قصة عن فتاة يتيمة معذبة من يوم ولادتها لحد اخر يوم بحياتهه انحرمت من اقل حقوقهه وعاشت مضلومة طول عمرهه
طبعا القصة واقعية وحقيقية راح اغير بألاسماء واتمنى تعجبكم ان شاء الله وبطلتنة اسمهه( سما ) ❤
بداية القصة
ام سما انسانة متواضعه ومتدينة وخلوقة الكل تحبهه وتحلف بأخلاقهه اسمهه نجاة تزوجت بعمر عشرين سنة وطبعا زوجهه يصير صديق اخوهه وصارت القسمه زوجهه اسمه كامل انسان متدين ويخاف ربة بس جان كلش عصبي وهو جان ضد هواي عادات وتقاليد مثلا اهل البيت عليهم السلام مجان يأيد فكرة انو شخص بنذر الهم ومن جانو جوارينة يوزعون ويكولولة بأسم اهل البيت ميستقبل اكلهم لهل سبب اعتقدو انو هو وهابي وضلت الناس تبتعد عنه بس هو مجان وهابي بس جان عندة ايمان بألله كلش قوي بحيث اعتبر انو طلب شي من غير الله حرام وجان انسان بسيط علة گد حالة ماعندة مشاكل يشتغل يبيع لبلبي وعايش صار عندة خمس بنات سما وزهرة وزمن وعلا وغسق وجانو عايشين رغم حياتهم متخلة من المشاكل بسبب تعصب والد سما الديني وجان مانع الطلعة والطبه وعصبي كلش
لحد ما صار الوضع مو زين وانتشرت شائعة انو ابو سما وهابي وبيوم من الايام وصل خبر وهو ابو سما انقتل ومات وهنا اتغيرت حياتهم تدريجيا وتبتدي المعاناة الحقيقية لسما واخواتهه وطبعا صاحبة اكبر حصة من العذاب بطلتنة سما 😢
وام سما اخذت بناتهه ورة فاتحت والدهن وسكنت بيت اهلهه لان مرة وخمس بنات والناس مترحم وكلهن صغار وحلوات بقت فترة بيت اهلهه بس متحملت العيشة يمهم رغم جانو مدللينهن بس ام سما انسانة حساسة وتقبل تعيش عالة علة احد لهل سبب رجعت البيتهه هية وبناتهه واهلهه تكفلو بيهه هية وبناتهه رغم جان بيتهم بسيط بس احسن من العيشة وية اهلهه واخوال سما تكفلو بيهه لحتى متحتاج شي والحمد لله جانت عيشتهه ميسورة وبسيطة
سما.....بنية حلوة بشكل عيونهه كبار مثل عيون الغزالة وبيضة وطويلة وجسمهه يخبل وخشمهه حلو وما ابالغ اذا كلت تمتلك اجمل ابتسامة وشعرهه طويل يعني ميختلف علة جمالهه اثنين طبعا اتوفى ابوهه وهية بعمر عشر سنوات هية مواليد ١٩٩٥ وزهرة حلوة هم عمرهه ١٩٩٧ وزمن ١٩٩٩ وعلا ٢٠٠٣ وغسق ٢٠٠٤ وطبعا كلهن حلوات بس احلة وحدة بيهن سما اااااخ يا سما معذبة من هية بعمر ٥ سنوات عاشت طفولة جدا صعبة جانت تشوف بنات خالهه وخالاتهه شلون مدللات وهية تتحسر ع اللبس والطلعة وجانن خالاتهه يشترلهه ملابس والعاب حتة متحس بنقص بس هم جانت تنقهر وبعدهه من صار عمرهه عشر سنوات انحرمت من ابوهه وفجأة لازم تكبر وتنسة طفولتهه وتبدي معاناتهه الحقيقية 😖
لهنا ينتهي البارت الاول اتمنا يعجبكم
أنت تقرأ
معاناتي لا تنتهي💔
ChickLitفتاة يتيمة تجبر على الزواج من ابن عمها لتكول ضحية العادات والتقاليد التي تؤدي بها الى الهاوية 💔😔
