لا تبحث ؏ـن الحب هـو يأتـي متـى مـا أراد

الجـزء الثانـي

"لا نبحث عن الحب هو ياتي من ما ارد"

الصباح يصحى اياد ويشوف نفسه ب الصاله فوق الكنب: اوووه من التعب نمت هنا اووووه ما ارتاحت بنومي احس نفسي مكسر
قام دخل المطبخ وشاف الأكل جاهز : هههه حلو كنت نسيت هذه انها موجوده كذا افضل احسن من اكل المطعم واحسن من اني اتعب نفسي واطبخ  وبعدين وين هي ما تجي تأكل معي احسن اصلاً بتسد نفسي 
اياد اكل وكمل وخرج ومثل كل مره قفل الباب من خارج ما يثق بها
مرام سمعته وخرجت : كلا يشوف الناس بعين طبعا مفكر كل الناس مثله
جلست وأكلت ورجعت شافت التلفزيون وشافت ان في شبكه ب البيت : يـ للا حلو اقل شي اتسلا شويه
....
ماريا: ولكن يا ساره لم أكن اتوقع ان يتزوج بهذه السرعه
ساره: ماريا مرات عديده اخبرك انه يعتبرك مجرد صديقه ولا يمكن ان يخوض معك قصه حب ليست من قلبه او من قانعه منه يجب عليك ان تنسيه واذا احببته حقاً كوني سعيده لانه سعيد
ماريا: انا احبه كثير وسعيده ل اجله ولكن قلبي لا يتقبل هذا الوضع
ساره: يجب ان يتقبل لان هذا الوقع وهذه هي الحقيقه
ماريا تلفت بوجهه
...
خالد : ما توقعت يروح ويتزوج بهذه السرعه والله انتو ي اليمنين مبسهله
عمر: هههههه ايوه شفت كيف وانتم مثلنا اقشط واربح وانت ليش ما تروح وتتزوج
خالد: ما اقدر تدري لازم اكمل دراستي مو مثل اياد كمل وارتاح باقي لي سنتين ودي اتزوج من هنا يمكن افضل من السعوديه
عمر: لا ههههه هنا مثل الرجل مافرق الا المكياج مافيش مثل العربيات الشرقيات نصيحه مني
خالد: وانت الصادق مثل بناتنا ما تحصل اقل شي تعرف بنت من  وكيف أخلاقها وتضمنها
عمر: الله يسهل الله كريم
خالد : والنعم ب لله
....
مرام وهي توتسب
سناء:☝️😕عروس وفتحه الانترنت من ثلاث ساعات وين زوجك
مرام: ههههه ما دخلك
مرام تشوف رساله من ديانه
ديانه: مرررررام كيفك اخبارك انتي مرتاحه امي وابي قلقين عليك انا بتصل وانتي ردي يريدو يكلموك
مرام: طيب
اتصلت ديانه وفتحت مرام
مرام: الوو
ديانه: وينك اشتقنا لك والله البيت بعدك ظلام
مرام: ههههههه الله يسعدك كيف ظلام وانتم فيه
ام مرام : مرام هذه مرام هاتي هاتي
ديانه: مرام.     باي.   امي اخذته من يدي
مرام:ههههههه
ام مرام: هلا هلا كيفك كيفك يا بنتي انتي بخير ايش اخبرك كيف زوجك معك
مرام: كل شي تمام الحمد لله كل شي تمام يمه
ام مرام: اكيد الحمد لله انك بخير
ابو مرام: هاتيها هاتي اكلمها
ام مرام : ابوك معك
مرام: هاتيه
ابو مرام: كيفك يا بنتي انتي بخير طمنيني عليك كل شي تمام واياد كيف هو معك ما بيضايقك
مرام: تطمن يبه كل شي تمام والحمد لله
ابو مرام: الحمد لله طمنتين والله النوم مش قادر يدخل عيوني
مرام:نام يبه وتطمن انا بفضل الله ورعايته وانا الان مشغوله شوي أكلمكم بعدين
ابو مرام: الله معك ويحفظك
قفلت مرام
ابو مرام: الحمد لله تطمنت ع بنتي
ام مرام: الله يسعدها
....
مرام قامت تجهز ل اياد  الغداء قبل ما يجي يطلع روحها

