#رواية_قصتي

Part 8

مشيت خشيت للمربوعه لقيت واحد راقد عالفراش ومغطى وجه كله فتحت الروشن وسكرت المكيف ومشيت ليزن يزن نوووض قالتلك امي اشري خبزه و قعدت نرفس فيه علي بطنه و رجله نوووض يا خميره هيا وقت 
فجأه..
يزن:- تيييييي سكررررري الروشن و افتحي النم احسن ما نضرربك علي صباحات ربي😡😠
انا:- لا نووض اشري خبزه نبو نفطروا ونمشوا لحوش خاالي😬
يزن نحنا البطانيه بسرعه من وجهة و قعمز بسرعه :- حووش خاالي !!
انا:- ايه
يزن :- باهي توا بري اقلبي وجهك
انا:- طلعتله لساني😝 ومشيت
يزن مسح وجهة بيديه و ضحك:- فرخه
نتكلم بصفتي " يزن "
"بعد ما جت ميرال و قالتلي نوض اشري خبزه بنمشوا لحوش خالي نضت نجري لان ليا هلبا ماعاد شفتهم مشت شريت خبزه و قعمزنا نفطروا"
توا انا نتلكم
قعمزنا نفطروا كانت الساعه 9
ياسمين:-يوم الاحد جايين اهل محمد مش يحددوا العرس
يزن :- اوووو سوسو كبرت وبتتزوج
ياسمين:- اسكت يا بارد غر امتى نفرحوا بيك حتى انت بس
امي:- واخيرا قررتوا ليكم سنتين مخطوبين
ياسمين تعرفت علي محمد (خطيبها) عن طريق الفيس وعاشوا قصه حب 5 شهور وجي خطبها
فطرنا و ضمينا الحوش و نشت كل وحده مش تلبس
انا:- اوووف شن نلبس
ياسمين:- البسي الجمبسوت الزيتي و فوقه الجاكه اللي شريتيها من max و سبيدروا ابيض والوشاح منعرفش اختاري بروحك
انا:- نفكر انبات منعرفش
ياسمين :- لاا اقعدي معاي شن بندير بروحي في الحوش
انا:- معاك حموودي😜
ياسمين:-😂😂😂تفوو
يزن من لووطه :- تييييي هيااااا الزف تاخرنا
انا:- تييي باااهي ناازليين
ونزلنا ركبنا للسياره لقينا امي نستنا
امي :- سنه اتبدلوا
ياسمين :- تي هما نص ساعه
امي:- نص ساعه في عينك النص ساعه متاعك هادي درت يها بسبوسه و طابت و بردت
يزن:- باهي خلاص اسكتوا
انا كنت نتفرج علي الروشن عاده فيا كل ما نطلعوا نبدا مركزه علي الروشن و مش منتبهة للاخرين
يزن:- هيا انزلي انت شن بتباتي في السياره
انا:- ااا وينهم الباقي
يزن:-نزلوا من بكري
انا خديت الساكو اللي فيها ملابسي اللي بنبات بيهم و نزلت
عائله حوش خالي ( خالي محمد مرته سعاد عندهم 2 بنات و 2 اولاد ) " نور اصغر مني بسنتين ، اسيل كبري هادي المخلوقه انحبهااا موووت ، مجد اكبر مني بسنه ، رواد اكبر من مجمد بسنتين متزوج مرته اسمها موده عندهم ولد اسمه ليث

... يتبع