كعدت الصبح نزلت من غرفتي والله ادك واركص وعيبت العيبه رجال طول بعرض كاعد اهز والحريم تضحك عليه وبعدين رحت للغرفه وتريكت وطلعنه همه راحوا للحلاق واني رحت زينت السياره وبعدين رجعت تغديت وهمه هم اتغدوا وبلشوا ايزفونه ويلبسونه بالقاط واني اخذت القاط وكبل للكوافير ورتبني ولبست القاط ورجعت للبيت لكيتهم متانيني وطلعنه للفلوجه بس شلون زفه وحسين توسط يم اهل السيطرات علمود ايدخلونه ويفتحولنه الطريق وردح يبوووو هذولي اخواني ولد عمي المخابيل صاعدين كل ثلاثه بسنتافي وطالعين من الجامات ويدكون ع الطبل والزنجار ومدري شسمه هذا مدري شي سمونه وردح كل الطريق وصلنه الشارع العام نزلتهم من السيارات احنه الشباب وبس العريس ايسوق بالسياره مالتي والسيارات مالت النساء وراه واحنه نزلنه ردح ودك وركص واني شايل المايك واغني وهم يدكون وردح طبعا نمشي كدامه سياره العريس مشي الما وصلنه بيت العروسه واخذناهم وطلعنه للرمادي كبل للقاعه وردح الزين وركص من عين بس ختيه صارت شويه تراب بس همزين صار التراب من دخلوا للقاعه والعالم تردح وطبعا اني ما قصرت جوبي ورقص تركي وعراقي وسلو مخلينه ركص مركصنا اخر شي اني واخواني نركص تركي وغنيتله اغنيه يخوي وعلي الخوه وردح للعشره باليل كتلهم يله كلمن ع بيت اهله يروح كافي كفيتو ووفيتو يله اياد ايسوي يي عفيه بخوي بكلبه كلت اله اخليج تتوسل حتي اعوفك بسيطه وراح للفندق واني كلت لامهه كتله خاف تردين تحجين وياها شي كالت لا كتله لا خاله ميصير خلي اوديج ورحت بالسياره اني وماماتي وامهه واختهه ورحت للفندق وراهم بعده توه ايريد ايسد الباب واني خليت رجلي ايسوي شجابك يول كتله امهه تريد تحجي وياها خطيه وضلينه نص ساعه وهو خطيه عصبي صار وبعدين طلعتم رجعت كتله نسيت اودعك هو ايكول خايب ما تطلع لا اثرم وجهك وطلعت بعدين رجعت كتله نسيت فوني وبعدين هم رجعت كتله نسيت سويج السياره وانوب هم رجعت اخر شي طلعني 11 ونص من غرفه الفندق بالدفرات ورحت للبيت همه نامو واني كل شويه ارمش عليه وحركت الفون خطيه اخر شي قفله =D {..هہہہہہہـ( =)) )ـہہہہہہہٱٱٱي..} (y) =D ومن الصبح رحت جبتهم وهسه بعدهم يمنه يمكن لو السبت لو الاحد الطياره مالتهم لروسيا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
