#قـــدر

الابطال .. احمد.رفيف... والباقي تتعرفون عليهم

#قـــدر
البارت 1
الابطال .. احمد.رفيف... والباقي حتتعرفون عليهم ...
البارت
اعرفكم ع احمد طويل ابو عضلات اسمر وابو كفشه... رفيف گصيره بس مو كلش ... بيضه شعرهه وسط لا طويل ولاگصير .. ويبدأ القصه بيت رفيف الصبح ..
ام رفيف / ولج رفيف رفيف گومي تريگي
رفيف/ اي ماما بس خمس دقايق واگوم
بعد مرور ربع ساعه
ام رفيف / ولج رفيف عزه بعينج ساعه ب7 ونص شوكت تتريگين شوكت تبدلين ولج انتي مايفيد وياج بس النعال (حشاكم)
رفيف / اي ماما گمت كولشي ولا النعال الآستيک (هههه)
بعد مرور 20 دقيقه نزلت رفيف ومبدله وياها الجنطه
رفيف/صباح الخير للجميع ... جاي تحجي وتفرك بعيونه وتگول وي نفسه هفف شوكت يخلص المدرسه هففف والله نعسانه حتى السبت ماكو عطله شلون مدرسه خايسه..
ام رفيف/صباح النور
وگعدت نور تتريگ بعده محاطه اللگمه بحلگه(بفمه) اجه ابو الخط يدگ هورن حتى تتطلع ...
رفيف وي نفسه/ استغفرالله هسه وكتك
وطلعت رفيف وقبل متطلع گالت الامه
رفيف / ماماتي حبيبتي اليوم سوي برياني
ام رفيف/ اي ميخالف مصلحجيه صرت ماماتي وحبيبتي
رفيف / فدوه ماما بس لاذبين بيه كشمش
ام رفيف/ هلو عيني وفوگاهه تتأمر وتتدلل يلا ميخالف روحي ﭼـفيني شرﭺ
وراحت رفيف وركبت بالسياره وگالت سلام عليكم وردو كلهم وعليكم السلام ووصلت للمدرسه
خل اعرفكم ع صديقات رفيف
نور بنت حبابه كلش مثل رفيف بس نور هادئه ورفيف عنوديه وعصبيه كولش والي براسهه تسوي .. زهراء بنت مؤدبه كلش وهادئه كولش وتحب تسااعد الناس .. مريام مثل نور ورفيف وزهراء (يعني كل الصفات بيهه)
في المدرسه ... رفيف / هاي بنات صباحو
الجميع/ صباحج ورد مثل خدودﭺ
ودگ الجرس
رفيف / اهووو هو هسه جينه شبسرعه دگ الجرس وفوگ القهر عدنه رياضيات
نور/ والله هو الرياضيات ماده كولش حلوه
زهراء/ اي بس لو مو هاي المدرسه جان يخبل رفيف / اي والله ﭼـنهه عبسي وجهه مطنگر من صباحيه الله
نور/ يلا بنات احسن منترزل خلونا نروح لصف
رفيف وزهراء / اي والله امشوا
ودخلو للصف
رفيف / اگولكم بنات اشو مريام ماكو
زهراء / يا متعرفين مريضه اخذت اجازه 
رفيف / هاا شبيه
وبهاي الاثناء دخلت المدرسه
رفيف وي نفسه / اهو ﭼـنهه جبار ابو المولده لا جبار احلا
المراقبه / قيام والكل وگف
المدرسه / يلا گعدو (من وره خشمه)
ها نسيت اكولكم رفيف صف اول متوسط
رفيف/ هففف شوكت يخلص الدرس واي بعد ربع ساعه .