#لأنني_أنثى5
قال لي والله لو كنت عارف انو ماذن حيرسل الشغاله حقتهم واسلوبها حيكون بالفظاعه دي م كنت اتصلته عليهو،،،قولته ليهو دقيقه دقيقه الشغاله دي منو م فهمتك؟؟انا قاصد انو انا الشغاله؟القال ليك منوو وريني؟قال لي وااضح عليك م محتاج زكاء خارق😊قولته ليهو انت عارف الغلط م منك،من ماذن البصاحب نوعيتك دي😊سكت م ردة لي شويه كدة سمعتو بقول انتي بتاعة حركات كدة مالك؟طبعا انا لساني متبري مني قولته ليهو حركات شنو ي ولد انت مجنون ولا سكران؟؟فجأة سمعتو قال دقيقه خليك معاي وقال لي ي بت انتي المعاك منو ركزي في سواقتك بلاش طوله لسان معاك،اخخخخخخخ ي ريتني لو م رديت طلع بتكلم بالتلفون وانا الهبله اتهورته😭💔بعدها بلعته لساني 😥😭👊💔لما وصلنا البيت الساعه كانت 10:40دقيقه،،،عاااد زعلته زعل الحفله فاتتني والناس هججو ورقصو ودة كلوو بسبب الحيوان دة😭😭😭😭💔اتصلته على ماذن م رد،هو نزل ووقف جنب الباب،نزلته قولته ليهو منتظر ادخلك بالعربيه جوة البيت ولا حاجه؟ودخلته خليتو واقف ،،،اول م دخلته لقيت فاتن ومعاها بنات عماتي قالو لي كنتي وين كدة انتي مالك م لبستي😳قولته ليهم تلبسو الجبص م دايرة تسألوني زهجانهه انا😭💔لاقيت امي قالت لي مشيتي وين انتي؟امشي ملابسك ي بت،قولته ليها اللبس عشان اقعد بيهم عشرة دقايق م عايزة اللبس ولا عايزة احضر ااي باقي حفله وماف زول فيكم يسألني 😭😭😭😭😭😭😭💔دخلته بيتنا وطلعته غرفتي وقفلتها علي،عاااد زعلته زعل وإتفرسته فرسسسهه كييييف م الحفله تفوتني وم احضرها 😭💔متخيلين معاي الألم؟كونك تكون سامع الحفله شغاله وكاااتمهه وتحردها؟😭💔بعد م الحفله خلصت اتصلت علي امي م رديت ،شويه كدة جاتني في الغرفه قالت لي ي بت شهد قومي ضيفي اخو العروس اعملي ليهو عصير واديهو مويه قومي،قولته ليها ماما والله اخلاقي في انفي ياخي شوفي بناتك الاتنين قاعدات انا مالي بس اي شي شهد شهد ،قالت لي هم اخوانك وينهم؟انا م لاقياهم زاتي ،بطلي قله ادب اسي انا من الصباح داخله ومارقه م شكيت اتقطع ليكم يعني،بنات اخير عدمكن والله ياها زاتها ولادة الندامة،،قولته ليها وبعدين اخو العروس الجايبو حفله عريس اختو شنو لو م خيابه منو ؟😭قرصتني قالت لي قولته لي ليك بطلي قله ادب ولا اقول ليك خليني برااي بمشي بضيفو بنات نهائي م فيكم فايدة،،قولته ليها اصلا اليوم دة من اصبح زي الزفت خلي انا بمشي بضيفو جا من وين هو كمان التاني ياخ م يكرهونا قعاد البيت دة زاتو😭💔قالت لي قاعد في الهول مع ماذن ومدثر امشي ،، مشيت خلطته العصير وانا عااد ي يمه متنرفزة جنس نرفزة واقول:بسسس عليهو الجايبو حنه راجل اختو شنو كما قله ادب منو دة الكان ناقص والله😪😡جاتني اسيل قالت وربا،اسيل قالت لي شهد شوفتي اللي نحن شوفناه؟😨😱قولته ليهم شوفتو شنوو؟ربا قالت لي اااه ي واطيه ي بنت الكلب طالما الأدمن ببقى ليكم وعازمنو الحفله كمان داسه مننا وعامله روحك متشاكله معاهو مالك كنتو متفقين وبتبرمجو بالناس صح؟😒💔😎قولته ليهو ادمن شنو ي بنات انتو مساطيل اهااا قصدكم عمر اي عمر بعرف ماذن يمكن عزمو،،،اسيل قالت لي بطلي استعباط وحركات على الأقل نحن صحباتك م كان تدسي مننا ي حقيرهه😕،،قولته ليهم ي بنات انتو مجانين دقيقه امشي واجيكم شلته العصير في صينيه ومعاهو كبايه المويه ومشيت وانا من شدة م مغيوظه لمن بتكلم براي،،،اول م وصلته الهول قولته ليهو مازن هاك من بعيد،قال لي تعالي داخله مالك؟