#لأنني_أنثى17
،م عارفه بس اوول مرة اعرف انو قصي دة حنين كدة،او يمكن هو اصلا كدة وانا نظرتي تجاهو كانت مختلفه،او يمكن هو البدأ يتغيير...نمته وانا مطمنه وحتى م عارفه احساس الإطمئنان دة جاني من وين،،،الصباح صحيت وراسي بقى جااايط وفجأة اتزكرته وبقيت اقول لنفسي:إذا انا م حكيت لي علي انو خالي معتز اغتصبني فهو عرف كيف وقال لي خالتو مها؟؟ابدا مستحيييل يكون هو الكلمها لأني م جبته ليهو سيرة خالي معتز ،وبعدين امس الحصل دة شنوو؟خالتي مها وعلي وعلاقه؟؟😳😱واااي انا عقلي حيطقق دي شنوو الجوووطهه دي،نزلته من السرير بقيت بفتش في تلفوني ،لما م لقيتو طلعته من الغرفه ونزلته تحت،لقيت قصي بتكلم بالتلفون لما شافني قال للزول:طيب برجع ليك بعدين يلا سلام،قفل الخط،قال لي صباح الخير،قولته ليهو صباح النور انا تلفوني وين وبقيت افتش في الكنبه،قال لي كدة قولي بسم الله متين اصبحت للتلفون؟ لقيت التلفون في الطربيزة شلتو لقيتو قافل،حاولته افتحو م فتح معاي،قال لي يمكن قافل كهربه عايزة تتصلي لمنو انتي؟قولته ليهو عايزة اتصل لي اسماعيل راجل خالتو مها،قال لي ليييه في شنوو مالك خيير؟قولته ليهو قصي انا راسي جاااايط حتى لو حكيت ليك م حتستوعب الحأحكي ليك انت فاهمني؟قال لي تعالي اقعدي في شنو احكي،،،بديت احكي ليهو من بدليه علاقتي مع علي والحصل والعملو خالو معتز،،،ولما جيت للأحداث الحصلت بيني وبين خالتو مها قولته ليهو انا الشي الشاطب راسي خالتو مها عامله علاقه مع علي كيييف وهو ود اختها ؟؟حصل كدة كيييف انت قااادر تستوعب معااي النقطه دي؟يعني هو ود اختها زي ولدها ،وبعدين بي قصه عمو معتز دي انا م حكيت لي علي عن العمل كدة منو بالظبط والله م حكيت ليهو انا بس قولته ليهو في حد اغتصبني،قصي انا راسي حيطقق دي شنوو دوامه الغذارة الكانت بتحصل قدام عيوني وانا م شايفاها دي،،مسكك يدي قال لي شهد اهدي وروقي كدة،قولته ليهو اهدى كيف ي قصي فهمني انا حأجن عارف يعني شنوو حأجن؟انا م فاهمه حاجه من البحصل دة😭😭😭قال لي انتي متأكدة انو خالتك عامله علاقه مع ود خالتك علي؟يمكن فهمتي غلط انتي،قولته ليهو لو م سمعته بي اضاني والله م كنت حأصدق ي قصي😭😭😭💔قال لي طيب خالتك دي راجلها وين؟قولته ليهو في السعوديه،قال لي طيب هي لييه م معاهو؟قولته ليهو عندو معاها مشااكل عشان كدة نزلها السودان قبل فترة، قال لي حاولتو تعرفو المشكله سببها شنوو وكدة؟قولته ليهو راجلها حكى لي امي عن مشاكلهم بس م بالتفصيل بس قال ليها م بتنفع معاي وقال حيشيل منها العيال وحيوديهم لي امو سكت مسااافه قال لي عندك رقم راجلها ؟قولته ليهو تلفوني قافل كهربه،شالو وصلو في الشحن وفتحو قال لي هاك اتصلي عليهو والله يكضب الشينه،شلته التلفون واتصلته عليهو، اول م رد قولته ليهو خالو اسماعيل كيفك تمام؟قال لي وعليكم السلام،قولته ليهو معاك شهد،قال لي اهااا اهلا اهلا كيفك انشاءالله انتي كويسه وناس البيت وزوجك كيف ؟قولته ليهو تمام الحمدلله انت كيفك؟قال لي والله ي بتي في نعمة الحال الحمدلله،قولته ليهو الحمدلله،،،سكتته مسااافهه طبعا مترددة اتكلم معاهو واقول ليهو شنوو لأنو الموضوع كان محرج وحسااس شديد واضافه لي كدة شخصي يعني فكرة انو اسألو مشكلتك شنو مع خالتي دي صعبه شديد ،قولته ليهو والله ي خالو اسماعيل اتصلته عليك عشان موضوع ضروري ومهم ولازم اتكلم معاك فيهو،قال لي اتفضلي خيير انشاءالله؟