طلاق رجعي

طلاق رجعي ١٠

نكمل لو انام #طلاق_رجعي١٠
#زينب_الموسوي#
عدت من الوداع بقلب يحتضر الم وتسنده اضلاع باتت تتكسر بها الاهات
بديت اهيء نفسي لتلقي الاخبار
كل مره اجرب اخذ التلفون واتصل واتراجع بالعمل اتلفت يمكن يجي عليه بالمحكمه اباوع على الحضور يمكن المحه
الظهر واني طالعه گعدت بسيارتي واتصلت بالرقم مگطوع استسلمت لارادة حزني لتعبر عما في داخلي
عليت المسجل داخل السياره حتى اصرخ بدون محد يسمعني
صرخه بعدها صرخه اخذتني حيرتي لبيته اعرف فارغ فتحت الباب
وجلست اقيم مراسم العزاء لهو ولي
ملابسه ماخذها كلها حتى الي كانوا البارحه بالخزانه وكلشي مباقي يعرف راح ارجع ميريد يعذبني
اخذت اذيال خيبتي وعدت الى حيث اهلي
احسست بدوار ودرجه حراره تكفي لصهر الحديد
ماما هلوو مينا تعالي كلي معانا
يوسف مناوي تعالي بالله ادم يشبهني لو يشبه نونه
مينا يوسف اخذني للمستشفى مااگدر اتنفس شفته وگف وهذا اخر شي وعيت عليه
قبل لا اصحى بالمستشفى
الكل موجود حولي
ماما الحمد لله على السلامه مافيك شي اجهاد وارهاق
يوسف مناوي كافي تركضين بالمحاكم. اخذي اجازه
مينا الدكتور گال ارهاق بس اكيد احس عبالك نفس ماكو
يوسف عندج  التهاب بالمجرى التنفسي لاتخافين بسيطه
مينا فعلا محتاجه ارتاح
يوسف ارتاحي هسه ولاتفكرين بشي
مينا يوسف احجي ويه الاطباء خليهم ينطوني اقوى مهديء ومنوم فدوه
يوسف انشاالله هسه اگولهم
بقيت على المهدئات والمنومات زارني مستر بود وستيفن وكل المحامين 
مينا مستر بود محتاجه اجازه طويله
مستر بود تستحقين اجازه والقضايا اوزعهم على المحامين بشرط توعديني تهتمين بصحتك وترجعين باقرب وقت
مينا وعد  اني هم مااگدر ابتعد عن القضايا
بقيت اربع ايام بالمستشفى اليوم الاخير زارني ايزاك والدته
ايزاك گالوا مريضه بس ماشاء الله ممبين عليج دگومي لاتتدللين
مينا لا والله فعلا مريضه
ايزاك لا سلامتج اليوم  يله عرفت من مشفتج بالمحكمه جيت ركض والدتي اصرت تجي تشوفج
ام ايزك سلامتج خاله ماعندج غير العافيه
مينا الله يسلمج خاله تسلمين
ام ايزك كنت اتمنى اشوفج بغير ظروف تعرفين ايزاك مشغول على طول وماعنده وقت يجيبني اتعرف على العائله
ايزاك انشالله بس تصير مينا زينه نزورهم ونتعرف على الوالد والوالده
(يبووووو شجلبوا ذوله )
الضهر اخذني يوسف للبيت
والناس وصديقاتي كل شويه واحد يزورنا
ماعندي حيل للمجاملات ارد السلام والباقي ماما ونوال يردون على اسئلة الناس
جوايه نار اطفيها بالمهدئات والمنوم حتى لساني صار ثگيل اختليت بنفسي
رحت على تلفوني القديم بيه رقم والدته اتصل بيها
التلفون مكسر مااگدر اطلع الارقام بيه والتلفون الجديد مابيه كل الارقام القديمه ممخزنتها على الذاكره
نمت ودموعي منثوره على الوساده
الي سويته خطاء وتسرعت حتى عنوان شركته مااعرفها يمكن بابا يعرف
