#جبروت امراة
البارت الخامس عشر والاخير⚘⚘⚘ بقلم رانية ماهر
(((( الحادثة الي اتعرضلهة عقيل حقيقية 100% )))))
دخلت البيت وسلمت على زوجته اسمهة ورود
اشو سلمت علية وحلو سلامهة وتلكتني وتسولف وياية..
استغربت كلت الله يهديهة بلكي تطلع زينه وسالتني وين تحبين تنامين
ايلاف** حبيبتي بأي مكان عادي حتى لو بالمطبخ
ورود ** يا ليش هيج تهينيني مطبخ شنو .. تحبين تنامين بالهول لو وية الجهال
ايلاف** بكيفج حبيبة وين يعجبج... يمكن وية الجهال احسن اخاف يجوكم خطار
ورود ** وين اكو خطار من الصبح يمعودة وبعدين حتى لو يجي خطار ..البيت صغير وهذه حالتنه نستنكف منهة قابل ...
حبيبتي اذا الجهال يضوجوج اطلعي بالهول نامي.... البيت بيتج اعرف ولدي مخابيل
ايلاف** الله يحفظهم حبي ... خجلتني بأخلاقهة الحلوة لاني حكمت عليهة بدون مااتعرف عليهة كلش احتقرت نفسي....
رحت نمت بغرفة الجهال واني افكر شلون ارجع لشغلي...ثاني يوم اتصلت على ابن عمتي وحجيت وياه عن الشغل
كلي مسافة الطريق صارت ابعد هواي بهالحالة متصرف الشغلة بس كلي اشوف بلكي عندي عرف يمكم هناك بس يحتاج وقت
... بقيت حايرة وافكر شلون ربي اريد بس ابني هالكاع ولو غرفة والم جهالي بيهة .... بقيت كم يوم بدون شغل ردت انجلط التفكير موتني
ورود** اكلج ايلاف تعرفين تحفين 😁
ايلاف** اعرف الزم خيط بس مو مضبوطه بالحفافة
ورود** دتعالي حبابة اتعلمي بوجهي لان اخوج مفلس وصار وجهي خرايط
ايلاف** يا وج ما اعرف موضبوطة خاف أذيج
ورود** يمعودة دتعالي يلة اشتغلي حتى اذا تصيرين مضبوط اجيبلج بنات هنا تحفيلهن
ايلاف** ها صدك الله عليج
ورود ** اي والله شبيج الحفافة تاخذ 7 الالف ع الوجه واغلبنه حالتنه كحيانه😁 انتي اخذي اقل منهن واشتغلي
ايلاف** يلة ياريت فدوة لعينج
صدك اتعلمت بوجهة بس الحاجب ما اعرف اسوي موديل بس انضفة ....
مرت اسابيع واني ما اشتغل حسيت حلمي ديتحطم شوي شوي مين ادبر فلوس ربي وابني هالتجاوز
مرت اخوية ورود جانت كد كلمتهة خطية كايلة للجوارين حماتي تنضف الوجه واجن عليه نسوان وبنات
كمت اشتغل بسعر قليل وانشر حجاية وياهن عن شغلي القديم وانطيهن نموذج من الاكل الاسوي ويشوفنه طيب ويعجبهن
أنت تقرأ
جبروت امراة
Chick-Lit((المرأة لم تخلق ضعيفة بل هي اقوى مما تعتقدون بداخلها انتفاضة ان قامت غيرت معالم هذا الكون ? فأحسنوا معاملتها و واجب ?عليكم احترامها ...فهي من تجعل حياتكم خضراء ?☘?بعد ما يكسوها الرمال? .. و تنشئكم رجال? بعدما كنتم اطفال?...الكاتبة رانية ماهر))
