ليتني قلت لا

البارت السابع

ليتني_قلت_لا
البارت السابع
رائد..‎ضحكت هواي من رديتي تبجين
‎النذر يضحك ع الماعندة سجين
‎لا بجيت هواي من رديتي تبجين
‎ودريت الموت رجعت طين للطين
‎ضحكت هواي من رديتي تبجين
‎بكد ضحكج لمن قررتي تنسين
هدى..يعني شنو مشمت بيه رائد،😢
رائد ... لا طبعا هدى عندي امل تصيرين الي لو اخريوم من عمري
أشلـ؏ـت منـي و أبـد مافـاد شلـ؏ـاڪ
ورجـ؏ـت تلـو؏ ليـش تلـو؏ شلـ؏ـاڪ
ينـابت بالگلـب مـو سـهـل شلـ؏ـاڪ
مـن أشلـ؏ـڪ ينشلـ؏ گلبـي بـديـه❜
هدى..يله رائد اني افوت جوه ...فتت جوه لكيت انمار متصل فوگ ل10مرات عفته شوي واجه لبيت اهلي
انمار..رجعت للبيت مالكيت هدى سألت امي كالت راحت لأهله مو انت كايلله روحي ..اتصل متجاوب تخبلت رحت لأهله ..هدى هدى
الاب .خير شبيك تصيح
انمار..عمي ترضاها تطلع بدون علمي
هدى..وهذا الهامك انمار اني تعبت منك مليت يوميه سهر وشرب وبنات
انمار..والمطلوب هدى
هدى..لو اني لوسوالفك المخربطه شوكت متعوفهن تعال
انمار..ماشي هدى الله كريم يصير خير
هدى. راح انمار وصعدت للغرفه ابچي ياربي ليش هيج حضي تعبت بعدني صغيرة عالهم اوووف
الام..هدى يمه تره ماتسوه الزعل
هدى...صدك تحجين يمه اكلج يشرب ويخوني وتكليلي ماتسوه الزعل
الام..يمه اني خايفه عليج واني مادايمتلج تره انمار خوش ولد ويحبچ وماتلكين احسن منه
هدى. يمه لخاطر الله كافي انتو ليش هيج بايعيني ادري هيج لكمتي ثگيله عليكم لاتخافين ما ابقه يمج هسه اخابر علي واروح يمه
الام..ولچ انتي ماتفتهمين اخاف عليج لا تطلگين ومحد يرحم الناس تضل بس تحجي عليچ هم يگولون ماصار اله سنه واطلگت
هدى..لاتخافين ما اطلگ بس اريد اخوفه حت يتوب من سوالفه 😞😞
الام..الله يهديكم ويصلحه والله من خوفي عليج
هدى..لاتخافين ..يله يمه اني اريد انام ..
انمار..رجعت للبيت واحسه يخنك مابيه روح ولا ضحكه هدى چانت ماليه البيت علي ..اتصلت عليها..الو
هدى...الو كول شرايد
انمار..هدى والله البيت يخنگ بلياچ وحشه
هدى..انمار لازم تتعود ...انمار
انمار..عيونه كولي
هدى ...طلگني
انمار..شنوووووووو😠شتحچين انتي لو اموت
هدى..انمار اني تعبت أريد ارتاح انت متصيرلك چاره
انمار..وغلاة عيونچ اعوف كلشي بس لا نعوفيني اموت بدونچ هداوي
هدى..انمار كافي تحلف بداعتي واني شضل بيه من وره حلفانك
انمار..يأبه عساني لا صبحت اذا اچذب عليج انتي روحي ودنيتي شلون اعوفچ انطيني بس هاي الفرصة
هدى...انمار انطيتك هواي فرص وكل مره تسوي الأبشع منه كافي اني هم بشر والي طاقه تحمل عفت كلشي علمودك
انمار..واني ما قصرت وياج والترديه يجيج بسرعه
هدى..تره السعاده مو بالفلوس اني سعادتي جانت بدراستي وعفته علمودك لان وعدتني تعوضني بس كلشيي مشفت منك
انمار..حقج والله الترديه يجرالج من هاي اللحضه اني راح اتغير وباجر الصبح اجيج عندي. الج مفاجأة بس انتي خربتيه علي
هدى..هاي اخر فرصه و الله بعده تحلم تسمع صوتي ماشي
ماشي حياتي 😘😘 يله ارتاحي وباجر اجيج

ماشي يله مع السلامه.. اجتني رساله من انمار لج شلون راح انام ما اعرف هاي اول مره انتي مو يمي
هدى..هههه احسن علمود توب هاي ليله وشوف شصار بيك لعد اني شلون يوميه تجيني الفجر
انمار. لا والله بعد ماكو يله روحي نامي
هدى.ماشي....طبعا اني من تزوجت لليوم ما ابات اجي الصبح ارجع بليل ..اجتني رساله ضحكت اليوم مينام بس مو منه نفس الرقم اصلا ناسيته
 انته هم مثلي اكلك كل ليلة تشتاك
او هم تنزل دمعتك من تعثر بذكرانه
هم بعدك تحبني وبيك تالي اشواق؟
وبــﮕــلبك امل فد يوم تلــﮕــانه
اني كل يوم انكسر من يمر ذكراك
روحي امن القهر والكعبه خلصانه
شايف من اشتاك او يخلص اليــل
احس روحي نسر مكسوره جنحانه
اضل اشبك خيالك وﮔــعد احاجيك
مو مجنــون اﮔــلهم يمي هيانه
وبروحي اواسي هيجي كله اليل
او بالاخر انام وروحي حزنــانه
اعاتب روحي اضل واكول انساك
او هاي هيه خلص حدهه لهنانه
او بس تلطع شمس او ترجع تغيب
ترد روحي تحن و لشوفتك عطشانه
ياربي منو هذا هم زين انمار مو يمي چان موتني حفظت الرساله بلمسودات ومسحته بقيت افكر معقوله هذا رائد لا لا ميسويه يخاف علي لا يشوف انمار.اكيد رائد. لان اني اليوم يم اهلي قبل لا ازوج جان يوديلي ومن تزوجت ماكو واليوم يم اهلي هوة يدري اووووف خلي اتصل واسمع الصوت اذا مو هوة اسده اتصلت محد يجاوب بقيت اتصل وماكو عفته ونمت