😂جيت داخله وانا صارة ليهو وشي وبحمر ليهو،،،اول م مديت الصينيه كدة اتفاجأ ليك بالخلقه القدامي،،،من غير م أحس قولته ليهو دة منووو😱😨طبعا هو زاتو لمن اتخلع،،،ماذن قال لي بسم الله ي شهد دة منو كيف ؟اسي م مشيتي جبتيهو من الرياض سلامه زاكرتك😂قال ليهو طبعا م عرفتك ي قصي دي اختي الصغيرة المجنونه شهد،،،طبعا بقيت واقفه وبعاين ليهو بي نظرة م معروفه نظرة خلعه،ولا غضب😡جريت الصينيه علي قولته ليهو سمح وين اخو العروس القالتو امي؟مدثر قال لي شهد انتي متخلفه😲😳 ؟ماذن دة عايز يتفقع من الضحك😂😭💔قال لي ي شهد دة قصي صحبي واخو العروس في نفس الوقت مالك انتي؟😂واااي من الموقف كلمه اووڤر عليهو بسيييطهه دة شنوو الاحراج دة😭😭💔ياخي انا بقيت م قادرة اقيف مسكني هبوط ختيت الصينيه في الطربيزة من غير م اقدم ليهو اااي شي،طلعته وانا راسي لمن لافي،،،وصلته المطيخ وانا رجولي م شايلاني قولته ليها اسيل وااااي😭قالت لي ي بت خلعتيني مالك كانت بتشرب ليها في عصير،قولته ليهم م شوفتو الأنا شوفتو 😭💔روبى قالت لي شوفتي الأدمن صح؟مش كلمناك؟قولته ليهم انتو عارفين انو الأدمن هو صاحب ماذن الزفت،وهو اخو العروس في نفس الوقت😨😡😡😱😭واتخيلو المغسه وين انا مشيت جبتو بي نفسي لغاية البيت هنا اتخيلو الحيونه دي😭😭😭😭😭😭وم شوفتو الإحراج الحصل لي من الصدمة قدام اخواني حيييي ياااخ الله ياخدة ويقطعو اشلاء اشلاء،ياخ الله لا جاب باقيهو 😭💔👋اسيل دي وقعت في الأرض بعدها بقت تضحكك قالت لي وااااي ي شهد م قادرة اصدق بعد الردحي والاحراج دة كلوو طلع اخو العروس كررر علي😂😂😂😂روبي قالت لي لكن ي شهد الولد دة نزل السودان متين هو زي العيان كدة كان قبل كم فترة كنت شايفه صورو في المستشفى ولا شنو م متزكرة،قولته ليها عيان شنو كووويس يااهو زي الحصان انشاءالله يموت كان عيان توووف عليهوم بهضمو ولا بنزل لي من زووري😭💔اسيل قالت لي لكن ي شهد بيني وبينك اللهم الثبات الولد النصيحه كدة حاجه كدة تقطع القلب،عاينته ليها بي تكشيرة كدة😒قالت لي خلاص م قصدي شي م تكرفسي لي وشكك😭😊😪روبي قالت ليها صدقتي ي صحبتي الولد قاطع 😥💔قولته ليهم يلا مش حضرتو الحفله والحفله انتهت؟يلا على بيوتكم العرس زاتو م اشوفكم تجو م معزومين من اسي وريتكم 😡اسيل قالت لي اجي وانتي الجايك منو انا غايتو عازمني مدثر وجايه عشانو😌روبي قالت لي وانا صراحه خالتو سوسن قالت لي عايزاك تظبطي لينا المخلل وجايه عشانها 😥😌قولته ليهم نعم؟ي بنات انتو م بتحسو انا بطردكم من بيتنا م فاهمين اقولها ليكم بطريقه ابشع يعني؟امي جات داخله،اسيل قالت لي بتطردينا من بيتكم كيف يعني ي شهد؟روبي قالت ليها سامعه ي خالتو سوسن شهد قالت لينا م تجو تحضرو العرس،،،اسيل قالت ليها اصلا نحن لو جينا حنجي عشان خالتو سوسن دي ولا شنو ي روبي؟