رائد...بس اني يخنكني لان احس اكو نفس غريب ويانه
هدى...لا تروح رائد ابقه وتزوج وعيش حياتك ومثل ما اني عشت
رائد...ماوعدج بهذا الشي اني قررت وباجر مسافر. يله هدى مع السلامه وديري بالج على نفسج
هدى...رائد..سكتت لان مو من حقي اطلب منه يبقه ...ماشي الله وياك وتوصل بسلامه ....راح رائد وراحت روحي وياه صار وكت الفراگ صار وكت الوداع صار وكت الدموع 😢😢
على لحن الدمع نامت عيوني الليل •••
وعلى صوت القهر فز الصبح كلبي ...
لا ضالم بشر لا قاهر احد يوم ..
ليش يصير هيج وياي ياربي
مخنوك السوالف تطلع من الروح
ما ادري شعجب وشصار وشذنبي
يلوموني لان ربيت حزني وياي
المفارك محب متكلي شيربي
رائد.. رحت وعفت كلشي وراي ودعت الكل بس محبوبتي ماگدرت اكحل عيني بشوفه وصلت تركيا استقريت بانقره اجرنه شقه أحنه 4شباب قدمنه ع اليو أن وبقيت هناك سنه وهدى اعرف أخباره من فاطمه وعرفت حامل وبيه بنيه
هدى..بعد ما راح رائد ضليت مخنوكه واحس حياتي بيه نقص رغم انمار. ممقصر وياي بشي حت اني مقصرت وياه بشي ومخليت فراگ رائد يأثر على حياتي وهسه اني حامل وبيه بنيه كتمت حبه بگلبي سويت فيس وبعدين تعلمت شلون استعمله واودي طلب صداقه دخلت ع صفحه رائد.. راسلته
اريد ازرع خلك يتحمل فراك
يل فراكك جنازه وحاضنه كبـور
تعال ومرني لليل بجفن سهران
يرسم حلم جيتك ويه الطيـور
اباوع للسما وانطر شهب لليل
واثاري الليل من فركاك مهجـور
وبقت صفنات تكسر خاطر البال
تدعي الله لخريفك بلكي ميطـول
والله الصبر مل وعلى ساعه يموت
عدا فراكك صعب والباقي مكـدور...
اجاني طلب صداقه من بنيه مَدِريِّ لَيِّشٍ ګلَبِيِّ رفِّ عٌلََّيِّهِ (أّنِثّى غٌيِّرتّهِأّ أّلَأّقِدِأّر)وبعده رساله عرفت هاي رويحتي وسويت نفسي ما اعرفه حت تراسل براحته جاوبته منو گدي هاي كوله الي ههههه اني اسمي رائد وانتي
هدى...اكيد ماعرفني بعد احسن حت احچي كل اليگلبي بدون احراج طبعا اسمه (رجل بلا قدر)
ضليت يوميه اراسله اخر شي كلي اني تره عرفتج
رائد..هدى انتي واول ما قريت اسمج عرفت واليوم كتلج اعرفج لان باجر اني راح اطلع لستراليا عن طريق البحر حبيت اودعج
هدى..شنو شتكول رائد ليش بلبحر
رائد...لان تتأخر سالفه اللجوء وتركيا العيشه بيه صعبه وماكو مستقبل النه هنا
هدى..رائد. فدوة مو تخوف
رائد..لا ماكو شي ربج اليحرس. هدى مشتاقتلي
هدى..هذا سؤال رائد
أي مشتاكلك توجعني وأحجيهه😔
وبس توصل لهاتي وأختنك بيهه😢
وألزمها وأخاف الوادم يسمعون💔
أسد شفتي وتصير بعيني وأبجيهه!😭
رائد...هاي شنو ياعمري صايره شاعره من شكوت تكتبين
هدى...اني من زمان اكتب بس احب احتفض بيهن ما أقره لأحد لان احسهن خاصات
