#فضفضه
انا شاب عندي 38 سنه تقدوا تقولوا عيشت شبابي بالطول و العرض و بنات و عيشه كانت بالنسبه لياا متعه دلوقتي اقل وصف ليها انها زباله و ندمان عليها و علي عمري اللي راح ...
محستش بسني الا و انا بخلص ورق استغربت بقيت اقول لنفسي انت رايح فين و فين بيتك ؟
فين عيلتك ؟
اللي قدك عندهم عيال طولهم ..
انا عيطت و انا بكلم نفسي والله ....
روحت في اليوم ده صليت الفروض اللي مصلتهاش و انا اصلاً مفتكرش اني صليت قبل كده ..
فتحت النت اشوف الصلاه بتكون ازاي ...
كأني اسلمت من جديد بقيت انسان تاني ...
تعرفوا والله اول مره احس في حياتي اني بني آدم .. اول مره احس اني راجل اصلاً
الانسان من غير صلاه مش انسان بيكون مجنون و تايه
قيمت الليل بعدما قرأت عنه و لاقيت كل شويه ع النت صفحه حلوه تتفتح افرح و اقرأ بقيت اصحي بدري اشوف النهار بقيت قبل ما انام اقول يارب صحيني قبل الفجر بساعه عشان اصلي القيام و اصلي الفجر و فعلاً كأن ربنا بيقولي انا فرحان بيك انا قابلتك 😍
مش عارف ليه فجأه لقيت نفسي ملتحي .. و مش عايز احلقها فرحان بيها صحابي في الشغل اللي كانوا زيي بعدوا عني و دي حاجه فرحتني الناس الكويسه قربوا مني المديره في الشغل من سن والدتي لقيتها جابت ليا مجموعة كتب دينيه هديه بمناسبة اني اتغيرت لقيت الناس اللي قربوا مني حتي ضحكهم محترم و مستمتع بيه جداً
لقيت فرحه في قلبي ...
لقيت نفسي كل صلاه بدعي لامي و ابويا مش عارف بدعيلهم ليه رغم انهم ماتوا من زمان و مكنتش بفتكرهم اصلاً .... لقيت نفسي حنيت ليهم اوي
روحت زورتهم في المقابر راحه غريبه كأني في حضنهم 💔 فضلت ساعتين قاعد جمب المقابر افتكرت كل طفولتي
طب مش هتصدقوا بقيت ماشي ابص في الارض بعدما كنت ماشي ابص لكل خلق الله
بقيت اتكسف جداً و عندي حياء ....
ياااه يارب معقوله اتولدت من جديد .. ؟!
واحد من الناس اتعرفت عليه جيه بنفسه و خطبني لاخته
كنت مستغرب معقوله انا كمان بتخطب ؟!
ايه ياربي الكرم ده انا بحبك يارب
وافقت و ربنا رزقني بفاطمه زوجتي الحبيبه و خير الزوجه
عندي عمار و عمير اولادي عمرهم سنتين توأم
انا بحكيلكم عشان اللي فاكر ان عمره عدي و مش هيلحق يتوب يفهم ان باب التوبه مفتوح المهم انك تصدق التوبه
انا فرحان اني قدرت احكي و اتكلم
ادعوا لاخوكم اسمي عبد الرحمن 💙
أنت تقرأ
بـنـوتـہ عــايزه تـلتـزم
Losoweإعط النقاب من الوري تبجيلا 😍 امس النقاب علي الحياء دليلا 🙈 عين السفور تري النقاب تخلفا✋ وهو العفاف علي النساء جميلا 💚 فضعي النقاب #أختي وتألقي 😃 إن العفيفة فضلت تفضيلا 😍🌸