بس ي ريت لو الموضوع م بخص خالتك م تحاولي تفتحيهو،قولته ليهو هو بالفعل الموضوع بتعلق بي خالتو مها،قال لي والله ي شهد ي بتي مع احترامي بس انا م داير اتناقش في الموضوع دة لأنو خالتك دي طلعت من نفسي خلاص وم خلت لي سبب واحد يخليني احل مشاكلي معاها ،قولته ليهو انا م عايزة اتكلم معاك عشان اخليك تحل مشاكلك معاها انا عايزة اعرف سبب مشاكلكم شنو لمن وصلتك لدرجه انك تنزلها السودان؟ضروري اعرف السبب ي خالو اسماعيل،قال لي مشاكلي معاها كبيييييرة ي شهد وم مشاكل عااديه ابدا ،يعني خالتك بعد العملتو وبعد الشوفتو انا مستحيل اقدر اتقبلها حتى ولو عشان خاطر اولادي،ياخي بدون مبالغه هي زاتها م صالحه عشان تكون أم واسي انا اول نازل السودان شهر 12 وبشيل منها حضانه اولادي اديهم امي تخيلي انا اسي في الوقت الحالي خايف على اولادي معاها ،قولته ليهو خالو اسماعيل ممكن تشرح لي اكتر عشان انا اقدر افهم؟قال لي م بقدر احكي انا ، مشكلتي م بقدر احكي انا للأن ساترها عشان العشرة البينا وفي النهايه هم ام اولادي وم داير سمعه امهم تأثر عليهم وعلى حياتهم ،ياخي انا اتجاوزته كل شي بتعملو مكالماتها مع الرجال و24ساعه تتدردش في الواتساب مع الرجال واترجيتها عدييل تصدقي قولته ليها ي مها لو دايرة لبن العصفور انا بنزلو ليك عشان بس انتي خلي البتعملي فيهو دة وقولي ربنا يهديني بس استغفر الله استغفر الله بس وبقى يستغفر كتيير، قولته ليهو الحصل شنوو؟قال لي ياخي انا زاتي للأن م قادر اصدق الشوفتو ،يعني كل م اتزكر بمشي بتوضأ وبصلي ركعتين عشان ربنا يقوي ايماني ويثبت عقلي ،وانتي زاتك لو حكيت ليك م بتصدقي قسمابالله وانتي واحدة من الأسباب الخلتني اسكت،قولته ليهو خالو اسماعيل علييك الله احكي لي الحاصل💔قال لي شوفي ي شهد ي بتي الكلام الأنا حأقولو ليك دة انا م حصل قولتو لي زول ولا بالغلط حتى وأتمنى م يطلع منك،قولته ليهو قول ي خالو اسماعيل انشاءالله والله،قال لي في يوووم كان عندي شغل برة الرياض يعني سفر عدييل ، قولته ليها ي مها انا الليله بايت برة انشاءالله بجيكم راجع بكرة المساء ،قالت لي كويس الله يوصلك بالسلامه،واراد الله سفرتي إتأجلت ،جيت راجع الساعه 12بالليل ،قولته الناس ديل حيكونو نايمين ماف داعي ادق ليهم الجرس دخلته البيت وعلى طوول فتحته غرفه نومنا وحسبي الله من الشوفتو حسبي الله بس وسكت مسااااافهه وكمل قال لي تخيلي لقيت مها ومعاها ود خالتك علي في سرير واحد وفي غرفه نومي وفي سريري ،طبعا انا بعد م سمعته الكلام دة خلاص حيلي مات،اي نعم عااارف انو م حتستوعبي الموضوع بس دة الحصل ودة الشوفتو حتى انا اتمنيت الموت من الشوفه دي،ياخي علي دة انا عاديهو زي ولدي عارفه يعني شنو زي ولدي؟لما جا السعوديه هنا جبتو قعدتو معانا عشان هي في النهايه خالتو وهو كان لسسه ي دوب في بدايه شغلو قعدتو معانا وم مقصر منو في شي،والغريبه انا والله كنت بحزرها ي مها في البيت معانا ود اختك أللبسي كويس يشهد الله بحذرها دايما وبقول ليها دة عدم احترام منك لأنو لبسها كلو كان قصيير وجسمها معظمو مكشوووف وم محترم قدامو وانا م كنت فاكر الموضوع كدة،انتي عارفه انا الشي الجنني شنوو؟