#جبروت امراة
البارت الحادي عشر⚘⚘⚘ بقلم رانية ماهر
بنفس الفترة تقريبا اجو شراية ع بيت اهل عقيل ودفعوا سعر جيد بس حصة عقيل واخوته خواته تفاليس
لان همه هواي والبيت مو جبير فقبل لا نسلم البيت عقيل باع محلة وكلي راح نشيل لغير محافضة
ايلاف** 😱 شنووو شلون وين نروح ؟
عقيل** الفلوس متكفي اشتري بيت هنا خو مو نكضيهة ايجارات وكسران ضهر وهاي اغلب اخوتي اطشروا و راحو اماكن بعيدة علمود يخلصون من الايجارات
متشوفين بعت المحل اچمل فلوس المحل على فلوس البيت واروح للمحافضة(___)
عندي هناك عرف
وشافولي بيت صغير وترة هي مو بعيدة عنة ترة حسبة ساعة وحدة منا لهناك و شوي ارخص هناك العقارات
ايلاف** اتعودنه هنا هذا مكانة ومنطقتنه شلون نشيل ونتأقلم هناك منعرف احد
عقيل** المرة تتبع زوجهة واذا جان هنا او هناك شيفرق عندج يابوية لاطالعه لاحد ولا يعرفج احد
ايلاف** مو شرط طبه وطلعه بس ما اعرف احسهة صعبة
عقيل** لا مو صعبة يتراوالج ......
آلوفة حبيبتي اريد الذهب ابيعه واچمل هالفلوس العندي واشتري بيهن هالبيت الي شفته وان شالله اعوضج بمكانهن
ايلاف** الذهب😨 ليش هالفلوس متكفي العندك
عقيل** ادري يا بنت الحلال لو تكفي ليش اخذ منج يابوية غير اريد بيت مستقل الج ولجهالج نستقر بي
خو مو اكعدكم ايجار متشوفيني راح اترك منطقتي كله لخاطر عيونج انتي وجهالج فہ انتي همين لازم تساعديني وتعينيني وتقدرين وضعي يابنت الناس
ايلاف** طيب وخواتي شلون اتواصل وياهن ☹
عقيل** حبيبتي يكولون نازل تلفون متنقل مو مثل الارضي بلكي اشتري منه واتصلي عليهن شوكت ميعجبج
ايلاف ** طيب اشتريلي واحد اني همين عفية
عقيل** اي اشتريلج ليش لا بس هسة فلوس معوز والله ماعندي وعد مني بس اشتري بيت واتمكن اجيبلج
ايلاف** سكتت وكلتله ميخالف صار لان جان بخاطري بيت مستقل البس ع راحتي واشتغل ع راحتي من غير اطفالي كبرو ويحتاجون مكان غير غرفتنه المتكدسين بيهة
بس كلبي انقبض لان راح اترك اهلي تالي كلت هو اني وين شايفتهم همة يمي وكل سنتين 3 يلة اشوفهم بلكي من نشيل تتغير عتبة الباب ونشوف خير.......
راح عقيل وباع الذهب وچمل الفلوس واشترة بيت صغير بنائة طابق واحد... على كد فلوسنه
اما انصاف واختهة الاصغر منهة اشتركو وية حماية ابو اية لأن هنه يحبنه واشترو بيت وكعدو بي
أنت تقرأ
جبروت امراة
ChickLit((المرأة لم تخلق ضعيفة بل هي اقوى مما تعتقدون بداخلها انتفاضة ان قامت غيرت معالم هذا الكون ? فأحسنوا معاملتها و واجب ?عليكم احترامها ...فهي من تجعل حياتكم خضراء ?☘?بعد ما يكسوها الرمال? .. و تنشئكم رجال? بعدما كنتم اطفال?...الكاتبة رانية ماهر))
