طريقي الى الرشاقه

حياتي البائسه مع الدايت 😥

مرحبا 😊
اليوم حبيت احجي تجاربي مع الدايت 😔
طبعا اني قزومه طولي 145 وطبيعه جسمي سهل اذا بحاله اضعف لو اسمن
فقبل تقريبا سنتين ونص اني وزني بهذيج الفتره كان 68 😱 واكل بخبال يعني كان بالامكان يزيد الوزن فااني كنت بفتره بعد اشهر اتخرج وحفلات وكذا فحبيت اضعف نفسي
فشسويت حلفت شهرين مااكل لاتمن ولاخبز 😂😂😂 لاتتعجبوني اي حلفت لان ماعندي اراده جان فهذا الحل الوحيد الجان كدامي
فصدك بعد قطعت التمن والخبز بس اكل كلشي عادي جدا عادي يعني حته ماتذيت
واني من النوع البليده يعني ماكو حركه فكمت من اروح للداوم دائما اضل امشي بس ماكو رياضه فقط مشي
وره الشهرين نزل وزني للخمسينات مااذكر بالضبط جكد فرحت جكد ولبست ملابس حلوه اتغيرت نفسيتي
رجعت ع اكلي بخبال وحركه ماكو رجع وزني نفس ماكان وخلصت دراسه يعني بلبيت بس اكل ونوم
😭😭😭
المهم برمضان كلت اريد اضعف خبال بعد المهم سمعت بريجيم الماء هو ريجيم مدته 5 ايام ينزل وزن 5 كيلوات 😌 فصدك سويته ونزلت 5 كيلوات
يومين اكلت طبيعي رجع وزني نفسه 😂😂
خرب بالحظ خرب واهسي بعد

وره فتره كلت لازم اسوي ريجيم بعد
بالفيس اكو كروب ينطون نضام غذائي نمشي عليه حرفيا ورياضه وخطوات مشي ومي لازم نشرب هواي
فتبعت وياهم ومااحجيلكم ع رياضه تعب وانوب المي كلساع لازم اروح للحمام 😂😂 المهم استمريت شهرين جان وزني 64 خلال شهرين نزل 55 فرحت كلش
طبعا مااحجيلكم رزايل من اهلي لان اكل كلش قليل من ضعفت وجهي اكثر شي ضعف وكلهم يكولون محلوه صرتي محلوه محلوه جزعت من هلكلمه

سويت رجعت اكل بخبال اكل موطبيعي لارياضه لامشي مي قليل اشرب
المهم هسه وزني زاد صار 61
انقهرت هسه اريد انزل وزني
فااني قريت هواي ع انواع الدايت
فااني راح اسوي نضام خاص بيه ورياضه لازم اعلم نفسي ع الاكل الصحي وماحرم نفسي من الاكل اريد جسمي يصير مثالي
امنيتي اوصل وزن 50
وراح اوصل اكيد اني شجاعه واكدر احقق الي اريده
😍😍😍