امي قالت ليهم م تشتغلن بيها دي مجنونه ساااي العرس بدونكن زانو م ببقى فاهمات 😂👋واااي ياخ انا تجيني من امي ولا من صحباتي الرمم،ولا من المتخلف داك 😡اخخ بس انا ربنا يصبرني،،،يوم العرس فساتينا انا وعهد وفاتن كلها لونها كان عنابي بس القصات مختلفه،حقي كان كان احلى طبعا مش انا المصمماهو🙈❤بعد الحفله بدت بمسافه والعرسان وصلو الصاله نحن إتأخرنا في الكوفير ونحن جاين في الطريق قولته ليهم وربي الليله الحفله دي تفوتني بتلوم معاكم كفايه اتأخرنا بسببكم😭💔الحفله كانت بي عاصم البنا 😻❤وصلنا الصاله لقينا الناس دي مهججه وترقص سااي ،طبعا كنت متشوووقه اشوف العروس اول شي مشيت على إتجاه العرسان لما قربته منهم بقيت امشي بالبطيئ هي حلوة وقرضه واااي شي بس حسيت كأني بعرفها كدة،وقفته بقيت متنحه بعاين ليها،وماذن من هناك يشاغل فيني ويضحك،والعروس رفعت لي يدها ،هي افتكرت انو انا جيت احضر عرسها علشان عزمتني،وانا واقفه وبحاول اتزكر شوفتها وين شوفتها وين بس طققق اتزكرتها وقولته لنفسي ديييييييي😨😱وختيت يدي في خشمي وبقيت اقول ي ربي دي شنوووو المواقف الوسخهه البتختني فيها دي😭💔شلته رجولي ومشيت سلمته على ماذن قام حضني قال لي اختي المجنونه البحبها شديد،قولته ليهو مبروووك ياخي تتهنو ببعض ي رب وماشاءالله جكسويتكك قاطعهه😻💋طبعا العروس قاعدة مخلوعه واظن في اللحظه ديك جاها هبووط وبقت تعاين لينا بي صدمة😨😱تكون فاكراني حبيبتو القديمه 😂قال لي قليله ادب بطلي مشاغلهه هههه،،،بعد م فكيتو مديت ليها يدي قولته ليها مبروووك تتهنو ببعض ي رب،وهي لسه بتعاين لي بخلعه هي خلعتها كانت اكبر من خلعتي صراحه😂💔قولته ليها وخلي بالكك من اخووي على فكرة دة اكبرنا وسندنا يعني خطين حمر😂❤بعد م قولته ليها كدة حسيت لمن اتردت فيها الروح ،ماذن قال لينا انتو م بتعرفو بعض؟هههه قال ليها طبعا ي أيات دي شهد اختي الصغيرة بس م تشوفيها كدة م عندها عقل نهائي😁❤طبعا البت لمن ضحكت قالت لي انتي أخت ماذن بي لهفه كدة،قولته ليها اايوة انا اختو حتى أنا متفاجأة زيكك يلا ههههه😂قالت لي ي محاسن الصدف والله وقامت سلمت علي ❤حسيتها م مصدقه والله😂💔بعدهاجيت اتكلم مع عهد وفاتن فجأة عاصم البنا غنى:البنيات التلاااااتهه،،،كل واحدة بي حلاته بي حلاته بي حلاته م عرفنا السمحه ياتا،ياتا السمحه ياتا،ياتا الحلوة ياأااتا💃💃💃💃💃💃😂اقسم بالله في اللحظه دي عهد وفاتن هججو هجيج انا الوحيدة الفضلته رايقه وبعاين ليهم😂فجأة جاتني اريييج قالت لي واااع ي شهد شوفتي الأدمن اخو العروس بتاعتكم ؟اقسم بالله انا مسسسخ علي الحفله زاتها😭💔قولته ليها انا مش قولته ليكم لو حابين تتكلمو عن الزفت دة خلو بيني وبينكم كيلومترات؟؟قالت لي م شوفتيهو كررر علي حالتو قال عيان عيانه انا والله😥💔قولته ليها ياخ انشاءالله المرض يهد حيلو بعداك يموت مالكم ماعطني بيهو انتو؟قالت لي شهد حرام عليك انتي ليه قلبك كعب كدة؟قولته ليها اول مرة تعرفي؟😒بعد الحفله خلصت وجو يعملو ليهم الجرتق وانا واقفه مع بنات اهلي سامعاهن يعلقن،واحدة منهم قالت ليهم اخوان العروس التلاته كلهم ماشاءالله قرض جدجد،والعجب صحبان ماذن المهندسين وبعلي قرض قرض ،ياخي غاظوني كيف بنات فارغات م عندهم غير دة سمح ودة كسار ،كل م امشي اتجاه اسمع نفس الموال وانا طبعا م بطيق الحركه دي جني وجن البت البتتدردق وبتتمردغ في ولد😡فضلته واقفه براي مربعه يدي وبعاين للحوالي...