لا تبحث ؏ـن الحب هـو يأتـي متـى مـا أراد

الجـزء السابـ؏

"لا نبحث عن الحب هو ياتي متى ما ارد"

مرام: خلاص قدنا متضايقه ب البيت تصوري ما اعرف اخرج ولا حتى الدرج
صمتي جرحني: ليش وزوجك ليش ما يخرجك
مرام: هذا ما فيش منه فايده غير الصيح
صمتي جرحني: ههههههه حاولي تغيري أسلوبك معه يمكن ينفع
مرام: هو بيجي الان بروح اجهز الغداء اكلمك مره ثانيه
صمتي جرحني: الله معك في امان الله
.....
جهزت مرام الغداء ودخل اياد
مرام تشتي تروح
اياد: انتي من الجن او الإنس
مرام: مالك ايش هذا السوال
اياد: ليش تأكلي ل حالك جربي اجلسي معي
مرام جلست
اياد: بكره سبت يعني عطله
مرام: وايش أستفيد يزعم بتخرجني
اياد: ليش تشتي تخرجي
مرام: وايش رايك اكيد اخرج حتى أتنفس شوي
اياد: اسمعي جيتي بوقت انا رايق فيه يعني ممكن اخرجك بكره
مرام مش مصدقه: نشوف
اياد كان يشوف اليها طول الوقت
مرام في نفسها: ماله بيشوف هكذا مدري ايش بيفكر اعلم الله ايش في راسه
.....
ابو مرام: حلووو هذا خبر حلو ونزوجك ليش لا
حسام: ايوه قد هو وقتي
ام مرام: ههههههه مستعجل
حسام: ايوه بسرعه
ابو مرام: طيب بكره نروح ونخطب
حسام: خطبه وعرس بسرعه
ابو مرام: اذا قدك مجهز فلوس العرس ع طول
حسام: ما اتكلم الا وانا عارف ايش اقول
ابو مرام: ههههههه ع بركه الله
ديانه: حلووو وسوي عرس مثل مش زواجه مرام
ابو مرام:.....
حسام: اكيد بسوي عرس واعزمها
ام مرام: يمكن زوجها ما يخليها
حسام: وليش هذا عرس اخوها الوحيد
ابو مرام قام
ديانه: ماله ابي
ام مرام: تعبان شويه
......
اليوم الثاني
المساء
اياد: عادك تشتي نخرج
مرام قامت: اجهز لك العشاء ونخرج
اياد: بنتعشي خارج البسي البالطو والحجاب وتعالي بسرعه
مرام: الان
راحت مرام لبست وهي مبسوطه
وخرجت مع اياد
ساعتين وهي تشوف وتتفرج ما خلي اياد اي مكان ما عرفها عليه وكل شي غريب في برلين
كانت مبسوطه
اياد: الان بنروح نتعشي
مرام: ما شتيش
اياد: ليش
مرام: شابعه فرح
اياد: هههههه طيب تعالي نتعشي وبطلي فلسفه
مرام ابتسمت بدون ما يشوفها اياد
اياد دخل مع مرام المطعم وجلس بيتعشي معها
مرام: اياد هذا الاكل يشبه أكلنا
اياد: هههه اكيد لانه فيه شغالين يمنيين
مرام: من صدق
اياد: ايوه
مرام: حلوووو

