اجتني رسالة فتحتها لكيتها من نورة
نورة .. مساء الخير علاوي شخبارك
علاء .. هههه قبل ساعتين اني وياج
نورة .. ههه لا حبيت اخابرك اذا عندك مجال
علاء .. اني هسة يم جماعتي شوية واخابرج
نورة .. ماشي منتظرتك
علاء .. هاي مبينه خفيفة وهماتين تكسي خليني اتونس براسها المهم شوية وخابرتها وسوالف وشقة ورة ربع ساعة مخابرة كتلها التليفون كام يطوط راح يخلص الرصيد اشوفج باجر لو لا
نورة .. اي باجر هم اخابرك وتجيني توديني اني شغلي بكل وقت
علاء.. ليش شنو تشتغلين
نورة .. اني عندي صالون اشتغل بي
علاء .. الله يرزقج هسة اني اروح لان رصيدي خلص تصبحين على خير
نورة.. وانته بخير
علاء .. باي
نورة .. باي
علاء .. رجعت يم جماعتي و شوية واجتني رسالة تم استلام 10000 من الرقم اباوع على الرقم هذا رقم نورة والله وحصلت وحدة وراها شي واضحك المهم رجعت للبيت لكيت جنات كل عادة منتظرة بالباب طبينه للغرفة
جنات.. حبيبي اجيبلك عشة
علاء .. لا ما اريد بس خليني انام
جنات .. ماشي حبيبي زين عادي افتح التلفزيون لان ما نعسانه
علاء ... كتلج اريد انام باجر وراي غبشة
جنات .. ماشي حياتي تامرني بشي
علاء .. بس خليني انطمر
جنات.. اسم الله عليك حبيبي ليش تحجي هي... بعدني ما مكملة وما احس الا علاء طفر علية ضربني راشدي لزكني بالكاع ويصيح مو كتلج اريد انام ليش تعصبيني رديت علي والله مو قصدي والله جاي... وجان يحط رجله على صدري ودنك علية اذا سمعتلج صوت اخلص عليج اشرت اله براسي اي ما احجي وخر مني وراح نام على الجرباية اني اجيت اريد انام يمه دفرني وكعني من جرباية وكلي ما اريد اشوف خلقتج
