اسعد الله اوقاتكم بكل خير 🌹
الكاتبة دينا
يمة مصطفى
هلا يمة
اكول ليش مااتتصل بخطيبتك تشوفها
لهيج تكولين
اي ولك يمة اتصل بيها واكسبها ترى هذي تكت فلوس هي واهلها وداعتك بس ناخذها انطك فرد طكة 😈
ليش يمة أني مزوجها على طمع لو شنو
لايبعد أمك موهيج قصدي
دخابرها هسة
لايمة استحي اراسلها أحسن
خوش ديلا
شلونج 🗯
الحمدالله انتة شلونك شخبارك الأهل شلونهم🗯
الحمدالله بخير 🗯
سلمي لي على الاهل🗯
اترخص 🗯
مرخوص🗯
..... .........................
😞😞😞
شبيج ولج
مبية شي بس خطيبي راسلني😌
اي وبعد
ماكو بعد يايمة بس سلم وراح 😊
بعد أحسن يمة اذا كثرت اتصلاتكم اصير بينكم مشاكل
بس يمة اني مااعرف لاطبعة ولااي شي عنة
عود روحي يمه وتعلمي علية مو هاي أني خذيت ابوج شعرف عنة😒 والله جيل اخر وكت
بس يمة زمنة غير زمنكم
😒😒
انزين فهمت لاتنطيني هالنظرة
.................................
ومرت الأيام ولاتصال ولاخبر من بيت عمي وبقى اسبوع على اساس ونتزوج ....
وهنا الناس بدت تألف قصص لأن جانوا مراضين اتزوج مصطفى لأن أني عندي شهادة وخبرة واسعة بالحياة عكس ابن عمي وبسبب الفلوس همين
الوووو📞 السلام عليكم
وعليكم السلام
شحبارك خوية ابو مراد
تمام برحمة الله
خوية انه أريد اأجل العرس بعد شهر
لأن المرة تريد تسوي عملية
خوش خوية سلامتها متشوف شر
الله يسلمك مع السلامة
الله وياك
ام مراد وينج يا مرة تعالي شوية
كول ابو مراد خير
أم مصطفى اتريد تدخل عملية ولازم نوكف وياهم
ان شاء لله ابو مراد
...............
وسوت العملية ام مراد وأمي وابوي وياهم واجتي امي
ولج يمة لينا سودة بوجهي شلون انطيج لهيج ناس
ماينعرف رأسهم من رجليهم
شكو يمة
ولج يمة البيت وصخ ولاعدهم اغراض والمرة والرجال مناكر وعرك وفوكاها خطيبج عشتوا مدري شلونها لايسلم علينة ويباوع علينة بنص عين😓
يعني شنو يمة ميردونة
ولج يمة ناس مدري شلونهم موعدلين ابد ابد
يمة اذا على البيت ترى يصير البيت
ولج يمة يابيت يا صخام ولج ناس مدري شلونهم ماامرتبين ورجلج جنة جابرينه عليج وعمتج وعمج بس يتناكرون حتى شكلهم موشكل ناس تريد يعرس البيت وصخ وشكو عتيك جايبية بيتهم وخالية ومااتعرفين شنو ماشنو
يمة بحظج وبختج هالناس يناسبوني لولا
ولج يمة بحظ وبخت ماايفيدون أبد
هاي هية يمة من يجي ابوي كليلة خلي يفصخ الخطوبة
....................
اكول ابو مراد بنتك تريد تفصخ الخطبة
ليش يا ستار شكو
على بختك همه ذولي مالت تنطيهم مرة
صيحي بنتج خلي اشوفها
نعم بابا رايدني
تعالي هنا بابا شكو ليش تريدين تفصخين
بابا ناس موعدلين هذي واحد ثانيا خطيبي مدري شونة لايسأل لايخابر ادري احنة بيا زمن يابابا
شوفي بابا لينا بيت عمج على كد حالهم وبالنسبة للولد ترى هو تربية حرمة مايعرف هاالاشياء اني اهلي واعرفهم وهالجاي احجيلج يابابا المرة بيدها تغير الرجال مويكولون وراء كل رجل عظيم امراه
انتي بعقلج وبعلمج فهمي زوجج على الحياة وساندي وموكلشي بالحياة المظاهر
بابا اني لوتهمني المظاهر ملكيتني قبلت بهيج وضع
زوجي اقل مني شهادة وبيتهم قديم ومحلو ولاسويت حفلة نيشان ولاطلبت منهم همة حتى حلقة مجابولي ومهري أقل مهر روح اسأل الناس شكد تتطلب واحنة انطيتني الهم بالاقصاد...
يابابا موكلشي فلوس ومظاهر أني عندي اهم شي انو زوجي واهلة يقدروني ويحترموني ويسود الحب بينة
عفية ببنيتي هذي بنتي الاعرفها وخليها على الله وربج يفتحها بوجهج كومي صلي ركعتين واستغفري ربج
ان شاء لله بابا .....
.... يتبع
برأيكم صحيح الي سوتة ام لينا وشنو رأيكم بكلام ابوها وشنو رأيكم بردة فعل لينا .......
لاتنسون اتصوتون احبكم😘
سنة سعيدة عليكم يارب 🎉🎊
