Jane's Point Of View
"Jane! Sama ka samin sa mall!"
Psh. Third-wheel na naman ako? Hays. Nakakainis na ha. Inirapan ko lang ang best friend ko, si Jiro.
"Sige na, Jane. Sama ka samin ni Jiro. Talunin natin si Jiro sa basketball sa arcade", pagkukumbinsi pa ni Irene, ang napakagandang girlfriend ng best friend ko.
Tinignan ko silang dalawa. Sa tingin pa lang nila alam ko nang hindi nila ako tatantanan. Mukhang no choice ako.
"Okay, fine", I said defeated. Inayos ko na lang yung gamit ko at sabay-sabay na kaming lumabas ng school.
"Dala ko motor ko", sabi ni Jiro kaya dumeretso na kami sa parking lot ng university.
This is so disgusting. Very wrong idea. Nakakasawa nang magmukhang sabit.
Inabot samin ni Jiro yung helmet namin. May helmet talaga yan laging extra. Laging nasa galaan eh.
Binuksan muna ni Jiro yung makina bago sumakay si Irene pagkatapos ay ako. Siyempre yumakap siya kay Jiro. Ako naman kay Irene.
"Kapit, girls", bilin ni Jiro bago pinaandar ang motor.
After 15 minutes ay nakarating na kami sa mall. Medyo malapit lang naman kasi 'to sa university eh.
"Meryenda muna tayo. Treat ko", nakangiting aya ni Jiro. Siyempre game ako. Libre eh.
"G!", sabay naming sabi ni Irene. Nagkatinginan kami saka tumawa. Parehas kaming baliw eh.
Nagmeryenda na kami sa isang fastfood chain. Burger lang yung akin at float. Nasa harapan ko nakaupo si Irene at Jiro tapos ako naman mag-isa.
Bumuntomg hininga na lang ako hoping wala makakakilala sakin dito at sabihan akong extra baggage.
Pagkatapos namin kumain ay pumunta na kami sa arcade. Bumili si Jiro ng 30 tokens para samin.
"Ano na girls? So, saan tayo magsisimula", tanong samin ni Jiro. Nagkatinginan kami ni Irene at ngumiti. Tulad ng plano.
"Basketball tayo, Jiro. Kampi kami ni Jane para fair. Bet?", hamon ni Irene sa boyfriend niya. Nginitian ko naman si Jiro.
"Oh sige, tutal plano niyo na naman talaga yan. Haha. Tara?", yaya niya samin saka pumunta kami ng sa dulo kong saan yung basketball.
Magpapasok na sana kami ng token kaso may tumawag kay Jiro. Mga schoolmates namin. Tatlong lalaki. Galing Engineering Department.
"Hey, Jiro!"
Nagbatian muna sila bago pa kami tinignan ni Irene.
"Mukhang stay strong ang realationship niyo ni Irene,bro,ha", nakangiting sabi ni Ryle kay Jiro.
"Siyempre naman, Ryle", may pagyayabang sa tono niya. Narinig ko namang napatawa ng unti si Irene sa inasal ni Jiro. Proud na proud. Psh.
"Oh hey, Jane. Mukhang napilitan ka na namang sumama sa kanila. Hahaha. Baka magmukha kang third-wheel niyan", pabirong bati sakin ni Paolo at sabay silang tumawa ni Luke.
Kung alam niyo lang. Naku lang talaga.
"Mga loko. Tigil-tigilan niyo nga si Jane", pabiro naman ding banta ni Jiro.
Pero lumapit sakin Paolo at ngumiti ng napakalapad. Nakita ko namang tumingin silang lahat samin ni Paolo. Ngumiti rin ako sa kaniya para di naman akong mag-mukhang masungit.