الصبح سالت بابا
بابا تعرف عنوان شركه سام وين
بابا مره راواني مكتب وكان بيه اعمال صبغ وتنظيف گلي هذا راح يكون مكتبي قريب منا ليش تسالين
مينا قبل ليسافر كلفني بشغله وخلصتها اريد اوديها للمكتب انطيني العنوان
اخذت العنوان ورحت على المكتب دخلت في بالاستقبال بنيه امريكيه
مينا هاي معك المحاميه مينا
السكرتيره هاي اگدر اساعدك
مينا ممكن رقم تلفون الشركه الاصليه بالامارات او رقم سام المدير
السكرتيره ماعدنا فرع بالامارات وماعرف منو سام
مينا سام سامر الشاب العربي الامريكي هو الي فتح الفرع والدته تملك الشركه
السكرتيره اكيد انتي غلطانه والشركه هذي قديمه بس المكتب جديد فتحنا
مينا ارجوج تاگدي من معلوماتج شوفي هذي صورة سام صاحب الشركه
السكرتيره لحظه راحت وصاحت رجال نفس الجواب
مافي شخص بهذا الاسم اوالشكل غلطانه
الف سؤ ال دار براسي شنو يعني ميعرفوه يجوز بابا غلطان بالعنوان
او يمكن اني غبيه زايد
رحت علًى بيته في شخص داخله تركت السياره تشتغل ونزلت ركض الباب مقفول من الداخل دگيت عليه مثل المجنونه
سام سام رجعت افتح الباب سام
طلع رجال بملابس عمل
نعم ياانسه في شي
مينا هذا بيتك كنت ماجره لشخص اسمه سام هذي صورته صح
مااعرف هذا الشخص ولا شايفه والبيت مأجر صار ست اشهر لشخص ثاني تحبين اراويج العقد
مينا ياريت اشوفه
انطاني العقد كتبت الاسم رجعت على البيت اخذت تلفوني القديم وطلعت اصلحه شفت ماما مستغربه اركض على الدرج وتسالني مااجاوب
عند المصلح
مينا هذا التلفون بيه ارقام مهمه تگدر تصلحه
المصلح يكلف اكثر من الجديد
مينا ميهم المهم الارقام
المصلح ساعه ونص وتعالي عليه
مينا لا راح ابقى هنا انتظر
تصرفاتي كانت بتخبط واضطراب مااعرف شنو الي افكر بيه ولااعرف وين اريد اوصل
انطاني التلفون القديم ماانتظرت طلعت الارقام واني بالمحل واتصلت الرقم مگطوع
شنو هذي القسوه الي يعاملني بيها
حتى لو مريض او ميت مافكر بيه
وناسي اني على ذمته يمكن ميريد ياذيني والمكتب يمكن بابا لح عليه وگله هذا مكتبي او يجوز مصار اتفاق على المكتب  واصلا هو جايي للعلاج والبيت عادي ماجره من المؤجر هوايه عرب يسوون هيج
وغباء يجيب غباء
وكذب على النفس تتبعه دموع خشيه ماكان اسمه خداع
انهكني التفكير 
والبچي صار مثل الروتين
يومين حتى مي انسى اشرب لحد الكلى بدات تاذيني مااترك الفراش وماما ونوال يتناوبن على قراءة القران يم راسي
ياترى مات عايش سافر
اليوم الثالث الصبح جبرتني نوال انزل على الريوگ
گاعدين واندگت الباب قوي
فتح الباب يوسف
يوسف بابا اثنين من اف بي اي يريدوك
بابا اف بي اي شعدهم ويايه ياستار
مينا اف بي اي بيتنا بابا لاتجاوب اي سوال واني وياك گولهم المحاميه
بابا تعالي انتي ويوسف
دخلنا عليهم
سلمنا صباح الخير ردوا صباح الخير
