((( حرمان )))
ملاك القيصر
الجزء الرابع
متابعه ممتعه
كملت وصبيت ودتفوت للغرفه
قصي- تعاي متزقنبين
لبنى- لا بالعافيه انه باليل مااكل مااكدر انام
قصي- لعد شبيها اختج جانت كومه تاكل جنها هايشه
لبنى- دنكت وكلبي معصور شون حيضل كل حجايه والثانيه وصاح اختج
قصي- اني باجر اروح للدوام ب4لازم اكعد اذا محسيت دكي الباب عليها تره اذا فاتني الوكت اسحلج
لبنى- انشاء الله همست وفتت للغرفه ونمت
قصي- مكدرت انام شايل هم لباجر خاف يدرون بسالفتي اني بس اللواء يعرف واللواء اخويه ميحجي
الله يسهل وكلشي ميدرون انشاء الله البدله معلكه كدامي غاسلتها وكاويتها
لبنى- الصبح حسيت وي الصلاه صليت وخليت الريوك والجاي وضليت ادك الباب مايحس الضاهر نومته ثكيله فتت للغرفه اكعده جان مالابس هدوم من فوك فانيله خجلت ضليت من بعيد اصيحه قصي قصي له اكعد عدك دوام تاخرت
قصي- اي كعدت
لمى من يمج شغلي الضوه
لبنى- من ذكر اسمها بمكان اسمي شهكت
انداريت عليه صار همست
قصي- شوي وانتبهت على روحي صحتها باسم اختها بعدني عالقديم كمت بدلت وطلعت اتريك باوعتلها باستهزاء صحتج لمى نسيت الصار
وبعدين تذكرت
لبنى- هزيت راسي وبقيت مدنكه
قصي- يله عادي اختج
لبنى- شعاجبك تتغده اليوم بس اريد يسد موضوعها
قصي- سوي الباميا الجبتها
لبنى - صار
قصي- هسه حترجعين تنامين
لبنى- لا انه متعلمه اكعد هالوكت وانام بليل من وكت
قصي- وشحتسوين هالوكت كله ماعندج شي
لبنى- الشغل مايخلص هسه حخلي الاكل وانضف ومن اكمل اصلي واقره قران ويجوز انام الضهر
قصي- حقفل باب المطبخ واخذ المفتاح وباب السطح هم
لبنى - من تجي اشر الهدوم لعد لكيت خيط على بدلته تقربت سحبته ونفضتها
قصي- لتتقربين
لبنى- لا بس شوي دعدلها اعتذر
قصي- يله حروح عود هم من اجي اشوف رجال نايم بالغرفه وياج
لبنى- دنكت طلع ودخلت للغرفه ابجي شون يربي انه بت شيخ مااتحمل هالاهانه شون حتكضي ويوميه معيرني باختي ويحجي على ابويه كمت نعلت الشيطان والتهيت بالشغل تركيب وتنضيف وغسل الهدوم وسويت حلويات هم لان لكيت فستق وانه امي تسوي بقلاوه تخبل علمتني عليها سويتها وخليتها بالفرن صارتب1كعدت اصلي كملت الصلاه فتت للحمام الحمام مبي قفل الباب خربانه فتت اسبح ومطمئنه مقفول باب المطبخ
قصي- بالشغل كاعد على اعصابي اخاف اروح والكه واحد يمها اخلف يفوت من الشباك ميت تفكير براسي لل3متحملت ابقه بعد ساعتين شفت ماعدي شي طلعت ورحت للبيت فتحت الباب وفتت علكيفي اشوفها دتسوي
والشك ماكلني
جانت دتسبح وتغني اغاني ريفيه صوتها حلو فتحت باب الحمام على كيفي ضليت اباوعها البرده موجوده شفافه مو كلش مبين جسمها بس اللي داشوفه مبينه جسمها يخبل اصيله رجعت سديت الباب واني مجرد عيني تمتعت اي رغبه ماعدي بعدكعدت بالمطبخ ونزعت بدلتي انتضر تطلع الخاتون طولت هواي يله طلعت صرت وياها وجه بوجه الخد احمر يخبل ولافه الخاولي وريحتها تخبل
قصي- فضيني تعاي صبيً
لبنى- لو ادري بيك جاي مااتاخر اطلع بسع
قصي- لتضلين تلغين تعاي صبي
لبنى- اي جيت صبيت ورحت اسرح شعري بالغرفه طويل ياخذ هواي وكت
ضليت انزله شوي شوي لحد ماكملته
قصي- فتت للغرفه اريد جاي
لبنى- دقيقه
قصي- ضليت اباوع على شعرها طويل ومي واشكر وهي تنزل بي نسيت نفسي
لبنى- ضل يباوع على شعري انه شلته بساع خاف ضاج حيل تاخرت عليه
قصي- صبت الجاي ورجعت للغرفه
لبنى- كملت تسريح وسويته كصيبه ولبست حجابي
اريد اشر الهدوم
قصي- اي امشي اني وياج
لبنى- اي براحتك شريتهن وهو يباوع خاف احد يلمحني انه اشرها بالحديقه لان مايرضه اصعد عالسطح
قصي- هاي منين جبتي البقلاوه باوعت متعجب وميت خوف
لبنى- انه سويتها ضوكها طيبه ابتسمت
قصي- لا تشاقين شون سويتيها اخذت قطعه واكلتها تخبل عبالك مال محلات باوعتها متاكده انتي سويتيها خاف اخوج البارحه جابها
لبنى- لا والله انه سويتها مبين من عيونه عجبته فرحت همزين فد شي يخلي يرضى عني
قصي- نسيت نفسي كمت اروح واجي اكل بيها وجانت كلش خفيفه وهشه
وللحكاية بقية