بعد اربع ساعات وهم خارج
اياد: شكلك قدك تاعبه هي نروح
مرام: ايوه
اياد: انا ب اوقف السياره هنا ونمشي مشي احسن
مرام: طيب
نزلت مرام مع اياد
وبنصف الطريق نزل المطر
مرام: الله اجمل يوم
اياد: ليش تحبي المطر
مرام: اجمل شي المطر
مرام تشوف الى السماء وقطرات المطر تسقط ع وجهه واياد يشوف اليها
اياد: مستمتعه
مرام: زياااااااااده
اياد ابتسم
وصلو البيت
اياد: كلي ماء يووووه والبرد
مرام: ههههه حتى انا
.....
كانو يوم جميل جدا بنسبه لهم اول يوم يكونو مستمتعين وهم مع بعض....
مرام فتحت الفيس
صمتي جرحني: الوووو وينك اليوم
مرام: هلا
صمتي جرحني: وينك اليوم مغلقه
مرام: خرجت مع زوجي
صمتي جرحني:😳😳صدق مش قلتي انه ما يرضي يخرجك
مرام: مدري ماله بدا يتغير الله يهديه
صمتي جرحني: حلوو الله يهديه ان شاء الله
مرام: عن اذنك تعبانه بروح انام
صمتي جرحني: تلقي خير
....
اليوم الثاني
مرام: اياد
اياد: ايش
مرام: هذول جيرانا من فين
اياد يشوف اليها بقوه: ليش تسالي
مرام: انا اتكلم عن اللي شفتهم جنب شقتنا امس لما نزلت قبل وانا نزلت بعدك شفت واحده وتكلمت عربي وقالت انتي زوجه اياد وكذا وتبين طيبه
اياد: اهاا ايوه هم من الجزائر
مرام: حلو يعني عادي أكون اجلس معها
اياد يرفع حواجبه: لا مش عادي
مرام : ليش
اياد: هم اخذين عادات وتقاليد هنا يعني ممكن يدخل الشباب يجلسو معك كمان يعني لا وقلت لك ممنوع الخروج
مرام: عادي واذا خرج الشباب ما انت بتجلس مع بنات المفروض ما تتضايق
اياد يقرب منها بنظرات قويه : اول واخر مره اسمعك تتكلمي كذا ومن قال لك انه عادي ملون
وقام خرج
مرام غلقت بعد اياد كلها نصف ساعه وسمعت نفس صوت الدقه حق الباب
تروح عند الباب وتفتح بسرعه يمكن تعرف من وتشوف ضرف كبير اكبر من الاول عند الباب تشوف يمين يسار ما تشوف احد
اخذت الضرف ودخلت
شافت مكتوب انجليزي ومترجم عربي
"للاسف مازلتي غبيه.... اظن لو كان اي شخص في مكانك ل ترك البيت بعد هذا الضرف فورا .... واذا كنت تحملين ذره كرامه وكبرياء ... اتركي الحبيب ل حبيته وارحلي.... ب اختصار اطلبي الطلاق لان زوجك مولع بغيرك.... اتمنى لك مشاهده ممتعه"
مرام كانت متفجاءه شافت سيدي
دورت الكمبيوتر ما حصلته ب النهايه شافت دي في
ركبت لل تلفزيون وهي متحمسه تشوف ايش فيه
لكن اول ما تشغل وقفت مصدومه مش عارفه ايش تعمل ولا ايش تتكلم ولا ايش تعبر عن قبح المشهد اللي ب السيدي قفلت ع طول ما قدرت تكمل جلست مصدومه
راحت فتحت الفيس
مرام: الوووووووو
مرام: الووووو وينك محتاجه اكلمك حصل معي شي ضروري
مافيش رد من الشخص المطلوب صمتي جرحني
مرام خلاص الدنيا لافه بوجهه
منتظره اياد ع احر من الجمر لما يجي ع الغداء لكن ارسل لها رساله
" ما بجيش ع الغداء معزوم مع صاحبي "
مرام رجمت التلفون الى فوق السرير وهي معصبه
ومنتظره منتظره ع احر من الجمر
وكمان صديقتها المجهوله مش فاتحه تخرج اقل شي حرتها وتقول لها ايش تعمل
المساء
روح اياد واول ما دخل كانت مرام ب الصاله امام التلفزيون وبيدها ريموت الدي في وتحرك أرجلها وايديها
اياد: روحي جهزي العشاء
مرام : مش قبل ما تجي تشوف معي الفلم
اياد: مش وقت الأفلام هيااا
مرام: لا هذا غير هذا من بطوله اياد وصديقته ماريا
اياد انصدم شاف اليها وراح تفكيره الى الفديو اللي ضاع عليه في عيد الكرسميس
اياد يشوف اليها وهي شغلت من الريموت ومكنته
مرام: هاه خذ الريموت وارفع الصوت
اياد واقف بصدمه وهو يشوف نفسه مع ماريا في وضع صعب ومشهد سيى
مرام: وهذا فتشوب
اياد: ايام مراهقه
مرام: حرام
اياد: من وين جبتيه
مرام: اقسم ب لله بحياتي كلها ما احتقرت شخص مثل ما احتقرتك في هذا الفديو
اياد: ما تهميني وانا حر بحياتي وانتي ولاشي طيب انا ايش حر
اياد رجم الريموت ودخل غرفته غلق الباب ووقف مصدوم : كيف جاء الى يد مرام ومن اللي له مصلحه يخرب العلاقه بينا هذا اللي كنت خايف منه اتصل ب عمر اساله لا لا لا اكيد انه واحد من المقربين مني وانا لازم اعرف بنفسي من هو
مستحيل لازم اعرف ليش يحصل كذا ما مريت في موقف اصعب من هذا كل ما اتذكر ان مرام شافت الفديو احس ب اني اكره نفسي
ضرب يده ب الطاوله اللي امامه: اااااااااف
....