دخل شاف الاكل جاهز: شكلها  من الجن بتآكل ل حالها
بدا يـ اكل: طباخه أكلها حلووو
اياد: طيب ايش اسمها سمعته ب العقد ونسيته
اريام ابرار مرام ايوه مرام
اياد: ياااااااا هذه يا مررررااام
مرام سمعت وخافت بس هي كانت تصلي الظهر تاخرت مع الطبخ
وهو ينادي وهي ما ترد
عصب وقام من فوق الاكل وفتح الغرفه بقوه
اياد: لييييش ماتردي
وقف وشافها بتصلي هداء شوي : اذا كملتي تصلي تعالي
مرام كملت تصلي وهي قلقه ايش يشتي
خرجت وهو جالس ب الصاله: ايوه
اياد: اليوم اشتيك تجهزي عشاء تمام وكمان جهزي عصيرات وحلويات يعني كل شي موجود ب المطبخ تطبخي كيك وكذا وتجهزي نفسك عشان انا ب اعزم صاحبتي الليله عندي
مرام تشوف اليه بغرابه: صاحباتك
اياد: ايوه صاحبتي عندك مانع
مرام: تعزم صاحبتك
اياد: مالك تتخيبلي قلت لك ايوه
مرام: وع العشاء
اياد: ليش عندك مانع
مرام: واهلهن عادي عندهم
اياد: هبلا انتي مش مستوعبه وين انتي عايشه انتي هنا في برلين مش في صنعاء تمام
مرام تهز أكتافها: طيب صاحبتك صاحبتك
اياد: تعرفي تتكلمي انجليزي
مرام: شوي مش كثير يعني الكلمات العاديه ال البسيطة
اياد: حلو المهم انا اعرف بنات كثير بس ب اعزم المقربات مني ماريا هي إصلاها المانيه وكنت ادرس معها من اول سنه وساره دكتوره تخرجنا كمان سوا ساره مغربيه بس ولدت وتربت هنا اشتيك تعمليهن ب احترام شديد تمام
مرام: اول يحترمين انفسهن
اياد شاف اليها بحده ارتبكت
اياد: ايش قلتي
مرام: مش مهم تعرف
اياد: كانك تحتاجي تربيه من جديد بس انا مراح اقصر بس مش فاضي لك الان المهم مثل ما قلت لك  هن مقربات مني وقالين يشوفينك
مرام: كم تعرف بنات
اياد: كثير كثير في الشغل وزميلاتي في الدراسه كثير
مرام: واهلك عارفين
اياد: يووووه يمه خايف تكلميهم اقول بطلي هباله انا رجل مش طفل انتي افعلي اللي اقول لك بس وانقلعي من وجهي ي للا
مرام تشوف اليه وتلفونه يرن
مسك تلفونه وجاوب وهي راحت المطبخ
اياد: الحمد لله تمام وانتي وابي وندى وعمار كيف انتم
ام اياد: الحمد لله طيب يبني ليش تعمل هكذا كنا نشتي نفرح فيك ونفعل لك عرس مش هكذا ما عرفنا الا حين قالو تزوج
اياد: ههههه يمه ب الثانيه ب الثانيه افرحي
ام اياد: طيب من وين هيه
اياد: من صنعاء
ام اياد: متاكد مش يهوديه من عندك
اياد: ههههه لا والله يمه يمنيه
ام اياد: الحمد لله يـ للا الله يسعدك بس قد زعلانا
اياد: ليش يمه والله كنت مستعجل وسافرت بسرعه بس قلت لك اعوضك ب الثانيه ان شاء الله
ام اياد : قد هيه كذبه يبني لا ثانيه ولا ثالثه المهم الله يوفقك معها مادام وهي من عندنا تطمنت كنت خايفه او قد تزوجت لك واحده صايعه من عندك
اياد: هههههه
مرام تسمع وتشتغل يعني ايش اسوي ب الضبط لهذا وصاحبته وبعدين ايش قال صاحبتي لا حياء ولا ادب صاحبتي اهبل استغفر الله ما يخاف من الله يصاحب بنات الله ياخذك انت وياهن وأزيد افعل لهن كيك استغفر الله بس...
اياد: ايش بتقولي
مرام ارتبكت: ولاشي
اياد: المهم امي تسلم عليك وارجع وكل شي جاهز تمام
خرج اياد ومرام تقلد شكله : صاحباتي اخبل
....
ماريا: ستكون ليله جميله
اياد: وستخبريني بريك بها بكل صراحه
ماريا: هذا اكيد ولكن ما اسمها
اياد: مرام
ساره: م ر ا ️ـم اسم جميل هل هي جميله ك اسمها
اياد: هذا السوال ساتجيبيني انتي عليه عندما تريها
ماريا: حسننا سنذهب الان نلتقي في السماء
اياد: good buy
عمر: واحنا اعزمنا
أياد يشوف اليه بحده: قد عزمتكم عندما كنت عزب ما الان لا عاد تحلم تدخل الشقه
عمر: ههههههه
مشي اياد
خالد: ليه ما نروح
عمر: اياد حتى لو له سنين هنا بس عاد فيه غيره اليمنيين ومبادهم مستحيل يخلينا ندخل الشقه حقه وقد فيها واحده وب اسمه كمان
خالد: هههههههه كانت ايام حلو قبل ل يتزوج
......
مرام ضلت طول اليوم تطبخ وتجهز
ما كانت تشتكي ل احد ابدا جفاء ومعامله اياد حتى ل اقرب صاحبتها كان كل كلمها الحمد لله وكل شي تمام وكان تواصلها عادي مع الكل كيفك والحمد لله وبس
المساء
اياد: hhhhhh oh,my God
Really
ماريا:yes,ask sare
مرام: يوووه كيف بيضحك معهن  ما ابتسم لي حتى ابتسامه
اياد دخل صديقاته: كل شي جاهز
مرام: ايوه
اياد: this my wife
ماريا:hi
ساره: hi
اياد: مالك ردي عليهن
مرام: welcom
ساره تشوف الى ماريا وهي تشوف اليها
مرام متضايقه كملت تتعشي معهن وهم طول الوقت يضحكو ومع اياد كلمه تفهمها وعشر لا بس عرفت انهم يتكلمو ع ذكرياتهم وأشياء كانو يعملوها
تضايقت وقامت
اياد : فين رايحه
مرام: انام
اياد: اجلسي عاد بنشرب العصير ونسمر
مرام: صاحبت من
اياد: صاحبتي
مرام: اذا مادخلني
اياد يبتسم : لا تخليهم يشكين ان احنا نتصيح واجلسي قبل ما اخلي ليلتك سودا
مرام سحبت يدها ودخلت جاءبت عصير ورجعت عندهن جلست معهن تقريب أربع ساعات
مرام: هذول مافيش معهن بيوت يروحين
اياد: مادخلك او جالسات ع حسابك
مرام واياد طول الوقت صيح البنات خرجو وودعو اياد
قفل الباب ورجع جلس ع الكنب وهو مبتسم
اياد: ايش رايك فيهن حلوات صح
مرام: لا
اياد : من احلى واحده فيهن
مرام: اكيد انا
اياد يشوف اليها ويرفع جواجبه
مرام: الجمال مالهش معنى بدون حيا والبضاعه اللي تلقيها بكل مكان ينقص سعرها
قامت مرام واياد يشوف اليها ودخلت عرفتها وغلقت
اياد: كلها فلسفه بس عندها كلام رهيب ورجع مسك تلفونه: بس رغم كل هذا تضل هبلا وتشبه ابوها واكرهها من قلبي يييععععع مدري كيف قدرين ي اكلين وهي موجوده ما استدت نفسهن
مرام: لا ويسالني من احلى مالت عليك انت وياهن صايع ضايع ما أنحس الوقت اللي شفتك فيه .....