رجال  اف بي اي
عدنا معلومات وتسجيلات بصوتك وانت تلقي محاضرات تدعو للعنف وتتهم امريكا دولة كفر
مينا بابا لاتجاوب نريد محامي مختص  يله يجاوب
يوسف لاتجاوب بابا هذا من حقك
مينا اني محاميه اختصاصي جرائم قتل واعرف بالقانون من حقه يلزم الصمت لحد يتداول مع محاميه
رجال ال اف بي اي اكيد حقه الاتهام الموجه اله تكوين خليه ارهابيه عبر مواقع التواصل الاجتماعي واتهام رجال دين مسيح بالكفر خلال مناضره
في تسجيلات عليك تفضل ويانا وفيك تتصل بمحامي
مينا اني اروح معاه وارفض اي تحقيق معاه الا بعد حضور المحامي
رجال ال اف بي اي ممكن تجين وياه
مينا يوسف اتصل بهذا الولد ايزاك هذا محقق عراقي وبلغه اكيد يعرف الاجراءات احسن منا
يوسف هسه اتصل بيه
واني اتصلت بمستر بود
مينا مستر بود منو افضل محامي بقضايا الارهاب
مستر بود سبنسر. اگدر اتصل بيه
مينا اوكي وبلغه يجي عليه عند مقر ال ف بي اي
طلعنا اني والدي وهناك عرفنا في تلاثه عرب من اصدقاء بابا وياه متهمين وصل المحامي سبنسر
سبنسر اطلعت على الادله قويه جدا وهذا شغل جواسيس اكيد واحد من الجامع  الي مبلغ
بابا كل الي بالجامع جايبيهم منو الجاسوس
سبنسر اكيد يجيبون الكل حتى متشكون بيهم
مينا وهسه شراح نسووي
سبنسر ترفض الاتهامات وتگول مجرد نقاشات مالها اي تاثير راح تبقى بالتوقيف يومين تلاثه لحد نلگه ثغره
اي سوال متجاوب واي شخص يدخل للغرفه وياك اعتبره جاسوس ولاترد عليه
مينا اني اطلعت على الادله نحتاج شخص متدين يبينلهم ان هذي المحاضرات هي شرح لايات قرانيه وكلمه اقتلوهم متكرره بصفه حكم وفي حالات محدوده
واعتقد الانجيل في نفس الكلمه
سبنسر انتي محاميه
مينا نعم محاميه واذا تسمحلي اساعدك بالقضيه
سبنسر اكيد ملاحظاتك قويه سوال للوالد منو تعتقد الجاسوس
بابا كلهم موجودين ويايه مااشك باحد
ذولي اصدقائي صار اكثر من عشر سنوات
سبنسر مافي شخص دخل غريب بينكم
بابا شاب اسمه سام مسلم من اب امريكي وام عراقيه وسافر للامارات قبل اسبوع او اكثر
مينا لا بابا سام مستحيل الولد ثقه ودخل بيتنا وعرفناه ميسويها واصلا هو من الامارات مو امريكا
سبنسر داىما الجاسوس ميخليكم تشكون بيه راح اطلبه للشهاده اذا صارت محاكمه ونشوف ليش مالقوا القبض عليه مثل الباقيين
مينا لان بالامارات عايش
سبنسر في مخابرات امريكيا بكل مكان. تلقي القبض عليه وتحقق وياه
مينا يمكن مات او مريض او
سبنسر.  عزيزتي اني مدااكول هو ميه بالميه مجرد شك احاول اطلع الوالد بكفاله
تركنا وراح يحاول يطلع بابا
بابا تعتقدين سام هو المبلغ
مينا لا بابا مستحيل سام كان يحبنا وراد حتى يناسبنا تتذكر من خطبني
بابا ئي والله صدوگ لامستحيل سام ميسويها
رفضوا الكفاله وطلعت اني والمحامي لگيت ايزاك موجود معاهم
ايزاك ولايهمج مينا مجرد اتهامات تافهه روحي انتي ارتاحي وخلي الباقي علينا
