# جبروت امراة
البارت السابع ⚘⚘⚘⚘بقلم رانية ماهر
نمت وماحسيت على عقيل من رجع صحيت ثاني الصبح وشفت عمتي
ايلاف ** صباح الخير عمة
ام عقيل** هلا صباح النور..... شبي وجهج مورم خير خو ماكو شي😕
ايلاف** لا ماكو شي بس من الفرحة مورم 😒
ام عقيل ** والفرحة تكلب خلقتج هيج 😏
ايلاف ** عمة ليش كلتيلة لعقيل اني حامل ردت اسويلة مفاجئة😑
ام عقيل** يا هههه هو كلج شوف البخت 😂 عود اني كلتله سوي نفسك متدري....
هاي علمود تعرفين وليدي ميعرف يمثل ويغشج ولا يعرف يكذب ... وبعدين حتى لو اني كلتلة قابل شصار 😒؟
ايلاف** همست اصلا اسطة بالتمثيل والكذب بس يكره يشوفني فرحانه جاوبتهة .... ماصار شي بس خربتي المفاجئة😑
ام عقيل** يلة عود بشري من تحبلين مرة ثانيه 😏
ايلاف** الله كريم تركتهة ومشيت😧 حتى الفرحة عليه حسرة
دخلت المطبخ اليوم عليه العجن والتنضيف وشغل ميخلص خلص عمري واني بس اشتغل شوكت ارتاح....
هيج وبوجهي شفت مرت جاسم... همست يافتاح ياعليم بوجه عقيل صبحت اكيد يكون يوم اغبر
مرت جاسم** ها ايلاف سلامتج بس لا ضاربج عقيل شبي وجهج ؟
ايلاف** لا ماضاربني ... 🤕
مرت جاسم** شنو شبيج القهر مو زين عليج انتي حبلة...
ايلاف** مابيه شي بس مانمت امبارح وتعبانه وعيوني تحركني
مرت جاسم** اي والله اني همين من التعب انهديت هد اشو بس احنه نشتغل ونكرب وبناتهة الخواتين مصفطات وكاعدات
ايلاف** اي والله صدك انهد حيلي وكرهت البيت.... بهالاثناء اجني نسوان حمويني ام يونس وام اية و التمينه اربعتنه
مرت جاسم** ادري لشوكت نبقى نخدم ميكفينه مسؤلية رجال والجهال تهد الضهر انوب نخدم الحموات والحموين وامهن
ام يونس ** اي والله خواتين ينامن للضهاري منو يحجي وياهن بس العتب مو عليهن على دبة الغاز الي محسوب علية رجال
ايلاف** 😂😂😂😂 ابو يونس صار دبة غاز
مرت جاسم** شوف تضحك الفاهية .....
يكفي دنسهر وية جهالنه اليل كله والله عيوني ذبلت وتحركني من السهر
وانوب الرجال يطلعلنه صفح يريد حقوقة ابو حلك وفوك هالضيم كلة تريدنه من ساعة 6 نكعد وياويلنه اذا اخذتنه نومه شهالعيشة هاي
ايلاف** بقيت ساكته واسمع شكايتهن بس صدك خطية مرت جاسم 5 نفرات بغرفة وحدة .....
فہ سألتهم زين ليش متعزلون او تطلعون بيوت لوحدكم......ضحكن عليه من هيج حجيت..
أنت تقرأ
جبروت امراة
Чиклит((المرأة لم تخلق ضعيفة بل هي اقوى مما تعتقدون بداخلها انتفاضة ان قامت غيرت معالم هذا الكون ? فأحسنوا معاملتها و واجب ?عليكم احترامها ...فهي من تجعل حياتكم خضراء ?☘?بعد ما يكسوها الرمال? .. و تنشئكم رجال? بعدما كنتم اطفال?...الكاتبة رانية ماهر))
