طلاق رجعي

طلاق رجعي ٧

#طلاق_رجعي٧
#زينب_الموسوي#
حاولت كل جهدي احبس دموعي والشيخ يعقد النا مگدرت وحياة كانت. تشجعني
حياة خلص مينا طلعتي روحنا شبيج
مينا لازم اطلع عندي محكمه ظروريه
حياة انتظري اصدقاء سام يطلعون لاتحرجيه
مينا ماانتظر طالعه وانتي هم اطلعي
حياة والله انتي مخبله هاي سوايه بالله  تعقدين وتنهزمين على الاقل ابقي احجي وياه تحددون موعد زواجكم
مينا اني طالعه باي
طلعت ركضت صعدت سيارتي وقفلت تلفوني رحت للمحكمه وحاولت اسكت صوت بعقلي يانبني
ويصرخ بيه غلطانه
انتبهت القاضي يگولي
القاضي اذا تعبانه ناجل المرافعه اليوم لان واضح ممركزه بالاسىله
مينا اعتذر جدا عندي رشح والادويه ماثره نكمل افضل
بين التركيز وعدمه خلصت قضيه واخدنا حكم اولي لصالحنا گعدت على الكرسي انتظر الناس تطلع مااعرف وين اروح سمعت خطوات تقترب اعرف من اندار اشوف سام
ظليت مدنگه اقترب وگعد يمي اخذ ايدي
سام هذا الي يسموه الامريكان تردد قبل الزواج العروس تنهزم قبل الزواج
واديها بارده
راح تبقين ساكته ندمانه صح
مينا كلمة ندم اصدق كلمه تعبر عن حالتي هسه
سام مصار شي يستحق الندم لو تحبيني تحسين بالفرح
مينا مجرب احساس شخص من كثر مانزفض بدا ينمو داخله قناعه الحب مو من حقه ولازم يبقى على حافه الحياة ينتظر المجهول يغير حياته
سام يمكن اني المجهول وبيدي اغير حياتج
امتدت يداه على وجهي لتوقف دموعي المنسابه
وفي اصرار منه اصبحت يداه  تحيطني وتضمني بحرقه اليه وصوته يهمس
كافي تتهربين تعالي ويايه
مينا لا عفيه من البارحه مراجعه لبيت اهلي شكلي اليوم انبسط
سام انطيني موعد شوكت تجيين
مينا مااكول خليها مفاجاءه
سام اوكي اخذي العنوان لان بعيد يكون علً الساحل
من وصلت لبيت اهلي تمنيت  محد يشوفني
يوسف اخر مره تابتين بيت صديقتج بدون علمنا سمعتي مو عبالج كبرتي منگدر نحاسبج
بابا تعالي مينا جوى يمي
القلق ضرب مثل الصاعقه براسي
دخلت وسديت باب غرفه اني وبابا
بابا شنو معنى تصرفج هذا
مينا ياتصرف بابا
بابا تباتين عد صديقتج وتتزلين صور بيتهم
مينا يوسف ضربني بدون سبب يعني واذ حجيت على وائل شصار نبي خو مو نبي طلعت من البيت لان كلكم ضدي ومچلبين بوائل وتعرفون كولش زين ميريدني ومااريده
بابا وائل مسافر لفرنسا البارحه عرفت من عمج من يرجع الي وياه كلام صارم لازم يحدد موقفه لو انتي لو صاحباته
مينا واذا گالك خلي تنتظرني
بابا يحدد الانتظار شگد
مينا يعني هم انتظر ماسوينا شي لعد
بابا شتريدينا نسويه نجره بحبل ونجيبه
مينا لا تجروه اتركوه يشوف طريقه واني اشوف طريقي
بابا  احجي وياه ونقرر
كلام بابا كان نفس المضمون يريدوني انتظر وائل يحدد وقت حتى لو عشر سنين لازم انتظره
اندگت الباب
بابا هذا سام عدنا اجتماع ويه رجال دين مسيح
طلعنا من الغرفه بابا فتح الباب سلم على سام وگاله ادخل انتظرني بس اجيب سترتي باوعت عليه ضحكت بداخلي

اقترب مني
سام ابات عدكم اليوم اذا متجين ويايه
قبل لا ارد عليه طلعت ماما
ماما كيفك سام صار زمان مشايفتك
سام على على طول لو شغل لو جامع مشغول
ماما بس تخلصوا من الجامع تعال عدنا
راح احسب حسابك بالعشى ها
سام لاتعبين حالج اني اجيب العشى هنا
عندي مناسبه حلوه اليوم اريد احتفل بيها
فتحت عيوني بوجهه وانسحبت بهدوء لغرفتي
شيء يداعب مشاعري
يمازحها اانجرف ورائه
ام اتمسك بخيط دخان اطارده من سنين
فلا امسك بيه ولاامسكته
مرت ساعتين من الشباك شفت بابا وسام رجعوا
محملين اكياس تمنيت لو كان اهلي على علم بزواجي
واركض افتح الباب واسلم عليه بدون خوف
لبست فستان ابيض بسيط على وسطه شريط
وردي ونزلت للمطبخ
نوال والله هذا سام كله ذوق ومفهوميه
ماما لانو امريكي بكرى بس يتعود على
العرب يصير مثلهم
مينا هو امه عراقيه يعني نص عربي
ئي بخت التاخذه مو حظي وائل ابو الامريكيات
ماما سكري تمك وتعالي ساعدينا
مينا بشنو اساعد اشو حتى المواعين
بلاستك ميريد يتعبنا بغسل المواعين فديت
ماما ئال عندو مناسبه ليكون خطب
نوال واذا خطب شعلينا
ماما بدي اخطبلوا بت اختي بلبنان تجنن
مينا وليش متخطبيله بنتج الضاله
ماما بتعرفي شو لو وائل مابدوا اياكي تجوزيه
ماما هذا الحجي العدل ماما حبيبتي عن اذنكم اروح
اشوف خطيبي ههههه
اجتمعنا كلنا سوا كان سام گبالي وخايفه
ارفع عيوني استرق النظر مرات وهو كذلك
مينا بابا في قضيه لازم اسافر لنيويورك
والتقي بالموكلين
بابا اذا تريدين تسافرين ماما تروح وياج
ماما مافيني روح واترك نوال يمكن تولد باي لحظه
وانحرم شوف حفيدي وهو جايي على الدنيا
مينا مافي داعي تروح ماما معي محاميات
ومحامين والسكن بفندق معروف
بابا كم يوم السفر
باوعت على سام وجاوبت خمس ايام
بابا اوكي روحي