معاناتي لا تنتهي💔

البارت الثاني

ام سما ...يلة بنات اكعدو للدوام كافي نوم يلة سما كومي
سما ...اي ماما كايمة بس شوية
ام سما... يلة ماكو شوية يلة وديري بالج علة نفسج وعلة اخواتج ومن شخص يحجي وياج لتحجين حبيبتي
سما ... اي ماما صار يلة اروح ابدل
وراحت سما للدوام كالعادة وجانت متفوقة ومن الاوائل بالمدرسة
ها وسما عدهه اثنين اعمام وست عمات بس سبحان الله محد بيهم زين عمهه الچبير اسمة صالح انسان ميخاف ربة ويتحكم بكلشي ويشرب وكلشي مو زين بي وزوجتة اسمهه حليمة بس انسانة حقيرة وشايفة نفسهه وتكره ام سما وبناتهه وعدهة سبع ولد واثنين بنات وكلهم نفس ابوهم وامهم يعني بالمختصر مابيهم واحد زين
وعمهه الثاني اسمة فالح طبعا ماعنده كل شخصية انسان امرة بيد زوجته جميلة وعندة بنية وحدة اسمهه غصون

وبيوم من الايام اجة صالح علة اساس يسأل علة بنات اخو بأعتبارة هو متكفلهم كعد وسلم علة البنات وشاف سما
صالح ..ام سما بنتج كبرت وحليانة شلون تخليهه تداوم
ام سما ... خوية علة بختك هاي دراستهه قابل ابطلهه
صالح ...بس البنية كبرت واني رايدهه لابني عامر وميصير اخلي بت اخوي هيج
ام سما .. خوية بس البنية بعدهه صغيرة مو مال زواج
صالح .. اني كلت العندي وسما لعامر وانتهه النقاش وبعدين اني ولي امرهه وبمثابت ابوهه واني متكفل بيهه ومحد يكدر يمنعني من انو ازوج بت اخوي لابني وحتة كدام العشيرة اني كافلهن ومحد يتدخل
ام سما .. بس.... 😣

صالح ...لا بس ولا شي خلص انتهه النقاش والجمعه نعقدلهم اترخص اني
ام سما ..الله وياك 😖

بعد ما راح ابو عامر ضلت ام سما تفكر ومحتارة وخايفة لان تعرف الي راح يصير وتعرف همة ناس ميخافون من الله وراح تتعذب بس شتسوي مابيدهه شي مرة وعدهه خمس بنات وماعدهه ولد اكيد كلهه راح توكف ضدهه

اجت سما ...ها ماما شبيج ضايجة
ام سما ... بنتي عمج خطبج لابنة عامر وماعرف شراح اسوي
سما ... بداخلهه فرحت لان جانت طفلة تفكر بس بالبدلة والعرس ومجانت تعرف شمنتضرهه
ماما وشبيج هيج ضايجة هو ابن عمي واحسن من الغريب وعامر ميتعيب

ام سما ولج ماما انتي متعرفين شنو همة ناس ميخافون ربهم مراح ترتاحين
سما ... لا ماما لتكولين هيج همة خوش ناس
ام سما ... اووفيمة شكلج مراح تفهمين😢
يوم عن يوم ام سما تخاف لا تصير صدك ويخطبوهه اما سما جانت فرحانة وتنتضر تنخطب بفارغ الصبر❤

وام سما بلغت اهلهه وطبعا محد اعترض لان عمهه وهو اولة بيهه بس اخوات ام سما تخبلن لان يعرفن شنو همة وحاولن يقنعن سما بس ماكو فايدة قفلت وتريد ابن عمهه 😣

واجة يوم الخطوبة وراحت سما للصالون لبست فستان ذهبي ومكياج وعدلت حواجبهه طبعا رغم هية صغيرة وعمرهه ١٢ سنة بس جمالهه بارز ومكياج ولبس طلعت تجنن

وعقدو لسما وعامر وصارت زوجته وبهاي اليوم جانت طايرة من الفرح لان عقل جهل متعرف شنو راح يصير وخلصت الخطوبة وخالتهه وامهه شبعن قهر من الي جاي يصير بس مابيدهن ڜي

ودامت فترة خطوبتهم ٣ اشهر وجان قليل يجي الهم لان همة بنات وحدهن وماكو رجال بالبيت ومكضيهه ع المخابرات وسما تعلقت بعامر وحبته لان هو اول واحد بحياتهه وجانت راسمة احلام وردية وية الانسان الي حبته بس اوووف من الي راح يصير😣

لهنا ينتهي هذة البارت وراح اكمل قصة المعاناة وية سما 😘