قصة (( حرمان))
الجزء الثالث
يوسف- خويه صيري صبوره شرفنا معلك بيج اختج وكعت عكال ابوج بالوحل
لبنى- لطمت على وجهي خويه انه بحياتي ماشايفه خواتي شمسويه عليك بداعت شيبه ابوي احاجي وابجي وقصي يباوعلي باستهزاء
يوسف- والله خويه كلبي ممرود عليج بس انتي الحتطلعينا من عارنا لان اذا مااخذ منه بنيه حننفضح اختج خانته وشافها بالفراش وي ولد
لبنى- لطمت على راسي يابويه شون فضيحه دخلت للغرفه الطم بهدوء وراسي حيطك
قصي- لطمت لطم مشايفه واسمع ونينها بالغرفه مقهوره على ابوها واخوتها اني تشمتت بس بداخلي مصدوم شون خايفه على شرف اهلها
دخلت الغرفه مال ضيوف جانت حالتها فد مره ومدنكه راسها بالكع هالشي خلاني اشوف نفسي شكد متحمل واحقد اكثرً
قصي- هسه عرفتي ليش انت وعكال ابوج جوه نعالي
لبنى- مدنكه وابجي الرافعه راسي واتباها بيه منزلين راسه بناته
قصي- كومي شوفي شتردين للمطبخ دروح اتسوك
لبنى- وكفت مدنكه واحس الدنيا بعيني هلكداتها مشيت وراه لزمتني الدوخه ردت اوكع لزمني
قصي- هاي شبيييج لج لو تمشين عدل لو امشيج بالحزام جنت مرتاح من داطلع قهر اختها بيها
لبنى- مدنكه ومااكدر احاجيه كتبتله شمحتاج للمطبخ وكوه اكتب
قصي- اراقبها تكتب خطها مال ابتدائيه
شسمج انتي مترد متحجين
لبنى-همست لبنى ومدنكه
قصي- شنو ياصف واصله خطج يخزي
لبنى- رابع همست
قصي- ليش شسويتي وكعدوج
لبنى- ماسويت شي نطيته الورقه وفتت انام اعصابي تلفت
قصي- طلعت من البيت قفلت البوب خاف احد يفوتً مثل اختها تطببلي احد
تسوكت ورجعت لكيتها نايمه دخلت الغرفها باوعتلها دمعتها بعينها
كومي رجعي المسواك بالثلاجه
لبنى- كمت من غير مااتكلم رجعت المسواك وهو يباوع واني كاتلني الخجل من سوايه اختي ماريد اتخيل ابوي واخوي شصار بيههم كملت وفتت للغرفه نمت وياريتني مااكعد بعد شون حعيش وي واحد اختي خانته وشايف اهلي مو خوش اوادم
كعدت الصبح من 6 مثل مامتعلمه رتبت البيت وخليت الغده وبديت اسوي الريوك باوعت لوجهي بالمرايه مزورك تذكرت عيشتي وي امي قبل 3ايام هيج وكت جان تناغيني وتوكلني شفت ماكو احد يمي كعدت ابجي بهدوء بس البجي يريحني بالهالمصيبه المالها حل غير اني اسكت واسلم امري لاالله
قصي- ب8حسيت سمعت طكطكه بالمطبخ كمزت خاف دسوي شي باوعت من شباك المطبخ كاعده عالميز ومخليه وراسها عليه تبجي شبلاها هاي
شبلاج تعوين من صباح الله خلي الريوك يله
لبنى- فزيت ونصيت هزيت راسي
خليت الريوك وفتت للغرفه وره ساعه طلعت رتبت غراضي وطلعت اكلت لكمه بالكوه لان لشا يدير وجهه يراقبني من شباك الهول والله فشله اختي خاينته واني اكل ببيته كمت لملمت وفتت اصلي بس الصلاه تريحني طولت بصلاتي لحد ماوره الضهر
قصي- فاتت للغرفه وبعد مطلعت وره الضهر طبيت عليها لكيتها تصلي طلعت وعفتها رحت بيت ابوي مخنوك وقفلت الباب وطلعت
لبنى- ضليت ادعي واصلي للعصر حسيت بجوع صبيت واكلت شوي سمعت صوت سياره دخلت الكراج مال بيته
قصي- فتت للبيت يله صبي
لبنى- صبيت الغده وفتت جوه
قصي- مسويه اكل كلش طيب هاي ليش هيج اكلها طيب