فجأة حسيت بي زول ضربني في كتفي اتلفته بخلعه لقيتها اريج قالت لي عايني ليهو واقف مع ماذن وبتونس معاهو كيف😥قولته ليها تااااني،تاااني ي أريج؟اسيل قالت لينا الود دة م عندو اخت صغيرة بعمرنا كدة نصاحبها😥😪روبي قالت ليهم صحبه لكن😂👋اريج قالت ليها من حقنا كصحبات اخت العريس نصاحب اخت العروس الصغيرة برضو 😥😂👋قولته ليهم تافهات مبتذلات تفووو عليكم😒👋💔اريج قالت لي عليك ي شهد انسي الحصل بينكم وعرفينا عليهو انتي بس اخطي الخطوة الأولى ونحن بنتم الباقي شوفيهو واقف وبتكلم مع ماذن كيف؟ي يمه تسريحه الشعر الماخمج والعجب الفنيله بالبدله يخلوها ليهو😥💔اتلفته عاينته ليهو وسكته مسافه واتلفته عليهم قولته ليهم نننننن 😒💔بعد م العرس خلص بي اسبوعين في يوم اريج مسكلت لي الساعه 12بالليل ،طبعا غياظه حدها مسكولات😂😒رجعته ليها قولته ليها انا مش قولته ليك تاني م تمسكلي لي،مالك انتي ي عايزة تجلطيني؟😪قالت لي شهد انتي بجد اخوها لمرت اخوكي دي تعبان في المستشفى؟قولته ليها كيف يعني م فهمتك منوو؟؟؟قالت لي ياخي اخو العروس طيب الأدمن😭قولته ليها اهاا مالو؟قالت لي م شوفتي صورو منتشرة في السوشيال ميديا وقالو تعبان في المستشفى عندو كم يوم،قولته ليها بري م عندي خبر والله سبحان الله هههه😊قالت ليه شهد انتي ليه كدة؟انا بقول ليك الولد عيان وانتي بتضحكي؟قولته ليها اعمل ليهو شنو يعني ي بت انتي طايرة ليك ولا شنووو وبعدين م بهمني؟ربنا يشفيهو وبس،قالت لي رسلته ليكم فيديو في قروبنا ادخلي شوفيهو والله يقطع القلب بكاني بكا انا من قبيل ببكي والله😭😭😭😭😭💔بعد م قفلت مني،دخلته القروب لقيت الفيديو فتحته تسجيل الفيديو كان بقول فيهو: سلااام ي شباب كيفكم انشاءالله كويسين،اول نتفق م عايز تأثر م عايز شفقه والحركات دي تمام دعوة حلوة منكم بتكفيني 😂دقيقه اعرفكم على الغرفه الظريفه دي😻دي غرفه الغسيل ،ودي مكنة الغسل البغسلو لي فيها ،طبعا انا وهي بقينا بنشوف بعض اككتر م بشوف اهلي😂بس م تشوفوها كدة حنينه خلاص وبسببها انا عايش😂❤انا بس عايز اقول للناس انو المرض م بقتل ابدا ،البقتل اليوم،وبعدين ي شباب الحياة دي حلوة بجد يعني اااهم شي التفاؤل انا شخصيا عندي سنه بغسل كلى،وداخل عمليات قلب مفتوح مرتين،دة غييير الأدويه والجرعات التانيه الباخدها،بس بالرغم من دة كلووو الحمدلله انا عايش لأنو انا عايز اعيش ولسسسه عندي أمل في الحياة،ولأنو ربنا لسسه كاتب في العمر باقي،،،ولأنو المرض والأدويه م بتغلبنا وتهد حيلنا😂💪لسسسه عندنا طموحات عايزين نعرس ونجيب اولاد كمان وعايزين نحس بطعم الحياة من غير ادويه وغرف غسيل والحجات البتقرف دي،،المهم ي جماعهه بمناسبه العرس دة كدة فتشو لي عروس داير اعرس والله😻 في شعار عاجبني شديد باخد منو قوتي اسمو هنحبط الإحباط،انت كمريض اذا م اخدته قوتك من نفسك اخدها من الحواليك ،ومن الناس الحالتهم اسوأ منك ،حتحس بنعم ربنا عليك لما تلقى انو في غيرك عايش عمرو كلو في المستشفى،او عندو مرض اكعب من مرضك،او حالتو اسوأ من حالتك ،او تلقى زول ربنا اداهو الصحه والعافيه بس م مديهو الراحه النفسيه💔 خلو أملكم في ربنا كبييير واكيد هنحبط الإحباط💪❤😊يلا ي شباب زمن الغسيل جا سلاااام ودعواتكم م تنسو❤وخلو بالكم من نفسكم😻❤
#نتلاقى😥