مينا ايزاك اتصل بيه اذا حصلت اي خبر
ايزاك اكيد اتصل
وصلت للبيت ماما وخالتي ولينا ناصبين عزى واني هم لگيتها فرصه الطم على غبائي
الليل كله ادرس القضيه والادله  كلها سام موجود ابعد الشك ويضهر بصوره اقوى واوضح ويه كل سطر اقراه
اليوم الثاني الظهر وصل وائل وعرفت رايح على بابا وملتقي ويه المحامي
والعصر اجى علينا وگعد ويه يوسف ورياض وعيسى وكلنا اجتمعنا تحاشيت اباوعله
وائل اگص ايدي اذا مو سام جاسوس شنو هالفلم الهندي رجل اعمال وامه عراقيه وابوه امريكي  ومن الامارات ومسلم  ويحجي عربي ومجرد اختفى قبضوا على كل الي بالجامع
مينا هو گال مسافر لان مريض  واجى يتعالج
وائل يامستشفى كان يتعالج عرفتوا سالتوه تخربط فد مره گدامكم وبعدين شفت صورهه بالمحاضرات هذا شكل مريض اشو اصحى مني
كلامه سچين ذبحت اخر قطرة كرامه عندي اوووف لو يدرون شسويت اني
الهدرجه سمحت لنفسي تهوي الى قاع رذيله
هالگد چنت محتاجه اقشمر نفسي بكلمة احبج
ياربي يطلع بريء واني مامشيت ورا خداع
ردت اطلع العصر شفت وائل بالحديقه
وائل وين رايحه
مينا اجمع ادله لقضية بابا
وائل ليش لابسه اسود
مينا شتريدني البس احمر وبابا بالسجن
وائل انتظري اروح وياج
مينا ممحتاجتك ويايه اخذ الولد وروح لبابا
وائل صار ست مينا اوامرج
وصلت للمكان الي يشتغل بيه ايزاك والولد استقبلني
ايزاك گولي مينا بيش اخدمج
مينا ايزاك فعلا راح تخدمني خدمة العمر وماانساها طول عمري اريد معلومات من داخل ال اف بي اي عن الجاسوس الي كاتب التقارير عن بابا
ايزاك صح اني اعرف الشباب هناك بس صعب ينطون اسم عميل هذي اف بي اي مو لعبه شتتصورين يكشفون شخص همه مكلفيه
مينا يمعود اطفال ديدخلون على مواقع وزاره الدفاع الامريكيه ويهكروها حاول ماريد اعرف الاسم اذا كان سام گول هو واذا لا ماريد اعرف الاسم
ايزاك يهمج بشي شخصي سام
مينا مااگدر اجاوب اعفيني
ايزاك لو عرفت الاسم متحاولون تنتقمون من الشخص
مينا اقسم الك يبقى سر بيني وبينك
غادرت للمركز الي بيه بابا
المحامي و اخواني وعمي ووائل موجودين
عرفت عارضين كل المتهمين بالقضيه على القاضي ومقرر يطلعون كفاله مبلغ عشر الاف دولار دفعنا الكفاله وطلع بابا للبيت كان متعب من التحقيق واساليب الضغط النفسي
اول موصل للبيت كان في صحفيين وبدات الناس تتناقل الاخبار خليه ارهابيه عربيه والتلفزيون يذيع الخبر كل نشرة اخبار
بدينا نشعر بالخوف من ردة فعل الناس
وائل خلي نتوزع ونترك البيت هذا
بابا صحيح مينا ونوال تروح عند لينا والبقيه يروحون لبيتكم
وائل مينا تروح بيتنا عندي حجي وياها
مينا وائل  مو وكتها اني مريضه وتعبانه
بابا خليها على راحتها ترى مينا تحملت هوايه منك
وائل حقها وحاس بخطائي وبعد برائتك انشاالله نرجع ونسوي حفله لبرائتك ولعرسنا