معاناتي لا تنتهي💔

البارت السادس

البارت السادس😊

طلعت سما من المستشفى وبيدهه ملاكهه طبعا اسم ابنهه علي وجان كلش حلو يشبه امة اكثر شي وسما الفرحة مسايعتهه واعتبرت بجية علوش ع الدنية راح تتغير حياتهه للاحسن وفعلا تغيرت حياتهه بس مو للأحسن للاسواء 💔
بقت سما فترة يم اهلهه بين متكوم ع حيلهه وتكدر تعتني بزوجهه وابنهه وبيتهه الجديد اكيد يرادلة ڜغل المهم انتقلت سما لبيتهه وبدت تحضر وتعدل بالبيت وتعتني بأبنهه واجتهه عمتهه حتة تشوف ابن عامر طبعا من اول مدخلت لحد مطلعت بس تحجي ع سما وتغلط اخر شي كالتلهه هذة حفيدنة شوكت منريد نجي ناخذة ويبقة يمنة وتنوب نرجعه الج سما وافقت لان تخاف خاف ياخذونة منهه بالقوة اذا عاندت وعامر يشتغل يوم ويوم لا اعمال حرة وصل يشرب ويسكر ومن يشرب يجي لسما يظربهه ويغلط عليهه وهية تخاف تحجي ومحد عرف انو زوجهه يشرب وبهالفترة اختهه زهرة اجوهه ناس حتة يخطبونهه طبعا عمهه بالبداية مقبل كال بنات اخوي اني اخذهن ميرحن للغريب بس زهرة حاجت عمهه كالتله اني ماتزوج من ولدك كألهه يعني موافقة ع الي اجو عليج كالتلة اي موافقه طبعا هالقرار جان من امهه وخالاتهه هنة كاللهه هيج تحجي وافق عمهه ع الناس وجان الولد وحيد اهلة بس هو لامه وعندة اثنين اخوات يعني قسمه زينة رغم ع كد حالهم بس احسن من بيت عمهه وصارت الخطوبة وراحو اهل سما واهل الولد بيت عم البنات حتة يخطبوهه منة وراحن البنات هم وهناك ابنهم رائد شاف اخت سما زمن لأول مرة يشوفهه كبرانة ومحلوة وجان عمرهه ١٢ سنة خلاهه بالة وكال زمن متصير غير الية المهم انخطبت زهرة ووراهه بفترة قصيرة تزوجت وعاشت مرتاحة بحياتهه افضل من سما اما سما بيوم من الايام اجة عمهه لبيتهه وكعد يسولف وياهه هية وعامر...
ابو عامر ...عامر حظر روحك انتة وسما ترجعون وياي لبيتنة
عامر ...ليش يابة مو كلت متريد ارجع بعد
ابو عامر... لا هسة اريدك ترجع انتة ومرتك لان اشتريت بيت جديد اكبر من بيتنة واريد بت اخوي وعلوش يمي يربة
عامر ...صار بوية تدلل بس نحظر اغراضنة واعتبر راجعين للبيت يمكم
ابو عامر ... اي بوية وانتي سما عندج اعتراض على رجعتج
سما.... بداخلهه جاي تموت من الخوف ومتكدر تكول لا والدمعة بطرف عينهه بس كالتلة لا عمي ماعندي اعتراض شوكت متريد ارجع 😢طبعا تحجي هالحجي غصب عنهه مجبورة مابيدهه شي

طلع عمهه واجاهه عامر اي سما عود حظري نفسج نرجع لأهلي
سما ...عامر ليش محاجيت ابوك اني ماريد ارجع
عامر ...وشنو اخذ رأيج اني غصب عنج ترجعين مو بكيفج افتهمتي لو لا صار بينهم نقاش وهو تعارك وياهه وضل يسب بأبوهه وامهه وهية تدافع عنهم كتلهه لحد لما انتهت بيدة 💔

رجعت سما لبيت عمهه وبقت فترة وانوب طلعت حامل وبرجعتهه جانت اكو غاية منهه انو بيت عمهه يردونهه تحاجي اختهه حتة توافق ع رائد ويضغطون عليهه وضلو نفس المعاملة وياهه معبالك بڜر المهم جابت سما وهم طلع ولد سمته حسن وزادت المشاكل وعرفو نقطة ضعف يما اطفالهه ضلو يهددونهه بيهم يعني من تروح زعلانة ومتقبل ترجع ياخذون اطفالهه منهه حتة غصب عنهه ترجع لان ماكو ام تكدر تبتعد عن اطفالهه وخاصة سما جانت حيل متعلقة بيهم وبعلوش اكثر شي وبيوم من الايام عم سما راح لامهه حتة يخطب زمن الأبنة رائد طبعا سما كالتلهه يريدون زمن وامهه علمت بتهه من يسألج عمج كليلة اني ماريد اتزوج طبعا زمن تختلف عن اخواتهه جانت حركة ولسان حلو تكدر تكسب المقابيلهه وتخلي الكل يحبهه على عكس سما جانت عصبية بس جبانة ومتسكت ع الحق اما زهرة جانت هادئة كلش وبيوم عرس زهرة عمهه هم حاجه زمن ع ابنة بس موافقت فأجاهم للبيت وكعد وية زمن كالهه اريد احجي وياج وماعرف شنو وهم رفضت وهو كالهه اني ماجبرج الة انتي توافقين ...
رجع لبيته وسولف لمرتة ولرائد انو زمن رفضت الزواج طبعا تخبلو وما بقة عدهم حل غير سما الي تخليهه توافق💔😢

لهنا ينتهي البارت السادس واسفة اذا طولت بس مبقة شي واكمل لتنسون التعليقات وتوقعاتكم زمن تتزوج رائد لو لا وشنو راح يصير😘