معاناتي لا تنتهي💔

البارت الثالث

وبعد مرور ٣ اشهر علة خطوبة سما اجت ام عامر (زوجت عمهه) وعمهه وعامر حتة يحددون موعد الزواج
ام عامر ..يمة فدوة لجنتي تخبل هنيالي عليهه طبعا كله تمثيل بس بداخلهه تكول عساهه بختك ابو عامر جبتلي ه‍اي الحية تصير جنتي واني اكرهه واكره امهه بس بسيطة الة اراويج نجوم الضهر😎
سما .... تسلمين عمة فدوة لگلبج وبداخلهه فرحانة وتعتقد انو عمتهه تحبهه
عامر ..يباوع علة سما ويبتسم
ابو عامر ..ام سما لازم نزوجهم هسة كملنة كلشي ومابقة غير العرس
ام سما ... وبداخلهه نار مشتعلة وتدعي ربهه يساعد سما ويفرح گلبهه ...خوية بكيفك البنية بنتك وشوكت متريد گبع واخذ 😣
ابو عامر ... متفقين خوية لعد العرس بعد عشر ايام
ام سما .... ان شاء الله
ترخصو وطلعو وسما الفرحة مسايعتهه لان راح تصير عروس وتتخيل حياتهه راح تصير جنة بس اووف 😢
وبدت التجهيزات وصادف العرس بتاريخ 2008/12/21 
راحت سما للصالون ومكياج وتسريحة طلعت تجنن بحيث اليشوفهه يبقة صافن علة جمالهه ولبست بدلة بالحنة ليمونية وجان موديل جديد ومحد لابسة هيج لون وهية بيضة طلعت تخبل
اجت البيتهم والكل مبهور بجمالهه وبدة الركص والفرحة مسايعتهه وخالاتهه يرگصن ويبينن انو هة فرحانات بس بداخلهن حزن وقهر وخوف علة سما وامهه الدمعه مفاركتهه كل شوية تبجي واجو اهل عامر وركصو وهو جان فرحان بسما لان حلوة وهية ضحكتهه مفاركت وجهه واوووف مو ضحكة تاخذ الگلب كلهه رقة وبرائة
اخواتهه جانن صغار ميفهمن شي وضلن يركصن ومتونسات وثاني يوم هو يوم العرس وبنفس الوقت بداية للعذاب والجحيم
راحت سما للصالون ومكياج وتسريحة وبدلة بيضة وكالعادة طلعت تخبل جان عامر كاعد يمهه بس ملايكلهه هو شاب عادي ميتعيب طويل بس ضعيف وعيونة صغار وصاحب اذانات😂 المهم يعني بالنسبة السما فرق السمة عن الگاع بس بعد نصيب زفوهم وجانت سيارة الزفة قديمة ابد مو مال عروس وراحو لبيت عمهه وبقن النسوان يركصن ويهلهلن وهالسوالف هاي😑💃
زفو العرسان لغرفتهم ووووو .....
رجعت ام سما وبناتهه لبيتهم ورة مزفوهم وهية بس تبجي مسكتت ولا لحظة وميتة خوف علة بتهه
وسما بعدهي بعالم الرومانسية والحب  واحلامهه الوردية الي عبالهه تصير حقيقة 😭
ثاني يوم الصبح اجت امهه وبوست بتهه
ام سما ..ها بنيتي بشري
سما ...بخجل كلشي تمام ماما
ام سما ... الف مبروك بنتي شايفة الخير يا رب تتهنين
سما باست امهه وبجت علة فراكهه
اجة عامر سلم علة ام سما وضلو يسولفون
ام سما... عامر وليدي ماوصيك بسما ترة مالهه غيرك دايرهه فدوة العمرك بت عمك يتيمه
عامر ... صدك جذب عمة بعيوني سما 😎
ام سما ... سالمة عيونك 😑
ام عامر .... اهووو عاد بدت بسوالفهه وراح تقرالنة اليتيمة بگلبهه هالحجي طبعا
ام سما ... يلة يمة اني رايحة ديري بالج علة نفسج وعلة بيت عمج اعتبريهم اهلج
سما ... اي ماما😣

ومشة اليوم طبيعي
ثاني يوم من الصبح
ام عامر ... الخاتون بعدهه نايمة صارت الساعة  ب ٨ خل اروح اكعدهه ....سمااااا سمااااا كومي شنو هالنوم هذة
سما ... اووف هاي شكو من الصبح
عامر ..يلة كومي مو امي تصيحج
سما ... اي صار گايمة
سما بدلت وغسلت وراحت لعمتهه ها عمة گولي
ام عامر ... عمة العماج مو صارلي ساعة اصيح عليج شكو الهسة نايمة
سما ...عمة مو هاي اجيتج وبعدين ترة بعدهي ب ٨
ام عامر  .... شوفي ولج اني ماعندي جنة تنام ل ٨ من الصبح تكملين كل شغلج وانتي ساكتة افتهمتي
سما ... هااا اي صار
ام عامر ..طبعا عليمن طلعين علة امج مسعده وكاعدة امداج انتي وامج
سما ... هسة امي شعليهه شكو تغلطين عليهه من الصبح
ام عامر .... انوب لسانج طويل الصلفة الحقيرة وضلت تغلط عليهه وعلة امهه
سما ... تبجي 😥عمة ماسمحلج تجيبين سيرة امي
ام عامر ؟.تلاسنين انوب شو تعاي وجرتهه من شعرهه ودگ كتل
وسما ..تبجي وتصرخ
عامر ...خير شكو شصاير من الصبح
ام عامر ... تعال شوف مرتك لسانهه شطولة الحقيرة تغلط علية شلون كعدتهه
سما .. عامر والله جذب هية غلطت علة امي
عامر ... ضرب سما احترمي نفسج لج امي مو جذابة
وكتلو سما وهية بس تبجي واشكال والوان الغلط عليهه

واستمرت سما علة هالحالة اربع اشهر وكلة ضرب وكتل جانت حتة ممنوع تروح لاهلهه وشافت انواع العذاب منهم لان يتيمة وما الهه ضهر يحميهه😣😣

يتبع.......... .

لهنا ينتهي هذة البارت حبايبي واتمنة يعجبكم لتنسون تنطوني رأيكم بالتعليقات حتة اكمل باقي القصة 😘

للكاتبة مشاعر مبعثرة  (nadoo)