انو هي عملت كدة مع ود اختها شقيقتها يعني حاجه بس لا حول ولا قوة إلا بالله دي سخطه ربانيه والله سخطهه،في اللحظه ديك انا قعدته في الأرض جنيت عديييل ،م قدرته اتصرف نهااائي ،انا كان بإمكاني اشيل سكين واطعنهم في مكانهم داك بس ديل حتى الموت فيهم خساارة ،وأغرب شي م سألتها ولا رفعته يدي عليها ولا وسخته يدي فيها بس طلقتها وطوالي رجعتها السودان لأنو انا لو عشته معاها مع احترامي ليك كنت حأكون (ديوث) وكنت حأرتكب فيها جريمه عارفه الحاجه دي؟انا سترتهم هم الإتنين عشان الأسرة م تتفكك،وعشان اولادي انا ااااهم شي عندي اولادي فوق كل شي م دااايرهم يتأثرو بي وساخة امهم نهائيا،لكن ي شهد انا الحاجه دي جاطت حياتي كلها عارفه ؟ياخ انا للأن بمشي بقابل دكتور نفسي وباخد ادويه مهدأة للأعصاب،، ،،خالتك كرهتني وقرفتني من ااي شي في الحياة ياخي حتى السودان دة انا كرهتو امي عيانه عندها كم شهر م قادر اجي ازورها، حسبي الله فيها محل م تقبل،وقفل الخط ،طبعا انا رميت التلفون من يدي وبقيت اقول:استغفر الله ي رب استغفر الله ومسكته راسي،قصي قال لي شهد في شنو مالك؟قولته ليهو قصي تخيل الكلام حقيقه؟تخيل خالتو مها عامله علاقه مع علي؟ قصي انا م قادرة اصدق لأ مستحيل حتى لو هي عملت كدة علي م اظن يكون بالوساخه والقذارة دي مستحيل ابدا،،،بقيت ماسكه راسي وببكي،قصي قال لي شهد استغفري،قولته ليهو انت متخيل معاي الموضوع؟واحدة عامله علاقه مع ود اختها شقيقتها؟نحن عايشين وين ؟بس فهمني ؟قال لي صدقي ي شهد والبلد دي الحاصل فيها اكعب من كدة ،الناس ديل واصلين لدرجه انو الأبو بقى بغتصب بتو ماف شي بقى مستحيل،قولته ليهو بس م للدرجه دي انت فاهمني؟؟؟فجأة جرس الباب ضرب،مسحته دموعي ومشيت المطبخ،قصي مشى فتح الباب لقاها فاتن،سلمت عليهو قالت ليهو شهد وين؟قال ليها قاعدة لكن م تحاولي تسوقيها معاك؟؟قالت ليهو لالا م دايرة اسوقها معاي وين هي؟جيت طالعه ليها قولته ليها فاتن؟قالت لي شهد وجات حضنتني وبقت تبكي،قولته ليها في شنوو؟قالت لي ليه م كلمتينا من زمان وحكيتي لينا بالعملو التافه الاسمو خالي؟ليه م كلمتيني على الأقل انا كان تكلميني ليه تسكتي على حاجه زي دي وانتي مظلومه وم عملتي حاجه غلط؟قولته ليها فاتن خلاص ،قالت لي دقيقه فتحت تلفونها قالت لي هاك ،قولته ليها شنو م عايزة اتكلم مع زول انا،قالت لي دي خالتو اميرة عايزة تتكلم معاك ،قولته ليها م عايزة اتكلم معاها انا فهمتي؟قالت لي اتكلمي معاها واسمعيها دايرة تقول ليك شنو بس،شلته التلفون ورديت:اول م رديت قالت لي شهد بتي كيفك ؟قولته ليها الحمدلله،قالت لي قولته دايراك عشان دايراك تعفي لي من حقك ي بتي ،والله م بتتخيلي عزاب الضميير والجحيم الأنا عايشه فيهو ،قولته ليها اعفي ليك من شنو م فهمتك؟سكتت مسااافه وقالت لي اليوم الخالك عمل عملتو دي معاك انا سمعتك بتصرخي وجيت طالعه وعرفته خالك بعمل معاك في شي غلط بس م قدرته افتح الباب وأوقفو،قولته ليها كيف كيف يعني ي خالتو اميرة ؟يعني انتي عارفه؟قالت لي في الحاله دي اعمل شنو ي بتي ؟