدرسة وهاي هية حياتي دائما اشوف أمي هي الرجال وهي المرة كلشي أمي تسوي ابوي رجال جبير كاعد وساكت بالبيت مايعرف شي بس امي هي الاب وهي الأم .....
.... يتبع
شاركوني التعليقات والتوقعات القصة.....
ولاتنسون التصويت😁