.......
اليوم الثاني
عمر: كيف كانت زوجه اياد
ساره: بكل صراحه انها جميله جدا ويبدأ انها لطيفه وخجوله بعض الشي ولا تتحدث الانجليزية الا قليل
عمر: كل هذا عرفتيه من ليله واحده
ساره: ههههه اجل
ماريا: ليست جميله بهذا الوصف انها فتاه عادي لا اكثر
عمر شاف الى ماريا: انتي تكذبين ف انتي مازلتي تغارين
ماريا؛ انا لا أغار من فتاه كهذه
عمر: هههههه
......
عمر: بصراحه يـ اياد والله ان زوجتك تمام لو وحده ثانيه ما كانت استقبلتهن
اياد: ليش وايش فيها ي عمر صاحبتي وانا حر وليش مترضي مش ع كيفها
عمر: قالت ساره انها حلوه
اياد: هي حلوه وفيلسوفه معها كلام رهيب بس ما اطيقها وما احبها
عمر: كلمتها هكذا
اياد: ايوه قلت لها انتي هنا لما احصل ع الحب اللي ابحث عنها
عمر: ايش قالت
اياد ضحك : قالت محد يبحث عن الحب هو بيجي من نفسه
عمر: اوووه قوووويه جبت الصدق شكلها ذكيه
اياد يشوف اليه: ذكيه ذكيه جدا
عمر: الله اعلم ايش نهايتك معها

...... يتبع