ما اريد اشوف خلقتج .. رحت اني نزلت فراش ونمت بالكاع و خليت تليفوني يمي علمود المنبه ... دك المنبه كعدت اني سويت ريوك اله وحضرت ملابسة مال شغل ورحت اكعدة
جنات .. علاء حبيبي اكعد راح يروح عليك الوكت
علاء .. كعدت على صوتها وهي تكلي حبيبي فتحت عيوني جان تبتسم بوجهي كسرت خاطر كلتها صباح الخير
جنات.. صباح الخيرات والمسرات على احلى زوج بالدنيا
علاء .. ههه جني البارحه من ضربتج راشدي ضربت المخ مالج وتخبلتي
جنات .. ههه ليش شنو سويت حته تشوفني خبلة
علاء .. اتوقعتج تلمين وجهج بعد الصار البارحه
جنات.. واذا لميت وجهي شراح استفاد اول وتالي غصبن علية ارجعلك مثل الورد فليش ما اغلس واحفظ كرامتي وبعدين كل زوجين تصير بينهم مشاكل
علاء .. من حجت هيج حسيت بشي بداخلي يوجعني حيل
جنات.. يله حبيبي كوم تريك بين ما اصلي الفجر
علاء .. تريكت وكملت وجاي اطب للغرفة وسمعتها تدعيلي بالصحه والرزق ويحفظني من الشر وينطيها الصبر حته تكون زوجه صالحه اني هنا حسيت نفسي حقير لدرجه لا توصف يعني اكتلها واهينها وهية ولا جنها اكو شي تضحك بوجهي وتدعيلي اني من هاي اللحظة راح اسخر نفسي الها واهتم بيها احسن من هذني الاماشيهن طلعت للفرن ورجعت تغديت ونمت ساعه وطلعت بسيارة خابرتني نورة ورحت الها وصلتها ورجعت كملت شغلي صار الغروب راجع للبيت وخابرتني نورة علمود ارجعها وهيج كبرت العلاقة بيني وبين نورة وعرفت انو هي ارملة وعدها بيت تسكن بي وي اختها ومصرفها تاخذه من شغل الصالون .. جنت كل ما اكول راح اعوف هاي الشغلات يوسوس بصدري ابليس يكلي انته ما تكدر تعوفها هيج بسرعه العافية بالتداريج وبين هذا التذبذب الي بداخلي جانت من جهه نورة تغريني بجسمها وبفلوسها وصرفها علية من هداية وارصدة وملابس ومن جهة لخ زوجتي واهتمامها بيه ما يستحق هيج خيانه الا ان يوم من الايام خابرتني نورة بليل اني يم جماعتي كالتلي البيت ضلمه واني خايفة الجيران عدهم كهرباء واني ما عندي كهرباء رحت الها للبيت طلعتلي بتراك احمر والحجاب بس اسمه على راسها طبيت للبيت البيت ضلمه جان وهي شاعلة لايت التليفون وجانت بحجة الضلمه والخوف كل ساع تطفر علية وتحضني وجسمها يصير على جسمي كملت الكهرباء جان اكو قطع سويته وشتغلت الكهرباء طببتني جوة وضيفتني وهاي سوالف وضلت تسوي حركات كبالي تغريني بيهن الا اني ضعفت كبالها ونمت وياها ....
