#لأنني_أنثى16
ماما قالت لي طبعا ي شهد ي بتي كل شي مقدر ومكتوب واراد الله انتي وقعتي واجهضتي ،بقيت اعاين ليهم مخلوعه قولته ليهم كيف كيف يعني اجهضته؟يعني ولدي اسي ماف في بطني؟وقعدته ابكي واصرخ ،قصي قعد جنبي وحضني من غير حتى م يفكر انو في ناس امي ،قال ليها ادوها مهدإ ولا ااي حاجه،دكتورة مها قالت ليهو لا خليها،وي خالتو سوسن وفاتن اطلعو خلو معاها راجلها بس ،طلعو من الغرفه،قولته ليهو انا بس وقعته بالغلط كيف يعني اجهضته ي قصي😭😭😭😭😭😭😭😭😭😭😭💔قصي قال لي حبيبي خلاص ربنا م كاتب ليهو يعيش،هو كان ببكي لدرجه انو م قادر يواسيني حتى ،اليوم التاني رجعوني البيت امو كانت محبوسه جات ايات ونور وايمان سلمو علي ورجعو ،وانا طوول اليوم ببكي يعلم الله كملته البكى كأني ولدتو وشوفتو بعيني،،او يمكن لأنو كان الحاجه الوحيدة البتجمعني بي قصي واسي اتلاشت💔😭بعد كذا يوم ماما وخالتو مها قاعدين معي في الغرفه خالتو مها قالت لي بلا وانجلا مالك ومال المحن اهو ربنا اداك فرصه الجنى وشالو منك اتطلقي وشوفي حياتك بي وين مالك ومال ولادة الشفع ووجع الراس،قولته ليها انتي جادة؟يعني كلامك دة انتي مبسووطه صح؟اسي انتي ام في زمتك ولا فيك قلب ام ياخي حتى المجانين م بقولو كلامك دة امي سوقي اختك دي وطلعيها لي من غرفتي،،،قالت لي هييي اسي كلامي دة فيهو شي غلط؟قولته ليها اطلعي من غرفتي لو سمحتي،ماما قالت ليها ارح ي مها ،،،بقيت ابكي من كلامها قصي جا داخل قال لي مالك بتبكي؟قولته ليهو ماف حاجه،قال لي اليوم كيف اتحسنتي؟قولته ليهو الحمدلله،قال لي الحمدلله كنت ماشي الشغل فحبيت اتطمن عليك ❤قولته ليهو انا تمام م عندي عوجه😊قصي كان بتصل علي كل الوقت عشان يتطمن علي واحيانا عشان يشغلني ودة،يعني في الفترة دي بالزات اتقرب مني شدييد ،،،
في الجانب التاني قصي في يوم رجع البيت حوالي الساعه 4ونص كدة كان بتكلم معاي في التلفون لما وصل قال لي غريبه ،قولته ليهو في شنو مالك؟قال لي كدة دقيقه ،،،فتح الباب بعد مساااافهه سامعه صوت واحدة بتقول ليهو :جييييت اخيييرا،قال لي حبيبي برجع ليك شويه كدة وقفل الخط،بعد م قفل قال ليها انا مش قولته ليك تاني م تجي البيت دة تاني؟قالت ليهو عمتي قالت لي اجي انضف ليك البيت وأجيب ليك الأكل،قال ليها البيت م محتاج نضافه لأنو في شغاله بتنضفو اسبوعيا،وبالنسبه للأكل انا بتغدا برة شكرا على خدماتك،وبعدين انتي م ممكن تكوني محترمه وتلبسي كويس؟قربت منو وقالت ليهو قصي انا لابسه كدة عشانك انت،وكمان اليوم اتدخنته واتريحته عشانك بس انت م بتلاحظ حاولته ألفت نظرك بكذا طريقه وانت م داير تفهم انا بحبك ،وم تقول لي مرت اخوي اخوك مات وشبع موت وانا والله دايرة السترة بس م دايراها مع راجل غيرك حلفتك عرسني والله م ببقى ليك زي شهد،قال ليها نووور انتي مجنونه؟زحي مني ياخ يعني الإنحطاط زاتو ليهو حدود،قالت بيهو مالي الناقصني شنو مخليك م تعاين لي جيهه مجيهه،والحنه والدخان ديل انا ستهم وببقى ليك ست بيت والله انت م عارف انا كل الوقت بفكر فيك كيف وبعدين انت شهد داير بيها شنوو؟