انا لو كان مسكتو منك ولا اتدخلته كان حيعمل معي مشااكل وحيطلقني ويرجعني السودان لي اهلي وانا زوله دايرة اعيش ودايرة السترة وعندي عياال دايرة اربيهم ابوهم لو طلقني امشي بيهم وين بس كدة قولي لي؟قولته ليها عشان السبب دة سكتي وخليتيهو يعمل معي كدة؟طب ي شيخه م فكرتي لو بتك كانت مكاني كنتي حتعملي كدة برضو؟وانتي رضيتي على نفسك تعيشي معاهو عادي كدة بعد العمله دي ؟م خايفه على يعمل كدة مع واحدة من بناتو في يوم من الأيام؟؟لأنو البعمل كدة في بت اختو م بغلبو يعمل كدة في بتو ؟؟قالت لي ي بتي والله الموضوع دة انا دخلني جووة النار وطلعني وضميري دة أنبني لمن كرهته نفسي م قدرته احكي لي امك لكن اتصلته على خالتك مها وحكيت ليها الحصل قولته ليها كلمي سوسن لو بتقدري عشان انا م بقدر والله م كنت عارفاها م كلمتها يشهد الله لو م اتصلت علي فاتن دي امس وكانت بتبكي وسألتني عن الموضوع دة ،قولته ليها لو كان مسكتيهو مني اليوم داك م كان حصل الحصل وم كنت أنا حأعيش الأنا عايشاهو اسي بس حسبي الله ونعم الوكيل فيك ياااخي كنت بحترمكك شديييد وكنتي كبيرة في نظري بس انتي طلعتي اكعب من راجلك ياخي😭💔 ،قبل م اقفل منها وقعته في الأرض وم حسيت بي روحي،صحيت لقيت نفسي في المستشفى و مركبين لي درب،،طوول اليوم شغالين يدوني حقن ودريبات لغايه م جا المساء رجعوني البيت ،كانت بايته معي فاتن،،،جات داخله لي في الغرفه قالت لي قومي اشربي العصير دة عشان تاخدي الحبوب،قولته ليها م عايزة انا عصيير،قالت لي شهد البتعملي فيهو دة كلوو م حيرجع ليك الزمن لي ورا ولا حيغير ليك الواقع حاولي اتمالكي اعصابك واتجاوزي الحصل ياخي،فضلته ساكته وبعاين ليها لأنو أنا واثقه لو هي كانت مكاني م كانت حتستحمل 💔قالت لي انا ماشه انوم تصبحي على خير،قولته ليها وانتي من اهلو،اثناء م هي طالعه لاقت قصي في الباب قال ليها اخدت الحبوب؟قالت ليهو لالا م شربت العصير وم ينفع تبلعهم من غير تشرب او تاكل حاجه غايتو كدة حاول اديهم ليها،يلا تصبحو على خير،قال ليها وانتي من اهلو،قال لي انتي عايزة تجنيني صح؟هاك اشربي العصير دة وابلعي الحبوب سرعه،قولته ليهو انا م عايزة😥😭قال لي ولا على كيفكك تاخديهم يلا سرعهه ،بعد م بلعتهم وشربته العصير دخل الحمام استحمة وجا طالع رقد جنبي قال لي بقيتي كيف اسي وخته يدو في جبهتي؟قولته ليهو م كويسه ي قصي انا قرفانه من نفسي ومن كل الحوالي ،ليه الناس دي كلها وسخهه كدة؟ليه ربنا م بخزلني الا في اهلي والناس القريبين مني😭💔قال لي حتى انا؟بقيت اعاين ليهو وانا عيوني ملانه دموع،قال لي تعالي وضماني عليهو ،قال لي انا بس عايزك تبطلي بكى وم تخافي انا معاك وانشاءالله الله م يجيب اليوم الأخزلك فيهو،قولته ليهو قصي انا الحاجه الاسمها ثقه دي عندي انعدمت انا حتى في نفسي بقت م عندي ثقهه😭💔تخييل بس الأحداث دي كيف؟كل واحد اوسخ وأعفن من التاني😭😭😭ضغط على يدي وضماني عليهو اكتر قال لي م تفكري قولته ليك اسمعي الكلام،تصدقي وتأااامني بالله ي شهد؟انا بقيت اخاف عليك اكتر من نفسي وانا اوعدك طووول م انا عايش انشاءالله م يحصل ليك الا خييير والله يقدرني على الحاجه دي،لأني م عايز اخسركك ولا بأي شكل من الأشكال فهمتي؟؟....
#نتلاقى
