نمت وياها ...
لمن خلصت ونتبهت على نفسي تذكرت جنات ودعائها الي ذاك اليوم رغم اني كتلتها علمود سبب تافه كمت دفرت نورة على صدرها ونوب حطيت رجلي على راسها اذا اشوفج كبالي مرة ثانيه اكتلج خلاص فهمتي
نورة .. ااه ااه اي اي ولك موتتني
علاء .. لبست وعفت نورة مختنكه وطلعت ما رحت للبيت ضليت افتر حسيت بالذنب كلت اني كون الله ما ينطيني هيج مرة اصلا اذا ذبني بنار قليل بحقي واحجي هيج بيني وبين نفسي اتصلت جنات
جنات .. ها حبيبي شو تاخرت ضل بالي
علاء.. اي عيني هسة جاي بطريق
جنات.. ماشي حبيبي بس لا تتاخر
علاء.. اوك باي
جنات .. باي
علاء .. ديلة بله جملتني خاف جنت عايز هية قلقانه علية واني نايم وي غيرها امداي من زلمه اي والله .. رحت للبيت كالعادة تلكتني بالباب صبتلي عشة وكملنا ونمت على الجرباية وافكر بالي سويته واجتي جنات تسوي مساج لرجلية اني كبل كعدت جنات رحمه لوالديج عوفيني لا تجملينها علية البية كافيني
جنات.. اسم الله عليك حبيبي شبيك شصاير
علاء.. ماكو شي بس خليني انام
جنات.. اني مرتك قاسمني همك اخفف عليك
علاء.. فدوة لعمرج عوفيني ترة اطلع انام بشارع والله
جنات.. لا لا هاي هية والله سكتت نام حبيبي
علاء .. نمت اني اخذت مشوار بالنومه جنت بين النايم والكاعد وحسيت بجنات مخليه ايدها على راسي وتقرة علية قران اني دمعت عيوني والايات جانت مؤثرة حيل بيه رجعت نمت كعدت الصبح وي صلاة الفجر جنات سهرت علية وما كعدت على المنبه والمفروض اني وي والاذان طالع للفرن اني بيني وبين نفسي قررت بداية جديدة واهتم بزوجتي وارجع لدين واصلي واصوم احسن بلكي اكفر عن الاشياء الموزينه الي سويتها رحت اتوضه واصلي بالصلاة وكعدت جنات ..
جنات .. جنت بين الكاعدة والنايمه اسمع صوت واحد يصلي كبل صار بالي يعني صلاة صايرة واني ما كاعدة يعني علاء تاخر يعني راح انكتل ما خليت بالي منو جاي يصلي رفعت الغطه وطفرت جان اشوف علاء واكف ايصلي ضليت واكفة واضرب بنفسي راشديات يربي كاعدة بعدني نايمه