مرام ؛ ما توقعت كذا ابدا يعني معقوله خلاص يبيع مبادئه وأخلاقه عشان عايش بدوله غير اسلاميه هل كل اليمنيين كذا ب الدول الأجنبية لا اكيد لا بس هو زياده يمكن قد بطل صدق يحتك ب البنات حتى لو خلاص انا قد بين اشوفه ويجيني غثيان ما اقدر اكمل معه ابدا اخليه يروح له وانا ارجع اليمن لازم يطلقني وأغادر هذه المدينه ما اقدر اكمل بها
.....
...: اتمنى ان ارى شكل اياد ومرام بعد ماشهدت هذا الفديو لابد انها ستكره اليوم الذي ارتبطت به انا عملت ع قتل الثقه بينهم اعرف ان علاقتهم لم تكن جيده والان ستزداد سواء اياد كان متقبل وجود مرام حتى لو ابد غير ذالك وانا لا يمكن ان اصمت ع هذا عملت ل ٨ سنوات ان ابعد ماريا قدر الامكان عنه ل تاتي هذه وتأخذه مني انه ملكي انا فقط هو ل ساره ل ساره فقط
اذا كانت مرام فتاه ذكيه فستطلب الطلاق وهكذا لن يكون لدى اياد فتاه مقربه اكثر مني .....
.....
مرام: اتصوري كيف يووووه كيف قدنا احتقره
صمتي جرحني: لو انتي ذكيه اتركي موضوع وشكل اياد وفكري ليش وصل الفديو عندك من فعل هكذا وليش
مرام: ما اقدر من ماكان يكون انا قد بين اكرههه زياده اكثر من قبل
صمتي جرحني: انا ما اقول انه ما غلط يمكن غلط بس كمان اكيد انه قد تاب ولابد انه في وقت للفديو لانه اغلب الكميرات كذا شوفي متى الوقت اكيد انه مثل ما قال قديم وكمان فكري ليش بيرسلو لك كذا اكيد يشتوك تبتعدي عنه
مرام: ليش احنا قراب اصلا ... ايوه شفت الان التاريخ قبل ثلاث سنين
صمتي جرحني: قبل فتره طويله وأكيد لو كان اياد ما ترك هذا الطريق انه في فديوهات جديده ب أوقات جديده
مرام: صح كلامك بس رغم كل هذا لازم اطلب الطلاق من اياد
صمتي جرحني: طلاق وتعطيهم الفرصه هكذا اصلاً هذا اللي هم يشتوه رغد فكري تمام فكري قبل ما تاخذي اي قرار المهم مشغوله الان اكلمك بكره
مرام: طيب افكر الله معك
......
الصباح
جهزت مرام ل اياد الفطور
اياد يشوف اليها وهو ساكت
مرام: ب اقول لك شي
اياد: قولي
مرام: اشتي تطلقني
اياد يشوف اليها بحده: كيف
مرام: سمعت طلقني
اياد: ما اختلفنا ب الفكره انا ب اطلقك اطلقك بس لا تنسي اتفقنا اشوف البنت اللي احبها واطلقك
مرام: هذك قبل ما اشوف شكلك مع حبيتك ب...
قاطعها اياد: غلقي ع الموضوع
مرام: ما بغلقش
اياد: قلت لك فتره مرهقه وعدت
مرام: وبقي اثرها
اياد: ما بقيش شي البنت سافرت وانا تزوجت وخلاص وبعدين ليش حارقه أعصابك كذا لايكون مصدقه ان انا زوجك صدق انتي هنا مثل اختي يا عسل يا صاحبت العيون الزفته وبعدين هذا الموضوع ما عاد اشتي اسمعه ابدا وطلاق ما با اطلق لو تموتي
اياد قام وفتح الديفي وكسر السيدي امامها
وهو يشوف اليها
مرام: طلقني اشتي ارجع عند اهلي
اياد وهو عند الباب : قلت لك طلاق مش مطلق لا تحلمي فيه مراح اطلق الا بقانعه مني متى ما اريد تمام يا حلوه وبعدين لو اطلقك من بيتزوجك انت وهذا الشكل
خرج اياد ومرام ماقدرت تبلع الاكل
مرام: انتي وهذا الشكل انتي وهذه العيون نكد عيشتي حسبي الله عليك
تشوف تلفونها ب الواتس اتصال من ديانه
مرام تحاول تبعد القهر والبحه من صوتها وترد: اااحححممم الووو
ديانه: هلا مرام كيفك
مرام:الحمد لله وانتم
ديانه: تمام بس اتصلت خاص عشان اعزمك ع عرس حسام هههههه طبعا اكيد بتجي بدون عزومه
مرام: صدق حسام بيتزوج من؟؟
ديانه: وجدان
مرام: حلووو ياليت اقدر اجي اكلم اياد واشوف
ديانه: كيف تكلميه ضروري تجي لازم تجي اصلاً احنا م
منتظرينك هذا الخميس بعد اربعه ايام يعني
مرام: طيب اكلمه واشوف

....يــتبع 👇