بعد يومين اداومً واخلص نص يوم اني بره البيت
ماشوف شكولها ولا تذكرني باختها
لبنى- بقيت بالغرفه ماريد اشوف شي يذكره باختي ولا اني عار ابويه المسكين بليل صاح عليه لاول مره
قصي- وينج هييي لبنى
لبنى- ركضت نعم يتبع
تكمله البارت الثالث
قصي- تعاي اخوج يريدج
لبنى- سوده عليه خويه شون حباوع بوجهك طلعت جان بالطرمه يوسف ركضت بحضنه ابجي يوسف خويه
يوسف- يباوع بوجهي عينه مدمعه خويه لخاطر ابوي تحملي ولخاطر اخيج
لبنى- اي خويه اطمئن بسته من راسه مانزل راسكم ضل يباوع بوجهي
يوسف- تخبلت شفت وجهه كل كدمات هاي شبي وجج حبيبتي
لبنى- وكعت هيج لايضل بال
يوسف- لبنى انعل ابو الشرف والعرض خلي العالم تحجي روحي لمي هدومج نروح وننتقل من هالمنطقه
لبنى- لاخويه لا خليني ارفع راس ابوي عوفني هنا انه مرتاحه والولد ماسوالي شي انه جاوبته وتلاسنت ويا عوفني ومن تروح لابوي كوله كلش زينه
يوسف- حضنتها ياريت كل البنات مثلج ماجان وكعت عكل من على روس الشيوخ
لبنى- لايضل بالك يمي خويه انه تربيتكم ومااطلع من طوركم والله موجود ويايه ماعايفني ابتسمت باسني من راسي وطلع
قصي- سمعت كل كلمه حجتها لاخوها تعجبت عليها بعدها صغيره وتعرف معنى الرجل من يروح شرفه لعد شبيها اختها خرب حضي ويجوز بس حجي كم يوم وتجيبلي العار
لبنى- فتت للبيت صار بوجهي دنكت
قصي- سويلي جاي
لبنى- صار همست
بينما اسوي الجاي هو يسالني
قصي- انتي وين جتو ساكنين
لبنى- انه وامي جنه كاعدين بمحيسن قريه بالاطراف
قصي- ابوج مجان يجيكم
لبنى- لا جان يجي كل شهر يضل 3ايام
قصي- وهاي امج كم واحد مصادقه غير ابوج
لبنى- مجاوبته ولا باوعت بوجهه كلبي انعصر امي اشرف مره بداخلي
قصي- زين شو مجيتو لعرس اختج
مشايفج قبل
لبنى- انه اول مره جايه لبغداد
وخواتي ماشايفتهن بس شايفه يوسف ومحمود اخوتي يجونه للمزرعه دايما
قصي- عدكم مزرعه بمحيسن
لبنى- ابتسمت وقدمتله الجاي بلي عدنا مزرعه ونزرع بيها انه وخوالي وجدي ابو امي وعدنا حلال يوميه الفجر نحلبه وناخذ حليبه نسوي كيمر وجبن
قصي- هاي شون جتي عايشه
لبنى- احله وابسط عيشه
قصي- ههه والله باوعتلها ضلت تصفن الضاهر صدك عاجبتها عيشتها هناك البطرانه
ليش كلبتي طين الحديقه شردتي
لبنى- ردت ازرعها
قصي- الحديقه متطلعيها اكسر رجليج
لبنى- لا مااطلع هاهي
قصي- يله ولي من يمي
لبنى- دخلت الغرفه وبعد مطلعت انه عاجنه كباب للعشا من يريد يصيحني ضليت اقره قران واصلي ماعدي غير لهوه
قصي-صارت ب11صحتها تعاي وينج
لبنى- نعم
قصي- تعاي شنو ماسوين عشا حتموتينا جوع
لبنى- لا محضره العشا
قصي- لعد متسوين الا اصيح
لبنى- جبت وكفت عالطباخ اسوي الكباب والرلاطات واللبن
قصي- تقربت منها عالطباخ اباوع لخصرها صغير وجسمها مرتب حيل تقربت اخذ كباب اكلها تصبيره تدنت مدنكه
هاي شبيج راح اكلج باوعت بعينها ياالله تدوخ
شعرها الاشكر المضفور المي اووف لو مااختج مدااكدر انسه
لبنى- لا مو قصدي بس داانطيك مجال
قصي- لتخافين تلعب نفسي منج ومن كل مره كلكم نفس الشي
لبنى- بقيت مدنكه ومارد عليه حقه بكل كلمه اليكولها
وللحكاية بقية