ود عمها خلاها عشان كانت عامله علاقه مع خالها دي واحدة عفنه سااي والكلام دة م طلع من زول بعيد خالتها بتتكلم بيها وكلنا عارفين الحاجه دي ،،،اداها كف بي أقصى قوتو وقال ليها اللبسي اطلعي قدامي،سرعهه، قالت ليهو قصي مالك والله الأنا بعملو والبقولو اسي دة ماف مرة سبقتنا عليهو وقالتو لي راجل عشان يعرسها ،،،قال ليها عشان ماف مرة ارخص منك يلا تعالي جراها ركبها العربيه ،بقت تقول ليهو عليك الله م تكلم زول عليك الله 😭وصلها البيت نزلها بالغصب وجراها دخلها جوة البيت وبقى ينادي ي امي تعالي هنا،امو جات طالعه ومعاها ايمان وامجد ،قال ليها قبل كدة حزرتك مرت ولدك م ترسليها بيتي،،مرت ولدك م تعشميها بي قصه انو انا حأتزوجها ولا بالغلط صح ولا م صح؟قالت ليهو في شنو اسي؟قال ليها شوووفي انا لف ودوران م بنفع معاي ياها بقولها ليك قدامها وقدام اولادك نوور انا م بعرسها لو انطبقت السماء على الأرض كانت مرت اخوي الله يرحمع،الشي البجمعني بيها اسي ود اخوووي دايرة تعرسي ليها فتشي ليها راجل من برة وعرسي ليها بس انا م بعرسها ،يعني م ممكن يصل بيكم الحد تدخنوها وترسلوها لي في فكركم انا حأتزوجها لو عملتو كدة يعني؟والحنه والدخان هم مقياس للمرة يعني؟انا عرس تاني م بعرس امنه زاتها انا خليتها واظن كلمتكم ورجعت ليكم الدبله ،وبالنسبه لي نوور ولا دقيقه م بتقعدي في البيت دة ااااااسي بوديك بيت ابوك اهلك واخوانك كلهم قاعدين ولدك مصاريفو واي شي مجتاج ليهو مسؤل منو انا طوول م انا عايش اكتر من كدة م تعشمي بي عرس لا بغيرو، امو قالت ليهو ي ولد انت مجنون مالها مرت اخوك عيبها شنو مع النسوان ولا عينك على المعفنه مرتك الوسخهه دييك ،قال ليها شوفي ي امي وسخه او لا دي حاجه بعرفها انا م انتو،،،وانا كلمتك طلاق م بطلق شهد لو منتظراني اطلقها،امجد قال ليهو انت كدة ماشي صح ،وبعدين ي نوور اقسم حيرتينا ياااخ معقوله ؟احترمي ولدك دة على الأقل،،عمتي امنه قالت ليهو قسما بالله ي قصي م تعرس نوور دي لا ولدي لا بعرفك وم معافيه ليك دنيا واخرة ولو بتقدر رجع لي لبني الرضعتو ليك ،،،طبعا هنا كانت في حاله من الصمت بقى يعاين ليها ومحتار فيها ،امجد قال ليها امي كدة استهدي بالله واستغفري وراجعي كلامك دة،قالت ليهو كلامي واااااحد انا لو م عقل مرت اخوهو ودخلها بيتو انا م معافيه ليهو لا دنيا لا اخرة،قصي قال ليها طيب ي امي مدام دة كلامك انا اقول ليك كلامي شهد م بطلقها ولا برجعها وم بعرس مرت ولدك والعرس دة انا خليتو مرة واحدة فهمتي؟ومرت ولدك لميها عليك م اشوفها معتبه عتبه بابي تاني حتى ولو بالغلط يلا سلام وطلع خلاهم،امجد لحقو قال ليهو م تزعل من كلام امك انت عارف طبعها،قال ليهو م زعلان ولا شي بس مستغرب في البعملو فيهو دة حاجه تقرف بجد ياخ،،، ايمان في البيت قالت لي امها بري بري ولدك دة ي امي الا كان البت دي كاتباهو وبالجد شيخها قوي عاد م شايف قدامو غيرها،قالت ليها بعدين بالليل كدة نمشي لي شيخ عباس دة والله اخلي يشيلها من قلبو زي م شال جناها من بطنها لأنو شااطر اسي المرة الفاتت قال لي الجنا الفي بطنها دة م بعيش وفعلا م عااش بعدين ارح ليهو،قالت ليها سمح انا زاتي دايرة يكتب لي الراجل دة خطييير انا صدقتو من شهد اجهضت،،،قالت ليها والله شاطر صحي ياخ انا قال لي بس جيبي لي اااي قطعه قماش من ملابسها او من توبها وموضوعها بنتهي،وزي م قال هو بعد اسبوع بس من وديتو ليهو طرف توبها اجهضت الجنا،،،
