ونتلفت ونلقى 😱😱 عبد الرحمن
عبدو:- ميرال 😲 انت شن اديري اهني قصدك انت اخت يزن 😮
انا كنت خايفه ونرعش مع بعضي
يزن عبدو وينك
انا:- قعدت نبكي ونخبش في روحي:- حي عليا انا شن درت في روحي اكيد بيقتلني كان لقاني اهني عبد الرحمن ساعدني طلعني من اهني والله يزن يقتلني 😭😭😭
يزن :- عبدووو تي وينك يا راجل
عبدو شدني من ايدي وحطني ورا الباب وحط ايده علي فمي وقالي اووس متتكلميش انا هزيت راسي بمعني به
عبدو مشي يجري قعمز وقعد واقف قدام الباب يزن : تي وينك يا راجل من بكري اندور عليك متسمعش!!
انا لما خش يزن خلاااص تمنيت تنشق الارض و تبلعني
عبدو:- كنت انكلم ااا نبي اميه
يزن بعدين توا خلينا انهدرزوا
عبدو :- لا توا ريقي جاف
يزن:- تي بعدين قلنا خيرك
عبدو:- يزن بلا براده جيبلي اميه وانت ساكت
يزن:-تي باهي الزح وطلع
عبدو ناض يجري طلعني من ورا الباب لقاني مقمعزه وضامه روحي
عبدو:- ميرال بسرعه نوضي
انا:- نضت نجري طلعت وركبت للدار لقيت ياسمين
ياسمين :- باي محمد شويا وانكلمك ، ميرو خيرك تبكي شن في خيرك
انا:- الحمد لله الحمد لله قريب كشفني
سوسو:- من اللي كشفك شن في احكي بسرعه
انا حكيتلها كل شي من طق طق للسلام عليكم
سوسو:- حي عالجو قصدك شبحك هكي بلبسة الفلبيين هادي ووووه جناابي ووه حي عالعار
انا رميتها بالمخده :- تي سكري فمك
سوسو:- حتى كان هوا مفكر يجي يخطبك طارت الفكره من راسه بعد ما شبحك هكي
انا:- عادي يشوفني عالحقيقه احسن😉 وحتى كان بيجي بيخطب من قالك بنوافق
سوسو:- اقعدي عانس طول عمرك
انا:- نقعد في حوش بوي معززه مكرمه احسن😬
سوسو:- الله يرحمه
انا:-آمين😢
سوسو:- هيا ننزلوا انساعدوا امي
انا:- هي
ونزلنا سخنا العشي ووتيناه وكلمنا محمد جي رفعه وقعدنا نغسلوا في الماعين ونهدرزوا
انا:- امي امتى بنمشوا لحوش خالي استاحشتهم
سوسو:- اي والله صح
امي:- غدوه ان شاء الله تو نمشوا
انا :- يسسس😄
ياسمين:- مزلتي فرخه
انا:- ضربتها برجلي
وبعدها جي يزن جايب السفره وغسلناها وركبنا رقدنا
نضنا تاني يوم كان يوم جمعه
انا:- امي بنتغدوا في حوش خالي ؟
امي:- اي ان شاء الله ، اختك ناضت ؟
انا:- لالا نمشي انوضها ؟
امي :- لالا انت بري نوضي خوك قوليله يمشي يشري خبزه قاعد راقد في المربوعه
انا:- اوكي
مشيت خشيت للمربوعه لقيت واحد راقد عالفراش ومغطى وجه كله فتحت الروشن وسكرت المكيف ومشست ليزن يزن نوووض قالتلك امي اشري خبزه و قعدت نرفس فيه علي بطنه و رجله نوووض يا خميره هيا وقت بنتغدوا في حوش خالي
فجأه...
يتبع
أنت تقرأ
#رواية_قصتي
Romanceرواية من وحي الخيال للمبتدئة_سيلو تحكي علي بنت مش مؤمنة بالحب ابدا لكن حيجي شخص وحيخليها تتغير تابعو روايتي وديروا منشن لاصدقائكم واسفه اذا صار تاخير
