انا:-مين حبيبت الالب دي اللي حتكون كنتنا
يزن:-انت شن اديري اهني انا كم مره امقايلك معاش تتنصتي عليا 😠😠
انا:-ااا كنت في الكوجينه وو كنت نبيك ااا صاحباتي ترفعني
يزن جي وشدها من شعرها:-كم مره قووولي الف مره انقولك معاش تتنصتي عليا (يتكلم وهوا يهز فيها من شعرها)
انا:-اااااااي شعري اطلقني يا حيوان مااااامااااا😢
يزن:-سكري فمك ووعطاها كف و طلع من الحوش😡😡
ناديه(الام)خشت لقت بنتها قدام باب الكوجينه طايحه وتبكي:- خيرك يا بنتي خيركم شن دارلك خيره وجهك احمر
انا:-😭😭😭مدرتله شي والله
ناديه:-خدتها في حضنها خلااص اسسس
انا:-مسحت دموعي و قلتلها نبي انخش نرقد ومشيت لداري وقعدت انحاول نرقد فجأه تليفوني يرن و نشوف نلقاه رقم غريب سكرت عليه و رن مره تانيه رديت
انا بصوت حزين:-الوو من معاي
عبدو :- السلام عليكم ميرال؟
انا:- وعليكم السلام ايه انا ميرال من انت ؟
عبدو:- انا عبد الرحمن تفكرتيني
انا:- اااه ايه ايه عرفتك
عبدو:-كيف حالك توا ان شاء الله احسن
انا:-ايه احسن الحمد لله ، بس كيف عرفت رقمي
عبدو:-صاحبتك سجى عطتهولي ..بس متفهمينيش خطا كنت بس نبي نطمن عليك
انا:- لا عادي ولا يهمك شكرا
عبدو:-العفو هي مع السلامه عندي شغل
انا:-مع السلامه
انا (محلاه و محلا صوته ولطيف هالولد ااااا ميرال خيرك شن اتقولي) خديت تليفوني و لقيت البنات فاتحات كلمتهم مكالمه صوت
انا:- الوو يا فرخات
سجى:-اهلين شن الجو
تسنيم:-هلووووو تمااام كيف حالك توا ميرو
انا:- باهي كويسه ، مزلتي متعاركه انت و (وقبل ما اتكمل كلمتها)
سجى:-ميرال انهي
انا :- علاش شن في قولوا
تسنيم بصوت حزين وقريب تبكي:-فسخنا 😢😢
انا:- هييييي😲 خلاص حبيبتي ميستاهلش تبكي عليه
سجى:- اوووف كساد نبي نطلع
انا:-شن رايكم اتجوني
سجى:-اييه فكره حلوه شن رايك سيمو
تسنيم:- لالا مخاطريش
انا:-لالالالا نوضي حتجيني غصبن عنك
سجى:-عندك ساعتين ونكون قدام حوشك نوضي
تسنيم:-به
انا:-هي بااااي
هما:-بااي
بعد ما سكرت مشيت درت دوره عالحوش و خشيت للكوجينه لقيت امي
انا:-ماامي
ناديه:-نعم اختصري
انا:- صاحباتي بيجوني😅
ناديه:-عادي مرحبتين بيهم
انا مشيت عجبنت البيتزا درت نسكافيه و امي دارت كيكه وكعك وانا ركبت وخليت البيتزا في الكوشه هيا والكيكه و ركبت بدلت و ساويت روحي وبعد 10 د تن تن تن
انا:-ماما جووو وفتحت الباب
انا:-قردااااتي وسلمت عليهم تفضلو خشوا
ناديه:-اهليين نورتوا الحوش
سجى :-النور نورك خالتي كيف حالك
ناديه :-الحمد لله
تسنيم :-كيف حالك خالتي ، ناديه :-الحمد لله وانت ، تسنيم :-اهوو كويسه ☺
وقعمزنا في الصالون وقعدنا انهدرزوا ...يتبع
أنت تقرأ
#رواية_قصتي
Romanceرواية من وحي الخيال للمبتدئة_سيلو تحكي علي بنت مش مؤمنة بالحب ابدا لكن حيجي شخص وحيخليها تتغير تابعو روايتي وديروا منشن لاصدقائكم واسفه اذا صار تاخير
